Standardny wobhladowak we Windows do Firefox změnić

Firefox Firefox Posledni raz zaktualizowany:
Tutón nastawk němske zapřijeća dźěłoweho systema wobsahuje, dokelž serbski dźěłowy system njeeksistuje.

Wšojedne hač Windows 10 abo najnowši Windows 11 wužiwaće, tutón nawod budźe wam pomhać, Firefox jako standardny wobhladowak z mało prócu nastajić. Nastajenje Firefox jako waš standardny wobhladowk je nětko trochu bóle komplikowane, změnow dla, kak Window standardne nałoženja rjaduje. Z wozjewjenjom wersije Firefox 126 je so nowe funkcija za zawodne zdźělenki zawjedła, zo by wam pomhała, po tutych změnach lochko nawigěrować.

Pokiw: Tutón nastawk za Windows 10 abo Windows 11 płaći. Za starše wersije Windows, hlejće Firefox jako standardny wobhladowak postajić. Jeli tuchwilu Firefox na wašim ličaku instalowany njeje, sćehńće a instalujće najprjedy Firefox.

Firefox jako waš standardny wobhladowak nastajić

Firefox in nastajenjach Firefox jako standardny wobhladowak nastajić

Klikńće horjeka naprawo na wašej wobrazowce na IG main menu, zo byšće meni Firefox wočinił.

  1. Wubjerće Nastajenja.
  2. Pytajće we woknje Powšitkowny za wotrězkom Startować.
  3. Jeli Firefox jako waš standardny wobhladowak nastajeny njeje, budźeće zdźělenku Firefox waš standardny wobhladowak njeje widźeć. Klikńće na tłóčatko Make default button.
  4. Jeli tute skedźbnjenje widźiće, to rěka, zo standardne nastajenje z jednym kliknjenjom njefunguje a dyrbiće přidatne kroki w nastajenjach wašeho Windows přewjesć.
    Toast notification - set Firefox as default

Zo byšće Firefox pozdźišo lochko wočinił, přidajće nadawkowej lajsće zwjazanje:

  1. Wočińće firefox a swojim ličaku.
  2. Klikńće deleka na nadawkowej lajsće Windows z prawej tastu na Firefox.
  3. Klikńće na An Taskleiste anheften.

Firefox w nastajenjach Windows manuelnje jako standardny wobhladowak nastajić

Jeli skedźbnjenje so njejewi, žadyn strach. Móžeće Firefox manuelnje jako swój standardny wobhladowak nastajić, hdyž slědowace kroki přewjedźeće (klikńće na Plus icon naprawo pódla Za Windows 10 abo Za Windows 11, zo byšće kroki widźał):

Za Windows 10

  1. Klikńće na tłóčatko Start Windows.
  2. Zapodajće Standard-Apps do pytanskeje lajsty.
  3. Wubjerće Standard-Apps z pytanskich wuslědkow.
  4. Pytajće w meniju Standard-Apps swój aktualny standardny wobhladowak pod Webbrowser a klikńće na njón.
  5. Wubjerće Firefox z lisćiny móžnosćow, kotrež su k dispoziciji, zo byšće jón jako swój standardny wobhladowak nastajił.

Zo byšće Firefox pozdźišo lochko wočinił, přidajće swojej nadawkowej lajsće zwjazanje:

  1. Wočińće Firefox na swojim ličaku.
  2. Klikńće deleka na nadawkowej lajsće Windows z prawej tastu na Firefox.
  3. Klikńće na An Taskleiste anheften.

Za Windows 11

  1. Klikńće na tłóčatko Start Windows.
  2. Zapodajće Standard-Apps do pytanskeje lajsty.
  3. Wubjerće Standard-Apps z pytanskich wuslědkow.

Kulće dele we woknje Standard-Apps, zo byšće Firefox namakał.

  1. Klikńće na Firefox.
  2. Nawigěrujće po podatych nastajenjach, zo byšće Firefox za kóždy datajowy typ abo wotkazowy typ, kotrež trjebaće, jako standardny wobhladowak nastajił.

Zo byšće Firefox pozdźišo lochko wočinił, přidajće swojej nadawkowej lajsće zwjazanje:

  1. Wočińće Firefox na swojim ličaku.
  2. Klikńće deleka na nadawkowej lajsće Windows z prawej tastu na Firefox.
  3. Klikńće na An Taskleiste anheften.

Podobne nastawki

Slědowacy wulkotni ludźo su pomhali, tutón nastawk pisać:

milupo
Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije