Firefox za desktop móžnosć skići, hłowne hesło wužiwać, zo byšće swoje składowane hesła škitał. Hdyž je hłowne hesło zmóžnjene, so waše składowane hesła zaklučuja a nimaće přistup k nim, bjeztoho zo byšće hłowne hesło zapodał. Hlejće Use a Primary password to protect stored logins and passwords za dalše informacije.

Kak waše hłowne hesło ze Sync funguje?

Hdyž so Sync wužiwa, so waše přizjewjenje konta Mozilla w zrjadowaku hesłow Firefox składuje. Waše hłowne hesło dyrbi so zapodać, zo by Sync přistup k wašemu přizjewjenju pola wašeho konta Mozilla měł, štož synchronizowanje wašich składowanych hesłow a druhich daty wobhladowaka přez waše graty zmóžnja.

Kak waše hesła wěste wostawaja?

Hdyž hesła websydłow składujeće, funkcija hłowneho hesła je zaklučuje, prjedy hač so na wašim ličaku składuja. Zo byšće swoje hesła synchronizował, Sync je na zakładźe hesła wašeho konta Mozilla znowa zaklučuje, hdyž hłowne hesło zapodawaće a sćele je potom k serweram Sync. Zaklučowane kopije wašich hesłow so ženje online njepřenošuja.

To woznamjenja, zo hłowne hesło je za kóždy jednotliwy grat specifiske a nic za waše konto Mozilla. Kóždy grat móže druhe (abo žane) hłowne hesło měć a njesynchronizuja so mjez gratami.

Što je z Android a iOS Apple?

Mobilne wersije Firefox waše hesła lokalnje zaklučuja, spušćeće pak skerje na zatwarjenu wěstotu grata hač na hłowne hesło. Hesło wašeho konta Mozilla je trěbne, zo byšće ze Sync zwjazał, tohodla da so kóžde přizjewjenje na wašnje znowa zaklučował, z kotrymž druhe graty móža dešifrować.