Hdyž Firefox zdźělenku „Warnowanje: Njewotmołwjacy skript“ pokazuje, kotryž praji: „Skript na tutej stronje snano dźěła abo hižo njewotmołwja. Móžeće skript nětko zastajić abo z nim pokročować, zo byšće widźał, hač skript zakónči.“, to rěka, zo webstrona (abo druhdy rozšěrjenje) skript wuwjedźe, kotryž předołho trjeba, zo by so skónčił. To móže k tomu wjesć, zo so Firefox spomałšuje, zamjerznje abo hižo njewotmołwja.

Tutón nastawk wujasnja, što warnowanje zawinuje, kak wupada a dawa wam rozrisanja krok po kroku, mjez druhim wo tym, kak móžeće nastajenja za překročenje časa skripta změnić a kak móžeće softwarowe konflikty rozrisać.

Čehodla so tute warnowanje jewi

Firefox skripty wužiwa, zo by webwobsah začitał, interaktiwne elementy wuwjedł a funkcije wobhladowaka ćěrił. Jeli skript předołho trjeba, zo by so dokónčił, Firefox jón zastaji, zo by tomu zadźěwał, zo waš wobhladowak dospołnje zamjerznje.

Móžne přičiny su:

• Špatnje programowana abo přećežena webstrona (na př. ćežkotne wabjenje, njeskónčne sekle).
• Zestarjene abo njekompatibelne rozšěrjenje.
• Softwarowy konflikt (na př. antiwirusowy program abo wabjenski blokowak, kotrež so ze skriptami strony do konflikty dóstawaja).
• Nastajenje Firefox, kotrež wobmjezuje, kak dołho skipty móža so wuwjesć.

Što činić, hdyž warnowanje widźiće

Móžnosć 1: Ze skriptom pokročować (krótko)

Jeli njewidźiće warnowanje hišće raz, po tym zo sće na Dale kliknył, skript snano někotre sekundy wjace trjeba, zo by so dokónčił.

Ale jeli so warnowanje zaso a zaso jewi abo Firefox hižo njereaguje, pokročujće z krokami deleka.

Móžnosć 2: Skripty na wěstych websydłach blokować

Jeli zmylk jenož najednym sydle nastawa, snano tute sydło problem zawinuje. Móžeće rozrěrjenje wužiwać, zo byšće skripty při tym haćić, so na wěstych domenach wuwjesć:

1. Instalujće rozšěrjenje JavaScript Toggle On and Off.
2. Klikńće na menijowe tłóčatko , potom na Přidatki a drastyRozšěrjenja drasty a wubjerće Extensions.
3. Pytajće za zapiskom JavaScript Toggle On and Off a klikńće na tłóčatko NastajenjaNastajenja.
4. Kulće dele k tekstowemu polu Black-list a zapodajće URL sydła, kotrež wam problemy čini.
5. Klikńće na Składować. Domenowe mjeno sydła so lisćinje přidwaja.

Nětko so problematiske sydło při tym haći, skripty wuwjesć, njebudźe hižo warnowanja njewotmołwjacych skriptow zawinować.

Option 3: Za softwarowymi konfliktami pytać

Někotre antiwirusowe programy abo rozšěrjenja priwatnosće móža skripty blokować abo so z nimi do konflikta dóstać. Huste přikłady, kotrež wužiwarjo zdźělichu:

Problemy rozrisać

1. Startujće Firefox w modusu za rozrisowanje problemow znowa:
   • Klikńće na menijowe tłóčatko > Pomoc > Modus za rozrisowanje problemow…
   • Klikńće znowa na Znowa startowác we wobkrućenskim dialogu.
2. Testujće sydło znowa.
3. Jeli zmylk so njewi, snano jedne z wašich rozšěrjenjow abo jedyn ze softwarowych nastrojow problem zawinuje.

Móžnosć 4: Čas fungowanja skripta powyšić (rozšyrjeny)

1. Zapodajće about:config do adresoweho pola a tłóčće Enter↩.
   Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał.
2. Pytajće na stronje about:config za nastajenjom dom.max_script_run_time.
3. Klikńće na tłóčatko Wobdźěłać a zapodajće 20.
4. Klikńće na hóčku , zo byšće nastajenje składował.

Jeli tute warnowanje hišće dóstanjeće (abo jeli chceće je zaso widźeć), stajće tute nastajenje na standardnu hódnotu wróćo.

1. Zapodajće about:config do adresoweho pola a tłóčće Enter↩.
   Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał.
2. Pytajće na stronje about:config za nastajenjom dom.max_script_run_time.
3. Klikńće na tłóčatko Wróćo stajić .

Maće hišće problemy?

Jeli žane horjeka naspomnjenych porjedźenjow njepomha, spytajće tele:

• Aktualizujće Firefox, zo byšće standardne nastajenja wobnowił
  • Hlejće: Firefox wobnowić - přidatki a nastajenja wróćo stajić
• Wužiwajće nachwilu druhi wobhladowak, zo byšće přistup k problematiskemu sydłu měł
• Zdźělće Mozilla tute sydło z pomocu funkcije Wobškodźene sydło zdźělić w meniju Firefox

Wažne přispomnjenja

• Firefox móže tute warnowanje pokazać, samo hdyž waš problem přez waš system njezawinuje.
• Jeli waš wobhladowak nic jenož ze skriptowymi zmylkami spaduje, so spomałšuje ab zamjerznje, sće snano na produktowy problem storčił, nic na dokumentaciski problem. Poručamy:
  • Forumy pomocy Mozilla wopytać
  • Waše komentary přez Mozilla Connect pósłać

Podobne nastawki

• Problemy z rozšěrjenjemi, drastami a hardwarowym pospěšenjom rozrisać
• Firefox wisa abo hižo njereaguje
• Konfiguraciski editor za Firefox
• Firefox wobnowić - přidatki a nastajenja wróćo stajić

Bazuje na informacijach z nastawka Unresponsive Script Warning (mozillaZine KB)