Hłowne hesło Firefox přidatnu wěstotnu runinu přidawa, zo by waše składowane přizjewjenja škitało. Samo hdyž něchtó přistup k wašemu gratej dóstawa, njemóže waše składowane hesła widźeć abo wužiwać, bjeztoho zo by waše hłowne hesło zapodał. To zaručuje, zo waše najbóle sensibelne informacije – na přikład přizjewjenske daty za bankowe naležnosće a e-mejl – před njeawtorizowanym přistupom škitane wostawaja.

Jeli waš ličak z někim druhim dźěliće, poruča so naležnje, zo hłowne hesło wužiwaće.

Wjacore graty/profile: Hłowne hesła so lokalnje nastajeja a njesynchronizuja mjez profilemi abo gratami. Jeli wjace hač jedyn grat abo jedyn profil wužiwaće, tute rozdźělne hłowne hesła wužiwaja.

• Za dalše problemy priwatnosće, kotrež dźělenje na ličaku nastupaja, hlejće How do I share Firefox between people on a computer?

Wažny: Po tym zo sće hłowne hesło definował a postajił, dóstawaće namołwu, jo jónkróć na posedźenje Firefox zapodać, hdyž Firefox přistup k wašim składowanym hesłam trjeba. To tež płaći, jeli chceće hesło přidać, wotstronić abo pokazać.

Hłowne hesło wutworić

Po standardźe Firefox hłowne hesła njewužiwa, zo by składowane přizjewjenske daty škitał. Zo byšće hłowne hesło postajił:

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił.
2. Klikńće na Přizjewjenja a hesłaHesła.

3. Klikńće na meni přizjewjenjow Firefox a potom na NastajenjaNastajenja.

   

   • Wokno Firefox NastajenjaNastajenjaNastajenja Priwatnosć a wěstota so z wotrězkom Přizjewjenja a hesłaHesła wočini.

   

4. Stajće hóčku pódla Hłowne hesło wužiwać, zo byšće dialog Hłowne hesło změnić wočinił.
5. Zapodajće swoje hłowne hesło. Měridło hesłoweje kwality wam podawa, kak ćežko da so waše defnowane hesło zhódać. Zo byšće hesło wysokeje kwality wutworił, měło waše hłowne hesło slědowace wuměnjenja spjelnić:
   • Dyrbi znajmjeńša jedyn wulkopismik wobsahować, zo by so kompleksnosć přidała.
   • Dyrbi cyfry w hesle być, zo bychu so jednore placěrowanja na spočatku abo kóncu wobešli.
   • Dyrbi znajmjeńša jedne njealfanumeriske znamješko wobsahować, na přikład: @ # $ % ^ & * ( ).
   • Konfiguracija, kotruž móžeće sej lochko spomjatkować, druzy wšak jenož ćežko zhódawaja, štož zaručuje, zo wy, a jenož wy, přistup k tutym wěstym informacijam maće.

   Za dalše informacije wo wuběranju hesłow hlejće Mócne hesło wubrać.

   Pokiw: Wobeńdźće huste wuměny abo slědy, kotrež zdaja so kompleksne być, ale su daloko rozšěrjene a lochko zhódawajomne, na přikład „Hesło1!“ abo „Hesło@13“. Wužiwajće město toho jónkróćnu frazu abo kombinaciju słowow, na kotrež jenož wy móžeće so lochko dopomnić.

6. Zapodajće hesło druhi raz, zo byšće wobkrućił, zo chceće jo pospochi wužiwać.

   

7. Zo byšće hłowne hesło nastajił, klikńće na W porjadku.
8. Začińće stronu Nastajenja. Wšě změny, kotrež sće přewjedł, budu so awtomatisce składować.

Hłowne hesło wotstronić

Jeli hłowne hesło njetrjebaće, móžeće jo kóždy čas zhašeć:

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił.
2. Klikńće na Přizjewjenja a hesłaHesła.

3. Klikńće na meni přizjewjenjow Firefox a potom na NastajenjaNastajenja.

   

   • Wokno Firefox NastajenjaNastajenjaNastajenja Priwatnosć a wěstota so z wotrězkom Přizjewjenja a hesłaHesła wočini.
4. Wotstrońće hóčku pódla Hłowne hesło wužiwać.
5. Zapodajće aktualne hesło, zo byšće wobkrućił, zo kotno wam słuša.
   • Jeli sće swoje hłowne hesło zabył, hlejće Waše hłowne hesło wróćo stajić, jeli sće jo zabył.
6. Klikńće na Wotstronić.
7. Klikńće na W porjadku w dialogu, kotryž so jewi, zo byšće jeho wotstronjenje wobkrućił.
8. Začińće stronu Nastajenja. Wšě změny, kotrež sće přewjedł, budu so awtomatisce składować.

Hłowne hesło změnić

Móžeće swoje hłowne hesło tež kóždy čas změnić:

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił.
2. Klikńće na Přizjewjenja a hesłaHesła.

3. Klikńće na meni přizjewjenjow Firefox a potom na NastajenjaNastajenja.

   

   • Wokno Firefox NastajenjaNastajenjaNastajenja Priwatnosć a wěstota so z wotrězkom Přizjewjenja a hesłaHesła wočini.
4. Klikńće na Hłowne hesło změnić….
5. Zapodajće aktualne hesło, zo byšće wobkrućił, zo konto wam słuša.
   • Jeli sće swoje hłowne hesło zabył, hlejće Waše hłowne hesło wróćo stajić, jeli sće jo zabył.
6. Zapodajće dwójce nowe hłowne hesło.
   • Hdyž dwě poli prózdnej wostajeće, so waše hłowne hesło wotstronja.
7. Zo byšće změnjene hłowne hesło akceptował, klikńće na W porjadku.
8. Začińće stronu Nastajenja. Wšě změny, kotrež sće přewjedł, budu so awtomatisce składować.

Bazuje na informacijach z nastawka Master password (mozillaZine KB)