Pytanske namjety wam pomhaja, wurazy namakać, za kotrymiž su hižo druzy wužiwarjo pytali. Pytanske namjety so přez pytawy (na přikład Google, Yahoo atd.) poskićeja, nic přez Firefox. Firefox jeničce wotwołuje pytanske namjety z pytawow a zwobraznuje lisćinu, zo by was při wuběranju pytanskeho wuraza podpěrował, kotryž su hižo druzy wužiwarjo swětodaloko wužiwali.

• Za dalše informacije wo pytanskim polu, hlejće Search with the Firefox Address Bar.

Pytanske namjety zmóžnić abo znjemóžnić

Přez pytanske polo

Zo byšće pytanske namjety přez pytanske polo zmóžnił abo znjemóžnił:

1. Klikńće z prawej tastu myškiDźeržće tastu control stłóčenu a klikńće na pytanske polo.
2. Jeli Namjety pokazać je markěrowany, su pytanske namjety zmóžnjene. Jeli je hóčka pódla zapiska, su pytanske namjety zmóžnjene. Klikńće znowa, zo byšće hóčku přidał abo wotstronił.

   

Přez zrjadowak pytawow

Zo byšće pytanske namjety přez zrjadowak pytawow zmóžnił abo znjemóžnił:

1. Klikńće na menijowe tłóčatko Wobraz "new fx menu" njeeksistuje. a potom na NastajenjaNastajenjaNastajenja w menijowym woknje.
2. Klikńće na wotrězk Pytać.
3. Klikńće na Pytanske namjety podać, zo byšće pytanske namjety w pytanskim polu zmóžnił abo znjemóžnił.

   ]]

Pytanske namjety wužiwać

Zo byšće pytanske namjety wužiwał, započńće do pytanskeho pola pisać a Firefox budźe lisćinu pytanskich namjetow ze |standardneje pytawy prezentować, sortěrowanych w spadowacym porjedźe po relewancy.

Zo byšće pytanski wuraz z namjetow wubrał, klikńće na njón.

• Alternatiwnje móžeće tasće ↑ a ↓ wužiwać, zo byšće w lisćinje nawigował, a tłóčće ↩↩, hdyž požadany namjet so wuzběhuje.

Kak móžu mjez pytanskimi namjetami a wuslědkami pytanskeje historije rozeznawać?

Pytanske namjety su časte pytanja a poskićeja so přez pytawy, mjeztym zo wuslědki pytanskeje historije so přez Firefox poskićeja a na swójskich pytanjach do toho bazuja. Hlejće Awtomatiske wudospołnjenje formularow za dalše informacije wo funkciji awtowudospołnjenja Firefox.

Hdyž pytanje přewjedźeće, budźe lisćina pytanske namjety (jeli zmóžnjene) ze standardneje pytawy kaž tež zapiski z pytanskeje historije pokazować (jeli zmóžnjene). Symbol pytanskeje historije rozeznawa waše pytanja do toho wot pytanskich namjetow:

Firefox je inteligentny dosć, zo by wuslědki pytanskich namjetow tak filtrował, zo zapiski wuwozmje, kotrež su we wašej pytanskej historiji, zo by zwobraznjena lisćina žane dwójne zapiski w historiji a namjetach njewobsahuje.

Čehodla so pytanske namjety njejewja

W někotrych padach so pytanske namjety njejewja, hačrunjež sće je zmóžnił. To móže wjacore přičiny měć:

Wubrana pytawa słužbu pytanskich namjetow njeposkića

Nic wšě pytawy pytanske namjety poskićeja. Tu je lisćina pytawow, kotrež Firefox po standardźe wobsahuje a kotrež pytanske namjety podpěruja:

• Google
• Yahoo
• Bing
• Amazon.de
• DuckDuckGO
• eBay
• LEO (en-de)
• Wikipedia (hsb)

Druhe pytawy, kotrež chceće snano přidać, podpěruja pytanske namjety abo tež nic. Najlóše wašnje, zwěsćić, hač pytawa pytanske namjety podpěruje, je, zo požadanu pytawu wuběraće, wuraz zapisuje, wo kotrymž sej mysliće, zo pytawa za njón namjety podawa a wokomik čakaće, zo byšće hladał, hač so pytanske namjety jewja abo nic.

Zapodaty pytanski wuraz je přespecifiski

Druhdy je pytanski wuraz, kotryž sće zapodał, přespecifiski abo jónkróćny (na přikład „nastawk pomocy firefox wo pytanskich namjetach“) abo prosće njepłaćiwy (na př. „dsjkyfsdakjfdjsyfyf“). W tajkich padach pytawa njemóže namjety za zapodaty wuraz podać.

Je problem z wašim internetnym zwiskom

W pozadku dyrbi Firefox z websydłom pytawy zwjazać a lisćinu namjetow dynamisce žadać, hdyž pytanski wuraz zapodawaće. Jeli maće problem z internetnym zwiskom, Firefox njemóže tutu akciju wuwjesć, tak zo pytanske namjety k dispozicji njesteja.

• Za dalše informacije wo tym, kak móžeće internetny zwisk zwěsćić a problemy z nim rozrisować, hlejće Websydła so nječituja - problemy rozrisać a zmylkowe zdźělenki porjedźić.