Profil Firefox waše zapołožki, hesła, nastajenja a přehladowanske daty składuje. Móžeeće wjacore profile załožić, zo byšće słužbne a wosobinske přehladowanje dźělił, rozdźělne konfiguracije testował abo waš ličak z druhimi dźělił.

Hišće nic wšitcy wužiwarjo nowy profilowy meni w symbolowej lajsće widźa, dokelž tuta funkcija so poněčim zawjeduje. Jeli to njewidźiće, móžeće hišće profile přez about:profiles załožić a rjadować. Hlejće Profile Firefox z pomocu profiloweho zrjadowaka załožić a wotstronić za podrobnosće.

Nowy profil załožić

1. Klikńće w symbolowej lajsće na kontowy symbol .
2. Klikńće na Profile a potom na + Nowy profil.
   • Firefox nowu instancu startuje, zo by waš nowy profil załožił, t. r. widźiće dwaj symbolej Firefox w swojim nadawkowej lajsćedoku.
3. Slědujće namołwam na wobrazowce, zo byšće swój nowy profil konfigurował. Wšě waše změny so awtomatisce składuja.
4. Hdyž sće hotowy, začińće rajtark abo klikńće na Wobdźěłanje dokónčene.

   

Profil přiměrić

Po konfiguraciji profila móžeće z personalizaciju pokročować, t. r. móžeće jemu mjeno, drastu a awatar dać.

• Profilowe mjeno: Dajće profilej jónkróćne mjeno, zo byšće jón lochko namakał. Profile so alfabetisce nalistuja.
• Profilowa drasta: Wubjerće drastu, zo byšće kóždemu profilej jónkróćnu barbowu šemu dał. To je předewšěm wužitne, jeli maće wjacore profile naraz wočinjene; rozdźělne drasty wam pomhaja, hnydom widźeć, we woknje kotreho profila dźěłaće.
• Profilowy awatar: Wubjerće awatar, kotryž wam tež pomha, waš profil identifikować. Budźeće tež swój awatar jako značku w symbolej Firefox w swojej nadawkowej lajsćeswojim doku widźeć, kotraž je z tym wosebitym profilom zwjazany:

1. Klikńće w symbolowej lajsće na kontowy symbol .
2. Klikńće na mjeno swojeho aktualneho profila.
3. Klikńće na symbol Wobdźěłać horjeka naprawo, zo byšće swój aktualny profil wobdźěłał. Zo byšće druhi profil wobdźěłał, klikńće na Profile rjadować.
4. Změny přiměrjenja profila so awtomatisce składuja. Hdyž sće hotowy, začińće rajtark abo klikńće na Wobdźěłanje dokónčene.

   

Eksistowacy profil wočinić

1. Klikńće w symbolowej lajsće na kontowy symbol .
2. Klikńće na mjeno swojeho aktualneho profila.
3. Wubjerće prosće z wuběranskeho menija profil, kotryž chceće wočinić.

   

Profil zhašeć

Jeli profil hižo njetrjebaće, móžeće jón lochko takle zhašeć:

1. Klikńće w smybolowej lajsće na kontowy symbol .
2. Klikńće na mjeno swojeho aktualneho profila.
3. Klikńće na symbol Wobdźěłać horjeka naprawo, zo byšće ze zhašenjom swojeho aktualneho profila pokročował. Zo byšće druhi profil zhašał, klikńće na Profile rjadować.
4. Klikńće deleka naprawo na Zhašeć.
5. Přepruwujće daty, kotrež so zhašeja a klikńće potom na Zhašeć, zo byšće wobkrućił.
   • Jeli waš posledni zbytny profil zhašeće, so Firefox z nowym profilom wočini.

   

Sync z nowym profilom wužiwać

Profile su lokalne po standardźe — njesynchronizuja so awtomatisce abo přizjewće so pola konta.

Jeli chceće zapołožki, hesła a historija swojeho noweho profila na druhich gratach měć:

• Móžeće daty ze swojeho noweho profila z druhimi gratami synchronizować, z kotrymiž sće pola swojeho konta Mozilla přizjewjeny. Zo byšće wjace zhonił, hlejće Kak zarjaduju Sync na swojim ličaku?, Sync Firefox data a Kotre typy informacijow móžu z Firefox synchronizować?

