Firefox wobsahuje zatwarjeny PDF-čitak, zo by PDF-dataje we woknje webwobhladowaka pokazał. Tutón nastawk wujasnja, kak móžeće zatwarjeny PDF-čitak wužiwać, kak móžeće huste problemy rozrisać, na kotrež snano storčiće, a kak móžeće druhi PDF-čitak wužiwać.

Zatwarjeny PDF-čitak Firefox

Firefox wobsahuje zatwarjeny PDF-čitak, kotryž wam zmóžnja, sej nimale wšě PDF-dataje namakane we webje bjez eksterneho nałoženja wobhladać (wuwzaća su PDF-dataje z wopak nastajenym MIME-typom). Zatwarjeny PDF-čitak je po standardźe zmóžnjeny. Hdyž na wotkaz na PDF-dataju klikaće abo jón z wokna sćehnjenjow Firefox wočinjeće, so wona w zatwarjenym PDF-čitaku pokaza.

Zo byšće wjace wo zatwarjenym PDF-čitaku zhonił, hlejće Zatwarjeny PDF-čitak Firefox wužiwać (deleka).

PDF-čitak třećeho poskićowarja za sćahowanje PDF-datajow wužiwać

Hdyž Firefox je jako stndard za pokazowanje PDF-datajow we wobhladowku nastajeny, móžeće hišće sćehnjene PDF-dataje z nastreojom třećeho poskićowarja sćahnyć. Zo byšće PDF-dataju wočinił, kotruž sće w Firefox z pomocu druheho čitaka sćahnył:

1. Klikńće na sćehnjenski symbol pódla adresoweho pola, zo byšće wokno sćehnjenjow wočinił.
2. Klikńće z prawej tastu na symbol datajoweho rjadowaka PDF-dataje a wubjerće Wobsahowacy rjadowak wočinić.Dźeržće tastu control stłóčenu, mjeztym zo na lupowy symbol PDF-dataje klikaće (dwuporstowe kliknjenje) a wubjerće W Finder pokazać.
3. Klikńće potom z prawej tastuKlikńće potom ze stłóčenej ctrl-tastu w sćehnjenskim rjadowaku, wubjerće Wočinić z a wubjerće swój preferowany PDF-čitak.

Zatwarjeny PDf-čitak znjemóžnić a druhi čitak wužiwać

Móžeće město zatwarjeneho PDF-čitaka Firefox tež PDF-čitak třećeho poskićowarja wužiwać, zo byšće PDF-dataje pokazał. Zo byšće město zatwarjeneho PDF.čitak druhi PDF-čitak wužiwał:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Dźiće we woknje Powšitkowne dele do wotrězka Nałoženja.
3. Pytajće Portable Document Format (PDF) w lisćinje a klikńće na zapisk, zo byšće jón wubrał.
4. Klikńće na šipk pod špaltu Akcija za horjeka naspomnjeny zapisk a wubjerće z wuběranskeho menija PDF-čitak, kotryž chceće wužiwać.

   

Firefox nastajić, zo by so was prašał, što ma z PDF-datajemi činić

Jeli chceće, zo so was Firefox přeco praša, što ma z PDF-datajemi čitać, přewjedźće slědowace kroki, zo byšće akciju za zapisk Portable Document Format (PDF) změnił, chibazo wuběraće Přeco so prašeć z wuběranskeho menija. Přichodny raz, hdyž na wotkaz klikaće, zo byšće PDF-dataju sćahnył, budźe wam Firefox namołwu pokazować, kotraž so was praša, što ma so z dataju činić. Móžeće potom ju ze zatwarjenym PDF-čitakom wočinić, ju z druhej PDF-nałoženjom wočinić, abo móžeće dataju składować.

Za dalše informacije hlejće Wobsahowe typy a sćehnjenske akcije w Firefox.

Zatwarjeny PDF-čitak Firefox wužiwać

Formulary w PDF-čitak wupjelnić

Někotre PDF-dataje interaktiwne pola wobsahuja, hdźež dadźa so daty (na přikład we formularach) zapisać. Z pomocu zatwarjeneho PDF-čitaka Firefox, móžeće pola wupjelnić, na přikład tekstowe pola, kontrolne kašćiki a opciske tłóčatka. Po tym zo sće daty do tutych polow zapodał, móžeće dataju sćahnyć, zo by wupjelnjena wersija na wašim ličaku składowana był.

Funkcije symboloweje lajsty PDF-čitaka

• Miniaturki abo rozrjad dokumenta pokazać: Tłóčatko, kotrež je cyle nalěwo na symbolowej lajsće, bóčnicu z miniaturkami stronow dokumenta wočini. Někotre dokumenty maja tež rozrjadowy napohlad. To nawigaciju přez dołhi dokument wosnadnja.

  

• Wo stronu doprědka abo dozady listować abo direktnje k stronje přeńć: Móžeće šipkowej symbolej horje - ⇑ - a dele - ⇓ wužiwać, zo byšće přez dokument listował abo čisło strony zapodał, ke kotrejž chceće přeńc.

  

• Wulkosć dokumenta změnić: Wužiwajće tłóčatce + a -, zo byšće powjetšił a pomjeńšił, abo wubjerće skalowanske nastajenje z wuběranskeho menija.

  

• Połna wobrazowka abo prezentaciski modus: Klikńće na tłóčatko połneje wobrazowki, zo by so dokument na cyłej wobrazowce pokazał. Tłóčće ESC, zo byšće modus połneje wobrazowki wopušćił.

  

• Ćišćeć: Klikńće na ćišćakowy symbol, zo byšće Windowsowy dialog Drucken wočinił.

  

• Sćahnyć: Klikńće na symbol Śćahnyć, zo byšće PDF-dataju na swojim ličaku składował abo ju z PDF-čitakom wočinił.

  

• Aktualny napohlad kopěrować: Klikńće z prawej tastu myškiDźeržće tastu ctrl stłóčenu, mjeztym zo klikaće na tłóčatko aktualneho napohlada, zo byšće aktualny napohlad w druhim rajtarku abo woknje wočinił.

  

Tastowe skrótšenki PDF-čitaka

Problemy z PDF-čitakom rozrisać

• Z wěstymi typami PDF-datajow móže PDF-čitak problemy při zwobraznjowanju pismow, barbow abo cyłeho dokumenta měć. Jeli so někotre PDF-dataje derje njezwobraznjuja abo su prózdne, klikńće na sćehnjenske tłóčatko naprawo na symbolowej lajsće, zo byšće dokument ze standardnym PDF-čitakom na swojim ličaku wočinił.

• Jeli njemóžeće PDF-dataje ze zatwarjenym PDF-čitakom wočinić, móhło rozšěrjenje Firefox wina być. Móžeće wšě swoje rozšěrjenja znjemóžnić, zo byšće hladał, hač jedne z nich problem zawinuje. Za podrobnosće hlejće Problemy z rozšěrjenjemi, drastami a hardwarowym pospěšenjom rozrisać.