Co jo se stało ze swójimi barwowymi kombinacijami?

8. februara 2022 jo wótběžało 18 barwowych kombinacijow, kótarež jo se z wersiju 94 Firefox zawjadło. To signalizěrujo kóńc wósebneje casowje wobgranicowanejee sajźby funkcijow. Móžośo pak swóju nejlubšu barwowu kombinaciju wobchowaś, jolic sćo ju wužywał na datumje spadnjenja. Hynac gronjone, barwowa kombinacija, kótaraž jo była we woknje zastojnika dodankow „zmóžnjona“, na pśecej waša wóstanjo.

Klikniśo na menijowy tłocašk pótom na Dodanki a drastwy a wubjeŕśo Drastwy. To was k woknoju Drastwy zastojnika dodankow wjeźo. Drastwa, kótaraž se rowno wužywa, se górjejce pokazujo, pód Zmóžnjony.

Za tym až zběrka barwowych kombinacijow wersije 94 jo wótběžała, zawupytnjośo někotare změny w zastojniku dodankow. Wótrězk barwowych kombinacijow se wěcej njepokazujo, a waša aktiwna, zmóžnjona barwowa kombinacija we wótrězku „Zmóžnjony“ mjazy drugimi systemowymi drastwami a drastwami tśeśich póbitowarjow wóstawa. Gaž toś tu barwowu kombinaciju znjemóžnjaśo, buźo se wóna we wótrězku „Znjemóžnjony“ pokazowaś.

Co jo, jolic na wersiju 97 Firefox njeaktualizěrujom?

Njeźiwajucy na wersiju (wersija 94 a nowše), maśo dalej pśistup k barwowym kombinacijam wersije 94, kótarež sćo zmóžnił połnoc 8. februra 2022.

Wobchowajom swóju staru barwowu kombinaciju, za tym až som zaktualizěrował na Firefox 97?

Jo. Gaž na wersiju 97 Firefox aktualizěrujośo, maśo dalej pśistup k barwowej kombinaciji, kótaraž jo była 8. februara 2022 zmóžnjona a maśo pśistup k wšym šesć nowym barwowym kombinacijam. Waša barwowa kombinacija wersije 94 a barwowe kombinacije wersije 97 su w zastojniku dodankow k dispoziciji.