Kak móžu zwěsćić, hač mój zwisk z websydłom je wěsty?

Wersijowe informacije
  • Wersijowy ID: 301057
  • Wutworjeny:
  • Awtor: milupo
  • Komentar: update
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija? Haj
  • Hotowy za přełožowanje: Ně
Žórłowy kod wersije
Wobsah wersije

Hdyž websydło wopytujeće, so tłóčatko sydłoweje identity (zamk) w adresowym polu nalěwo pódla webadresy jewi. Móžeće spěšnje zwěsćić, hač zwisk z websydłom, kotrež sej wobhladujeće, je zaklučowany, a w někotrych padach komu websydło słuša. To ma wam pomhać, złowólne websydła wobeńć, kotrež pospytuja, so do wašich wosobinskich datow dóstać.

Fx89AddressBarPadlockFx138AddressBarPadlock

Hdyž sej wěste websydło wobhladujeće, budźe tłóčatko sydłoweje identity zamk Fx89Padlock. W mało padach wšak widźiće snano zamk z warnowanskim třiróžkom Fx89Padlock-Triangle abo zamk z čerwjenej smužku na nim Fx89Padlock-RedLine.

Hdyž na zamk nalěwo wot adresoweho pola klikaće, so wokno wo sydłowych informacijach pokaza, kotrež wam zmóžnja, nadrobniše informacije wo wěstotnym statusu zwiska pokazać.
Warnowanje: Njesćelće websydłu žane sensibelne informacije (na přikład bankowe daty, daty kreditnych kartow abo čisła socialneho zawěsćenja), jeli adresowe polo zamk z warnowanskim třiróžkom abo z čerwjenej smužku na nim pokazuje. W tajkich padach snano z požadanym websydłom njekomunikujeće, a waše daty njejsu přećiwo wotsłuchowanju škitane!

Zamk

Zamk Fx89Padlock bjez warnowanskeho třiróžka abo čerwjeneje smužki na nim podawa, zo:

Sće na kóždy pad z websydłom zwjazany, kotrehož adresa so w adresowym polu pokazuje a zwisk njeje so wotpopadnył.

  • Zwisk mjez Firefox a websydłom je zaklučowany, zo by wotsłuchowanju zadźěwało.

Klikńće na zamk, zo byšće wuslědźił, hač websydło certifikat Extended Validation (EV) wužiwa. EV-certifikat je wosebity typ sydłowehoc ertifikata, kotryž sej chětro rigorozniši proces přepruwowanja identity hač druhe typy certifikatow wužaduje.

Za sydła, kotrež EV-certifikaty wužiwaja, so prawniske předewzaće a městno wobsedźerja websydła pokazujetej, hdyž na zamk kliknjeće.

Zamk z warnowanskim třiróžkom

Zamk z warnowanskim třiróžkom Fx89Padlock-Triangle podawa, zo zwisk mjez Firefox a websydłom je jenož zdźěla zaklučowany a wotsłuchowanju njezadźěwa. Firefox po standardźe njewěsty pasiwny wobsah kaž wobrazy njeblokuje; widźiće prosće warnowanje, zo strona połnje wěsta njeje. Za dalše informacije hlejće Blokowanje měšaneho wobsaha w Firefox.

Njesćelće sensibelne informacije sydłam, hdźež tłóčatko sydłoweje identity je zamk z warnowanskim třiróžkom.

Zamk z warnowanskim třiróžkom so tež za warnowanje websydłowych certifikatow jewi, na přikład za sydła ze samosignowanymi certifikatami, kotrež wot dowěry hódneho certifikowanišća wustajene njejsu. To je problem, kotryž dyrbi wuwiwar sydła rozrisać.

Zamk z čerwjenej prěčnej smužku na nim

Zamk z čerwjenej smužku na nim Fx89Padlock-RedLine podawa, zo zwisk mjez Firefox a websydłom so pak přez njewěsty protokol (HTTP) nawjazuje pak zo je jenož zdźěla zaklučowany, dokelž sće blokowanje měšaneho wobsaha manuelnje znjemóžnił. Sydło njeje přećiwo wotsłuchowanju abo „nadpadam muža w srjedźiznje“ škitane.

Njesćelće sensibelne informacije sydłam, hdźež tłóčatko sydłoweje identity je zamk z čerwjenej smužku na nim.