Profil při startowanju Firefox wubrać

Móžeće wuskutkować, zo so Firefox praša, kotry profil ma startować:

1. Klikńće w symbolowej lajsće na kontowy symbol .
2. Klikńće na Profile rjadować.
3. Wubjerće Wubjerće profil, hdyž so Firefox wočinja.
   • Jeli to wubrane njeje, Firefox jako posledni wužity profil wočini.

   

Alternatiwne rozrisanja: Multikontowe kontejnery

Jeli chceće słužbne wot wosobinskich přehladowanskich kontekstow dźělić, ale nochceće profile wuměnić, móžeće rozšěrjenje Multi-Account Containers instalować.

• Profile wšě daty (zapołožki, nastajenja, přidatki) dźěla.
• Kontejnery jenož placki, přizjewjenja a sydłowe daty znutřka profila dźěla.

HSP

Je tuta funkcija na Android abo iOS k dispoziciji?

Ně, profilowa funkcija so tuchwilu na Android abo iOS njepodpěruje.

Wjedźe załoženje noweho profila k tomu, zo so pola konta přizjewjam abo wobwliwuje moje synchronizowanske nastajenja?

Ně, załožowanje abo rjadowanje profilow was pola konta Mozilla njepřizjewja abo synchronizaciske nastajenja njezměnja. Sync separatny wostawa, a profile wam zmóžnjeja, rozdźělne přehladowanske wokoliny konfigurować, bjeztoho zo bychu so awtomatisce z kontom zwjazali.

Měša wuměna profilow moje daty, jeli so pola konta Mozilla přizjewjam?

Ně. Kóždy profil je dospołnje separatny. Firefox tomu zadźěwa, zo so wjacore profile na samsnym graće ze samsnym kontom synchronizuja.

Kotry profil so wočinja, hdyž Firefox wočinjam?

Jeli sće Profil wubrać, hdyž so Firefox wočinja z wobrazowki Profile rjadować wubrał, móžeće z lisćiny wšěch wašich profilow wubrać, hdyž so Firefox wočinja. Hewak so Firefox jako posledni wužity profil wočini.

Kak nastajenja za “Hromadźenje a wužiwanje datow” z profilemi funguja?

Zo by Firefox jenož daty z wašej dowolnosću hromadźił, so waše nastajenja za Hromadźenje a wužiwanje datow na kóždy profile Firefox na wašim graće nałožuja. To rěka, zo dyrbiće jenož tute nastajenja w jednym profilu změnić a změny so so na waše druhe profile nałožuja. Hdyž nowy profil załožujeće, so waše aktualne nastajenja za Hromadźenje a wužiwanje datow awtomatisce nałožuja. Móžeće sej tute kóždy čas we wotrězku Priwatnosć a Wěstota strony about:preferences (strona nastajenjow Firefox) wobhladać a změnić.

Měł ja swoje profile zawěsćić?

Najlěpša móžnosć, waše profilowe daty škitać je, hdyž za kóždy profil konto Mozilla załožujeće. Sync waše daty přez graty awtomatisce škita a zaručuje lochki přistup, hdyžkuli je trjebaće.

Što je rozdźěl mjez profilemi a multikontowymi kontejnerami?

• Profile dospołne dźělenje wašch datow mjez kóždym profilom zmóžnjeja – mjez nimi zapołožki, hesła, nastajenja, přidatki, přehladowanska historija a přehladowanske daty (kaž placki a přizjewjenja).
• Multikontowe kontejnery wšak jenož přehladowanske daty kaž placki a přizjewjenja mjez rozdźělnymi kontejnerami dźěla. Přidatk Multi-Account Containers da so w jednotliwym profilu wužiwać, ale tutón přidatk a jeho kontejnery so přez profile njerozdźěluja.

Podobne nastawki

• Wužiwarske profile - hdźež Firefox waše zapołožki, hesła a druhe wužiwarske daty składuje
• Change website appearance settings in Firefox
• Change the fonts and colors websites use