Firefox wam zmóžnja, zapołožki z druhich wobhladowakow importować, kotrež su na wašim ličaku instalowane. Móžeće tež druhe daty kaž na přikład přehladowansku historiju a składowane hesła z tych wobhladowakow importować. Jeli maće přizjewjenja a hesła, kotrež su w druhim wobhladowaku składowane, Firefox druhdy namjetuje, te přizjewjenske daty do Firefox importować, zo by wam pomhał, so pola websydła přizjewić.

Kak móžeće swoje daty z druheho wobhladowaka importować

Wužiwajće jednu z tutych metodow, zo byšće swoje daty do Firefox importował:

Z nastajenjow Firefox importować

Móžeće swoje zapołožki a druhe daty z wokna nastajenjow Firefox importować:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Klikńće we woknje Powšitkowny na Daty importować pod wotrězkom Daty wobhladowaka importować.

   

Importowy asistent so wočini. Wottud móžeće wobhladowak, profil a daty wubrać, kotrež chceće importować (hlejće deleka).

Z wokna biblioteki importować

Móžeće daty z druheho wobhladowaka z wokna biblioteki zapołožkow do Firefox importować:

1. Klikńće na menijowe tłóčatko , zo byšće menijowe wokno wočinił.
2. Klikńće na Zapołožki a potom na lajstu Zapołožki rjadować deleka. Wokno biblioteki so wočini.
3. Klikńće ze symboloweje lajsty we woknje biblioteki na Importować a zawěsćić.
4. Wubjerće Daty z druheho wobhladowaka importować…. Importowy asistent so wočini.

   [[[[Image:Import data from another browser]]]]

   Pokiw: Druha móžnosć, zo byšće z druheho wobhladowaka importował, je, menijowu lajstu zmóžnić (tłóčće Alt na tastaturje, zo byšće ju nachwilu zmóžnił), klikńće potom na Dataja w menijowej lajsće horjeka na wobrazowce a wubjerće Z druheho wobhladowaka importować….

Daty wubrać a import dokónčić

1. Wubjerće w importowym asistenće wobhladowak, profil a daty, kotrež chceće importować.

   

2. Import započnje. Namołwjeja was waše systemowe hesła přidać, zo byšće pokročował.
3. Wšitko nastajene! Klikńće na Dokónčeny, zo byšće import zakónčił.

Importowy proces wubrane daty do Firefox přenjese, na přikład:

• Zapołožki: Webstrony, kotrež sće w swojich zapołožkach składował.
• Přehladowanska historija: Informacije wo sydłach, kotrež sće wopytał.
• Rozšěrjenja: Rozšěrjenja Google Chrome, kotrež so k podobnym wersijam Firefox hodźa.
• Daty za awtomatiske wupjelnjenje formularow: Informacije, kotrež wužiwaće, zo byšće formulary online wupjelnił.

Po tym budźe meni Zapołožki Firefox abo symbolowa lajsta zapołožkow zappłožki wobsahować, kotrež sće z druheho wobhladowaka importował. Symbolowa lajsta zapołožkow so awtomatisce zjewi, zo by wam pomhała, waše nowo importowane zapołožki lochko namakać.

Hesła z Chrome z CSV-dataju přez přenošowanski asistent importować

Dyrbiće CSV-dataju eksportować, kotraž waše hesła z Chrome wobsahuje.

1. Wočińće Chrome, potom hłowny meni a dźiće k Passwörter und Autofill > Google Passwortmanager.

   

2. Wubjerće Einstellungen z menija.
3. Klikńće pódla Passwörter exportieren na Datei herunterladen a składujće CSV-dataju na swojim graće.

   

Importujće potom CSV-dataju z pomocu metodow, kotrež su so horjeka wujasnili.

Rozšěrjenja z Chrome importować

Zo byšće zapołožki a druhe daty lochko z Google Chrome importował, hlejće Zapołožki a druhe daty z Google Chrome importować.

Podobny wobsah

• Import Bookmarks and other data from Microsoft Edge
• Importing Safari data into Firefox

• Zapołožki z HTML-dataje importować.
• Wažne daty ze stareho profila wobnowić.
• Ze zapołožkami swoje najlubše webstrony składować.