Firefox je nowe přełožowanske funkcije přidał, kotrež wam zmóžnjeja, web direktnje we wašej preferowanej rěči přehladować. Jeli po sydle nawigujeće, Firefox nowy wobsah we woprawdźitym času nastajnosći přełožuje. Přełožowanska funkcija je so poněčim zawjedował a je hižo wot wersije Firefox 118 za wšěch wužiwarjow k dispoziciji. Nowa funkcija Wuběr přełožować je so z wersiju Firefox 128 zawjedła, kotraž wam zmóžnja, wubrany tekst wuzběhnyć a přełožować.

Dospołnu stronu přełožować

1. Hdyž webstronu w podpěranej rěči wopytujeće, so přełožowanske wokno awtomatisce wočini. Jeli so njewočinja, klikńće na přełožowanski symbol w symbolowej lajsće abo wubjerće Stronu přełožować z menija .

   

2. Firefox rěč strony awtomatisce wotkrywa. Zo byšće ju změnił, wužiwajće wuběranski meni horjeka.

   

3. Wubjerće potom swoju požadanu přełožowansku rěč z wuběranskeho menija deleka, kotryž so do toho z wašej prěnjej preferowanej rěču pjelni. Zo byšće ju změnił, wužiwajće wuběranski meni.

   

4. Klikńće na Přełožić, zo byšće cyłu stronu přełožował.

   

5. Zo byšće stronu do prěnjotneje rěče wróćo stajił, klikńće na symbol w symbolowej lajsće a wubjerće Original pokazać.

   

Přełožowanske nastajenja přiměrić

Zo byšće swoje přełožowanske dožiwjenje přiměrił:

1. Klikńće naprawo w symbolowej lajsće na přełožowanski symbol.

   

2. Klikńće symbol zubateho koleska naprawo w přełožowanskim woknje.

   

3. Wubjerće nastajenje, kotrež chceće nałožić.

   

4. Hóčka so zjewi, zo by wobkrućił, zo wubrane nastajenje je zmóžnjene.

   

5. Zo byšće změnu cofnył, wubjerće prosće nastajenje znowa a hóčka so zhubi, to rěka, nastajenje je znjemóžnjene.

Instalowane rěče konfigurować

Zo byšće swoje instalowane rěče konfigurował:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Kulće we woknje Powšitkowny dele k nastajenjam Rěč a zwonkowne.
3. Wubjerće pod Přełožki z lisćiny rěče, kotrež maja za přełožowanje we wobhladowaku k dispoziciji być a klikńće na Instalować. Prěni raz, hdyž z/do rěče přełožujeće, instaluje so awtomatisce na wašim graće, tak zo hižo snano někotre rěče instalowane widźiće, hdyž maće přistup k tutym nastajenjam.

   

4. Zo byšće rěč wotinstalował, klikńće prosće na Wotstronić.

   

HSP

Je přełožowanska funkcija Firefox w mobilnej wersiji k dispoziciji?

Tuta funkcija je za Firefox za Android wot wersije 126 k dispoziciji.

Funguje přełožowanska funkcija Firefox z njetekstowym wobsahom kaž wobrazy abo wideja?

Ně, přełožowanska funkcija móže tuchwilu jenož z tekstowym wobsahom na webstronach wobchadźeć, njepřełožuje njetekstowe elementy kaž wobrazy, wideja abo interaktiwne elementy.

Što je, jeli na stronu z měšanymi rěčemi abo wobsahom we wjacorych rěčach storču? Budźe přełožowanje hišće fungować?

Dokelž přełožowanska funkcija fokus na hłownu rěč webstrony staja, njemóže snano optimalnje ze stronami z měšanymi rěčemi abo z wobsahom we wjacorych rěčach wobchadźeć.

Móže Firefox strony přełožować, kotrež su přez hesło škitane abo su za přizjewjenskimi wobrazowkami?

Haj, Firefox móže strony přełožować, kotrež su přez hesło škitane abo sej přizjewjenje wužaduja, doniž wobsah dospołnje na wašej wobrazowce njepokazuje. Přełožowanska funkcija za wobsah webstronow funguje, ke kotremuž Firefox přistup ma a kotryž móže rysować.

Kak móžu stronu po přełožowanju do jeje prěnjotneje rěče wróćo stajić?

Zo byšće stronu po přełožowanju do jeje prěnjotneje rěče wróćo stajił, klikńće na symbol w symbolowej lajsće a wubjerće Original pokazać.

Kak tomu zadźěwam, zo so přełožowanske wokno awtomatisce wočinja?

Hdyž Firefox wotkrywa, zo strona je přełožujomna, so přełožowanske wokno awtomatisce wočini. Zo byšće to znjemóžnił, klikńće na symbol zubateho koleska a wubjerće nastajenje Přełožk přeco poskićić, zo byšće jo znjemóžnił. Město toho móžeće [rěč] ženje njepřełožować abo Tute sydło ženje njepřełožować, zo byšće wokno jenož za wěste rěče abo sydła znjemóžnił.

Čehodla dyrbju rěč instalować?

Instalowanje rěčow Firefox zmóžnja, přełožki lokalnje we wašim wobhladowaku přewjesć, z fokusom na wašu priwatnosć a wěstotu. Mjeztym zo přełožujeće, Firefox dźělne rěčne dataje sćahuje, jeli je trjebaće. Zo byšće do toho dospołne rěče sam instalował, dźiće k rěčnym nastajenjam w nastajenjach Firefox we woknje Powšitkowny we wotrězku Rěč a zwonkowne pod Přełožki.

Kak móžu wopačny přełožk zdźělić?

Móžeće pomhać, přełožki Firefox polěpšować, hdyž njedokładnosće z tutym formularom zdźěleće.

Podobne nastawki

• Firefox w druhej rěči wužiwać
• Wodźenske elementy, tłóčatka a symbolowe lajsty w Firefox přiměrić
• Pytanske namjety w Firefox