Firefox Accounts wam pomha, mócne hesło wutworić, hdyž so registrujeće, zo byšće sensibelne informacije kaž zapołožki, přizjewjenske daty a přehladowansku historiju škitał.

Čehodla mócne hesło wužiwać?

Firefox Accounts zapołožki a přizjewjenske daty za sydła, kotrež wopytujeće, wobchowuje, mjez nimi bankowe konta a konta za webmejl, socialne medije, dźěło a šulu.

Jeli so nadpadnik do wašeho konta Firefox zadobywa, změje přistup k wašim, priwatnym informacijam - wón čita wašu historiju, zapołožki, hesła a kotre přidatki sće zainstalował. Nadpadnik móže tež dalše přidatki instalować, kotrež so do wašeho ličaka synchronizuja.

Kotre su kriterije za mócne hesło?

Firefox Accounts zawěsća, zo waše hesło slědowacym kriterijam wotpowěduje:

• Ma znajmjeńša wosom znamješkow.
• Hesło žadyn dźěl e-mejloweje adresy njewobsahuje.
• Hesło wopisanju najhusćišich hesłow (němsce) njewotpowěduje.

Pokiwy za mócne hesło

Wubjerće hesło, kotrež da so za kóždeho druheho ćežko wuhódać, ale kotrež wy móžeće sej derje spomjatkować. Jeli swoje hesło wróćo stajeće, zhubiće wšě waše synchronizowanske daty.

• Kombinujće pismiki (wulko- a małopismiki), ličby a symbole.
• Njewužiwajće wosobinske informacije (waše mjeno, narodninski datum, adresa) w swojim hesle.
• Wužiwajće druhe hesło za kóžde konto.