Firefox wam zmóžnja, zapołožki z druhich wobhladowakow importować, kotrež su na wašim ličaku instalowane. Móžeće tež druhe daty kaž na přikład přehladowansku historiju a składowane hesła z tych wobhladowakow importować.

Jeli maće přizjewjenja a hesła, kotrež su w druhim wobhladowaku składowane, Firefox druhdy namjetuje, te přizjewjenske daty do Firefox importować, zo by wam pomhał, so pola websydła přizjewić.

• Zo byšće swoje daty Firefox z druheje instalacije Firefox abo z druheho profila wobnowił, hlejće Wažne daty ze stareho profila wobnowić.

• Za powšitkowne informacije wo zapołožkach hlejće Ze zapołožkami swoje najlubše webstrony składować.

Daty z druheho wobhladowaka importować

Importowanski asistent je na tónle podobny:

Wubjerće wobhladowak, kotryž zapołožki abo druhe daty wobsahuje, kotrež chceće we Firefox wužiwać a dźiće potom dale k přichodnym wobrazowkam , zo byšće wuběrał a import dokónčił.

Potom budźe meni zapołožkow Firefox abo lajsta zapołožkow nowy rjadowak wobsahować, kotrejž zapołožki wobsahujetej, kotrež su so z druheho wobhladowaka importowali (na přikład rjadowak z mjenom Z Microsoft Edge abo Z Google Chrome). Lajsta zapołožkow so awtomatisce zjewi, zo by wam pomhała, waše runje importowane zapołožki namakać.

Za dalše informacije hlejće:

• Import Bookmarks and other data from Microsoft Edge
• Zapołožki a druhe daty z Google Chrome importować

Zapołožki z HTML importować

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił. Klikńće na Zapołožki a potom na lajstu Zapołožki rjadować deleka.
2. Klikńće we woknje biblioteki na Importować a zawěsćićImportować a zawěsćić a wubjerće Zapołožki z HTML importować…. Wokno za importowanje dataje zapołožkow so wočini.
3. Wubjerće dataju, kotraž daty wobsahuje, kotrež chceće importować a dźiće dale k přichodnym wobrazowkam, kotrež so pokazuja.

Hlejće nastawk Zapołožki z HTML-dataje importować za dalše informacije.