Firefox wam zmóžnja, zapołožki a druhe daty lochko z Google Chrome importować. Tutón nastawk wam nawod za to skići.

Importowy proces Firefox startować

Wužiwajće jednu ze slědowacych metodow, zo byšće swoje daty z Google chrome do firefox importował:

Z nastajenjow Firefox importować

Móžeće swoje zapołožki a druhe daty Google Chrome z wokna nastajenjow Firefox importować:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Klikńće we woknje Powšitkowny nalěwo na Daty importować we wotrězku Daty wobhladowaka importować.

   

Importowy asistent so wočini. Wottud móžeće profil Google Chrome a daty, kotrež chceće importować wubrać (hlejće deleka).

Z wokna biblioteki importować

Móžeće daty z Google Chrome přez wokno biblioteki do Firefox importować:

1. Klikńće na menijowe tłóčatko Firefox , zo byšće menijowe wokno wočinił. Klikńće na Zapołožki a potom na lajstu Zapołožki rjadować deleka. Wokno biblioteki so wočini.

   

2. Klikńće ze symboloweje lajsty we woknje biblioteki na Importować a zawěsćić a wubjerće Daty z druheho wobhladowaka importować… To importowy asistent wočini.

   Pokiw: Dalša móžnosć, z kotrejž móžeće z druheho wobhladowaka importować, je zmóžnjenje menijoweje lajsty (tłóčće Alt na tastaturje, zo byšće ju nachwilu zmóžnił), kliknjenje na Dataja w menijowej lajsće horjeka na wobrazowce a wubjerće Z druheho wobhladowaka importować…

Daty wubrać a import dokónčić

1. Wubjerće w importowym asistenće, kotryž so jewi, profil Chrome a daty, kotrež chceće importować.

   

2. Zo byšće daty wubrał, kotrež chceće importować, klikńće na tłóčatko +. Po tym zo sće wubrał, klikńće na Importować, zo byšće importowy proces startował.

   Kedźbu: Nastajenje Płaćenske metody wam zmóžnja, płaćenske metody z Chrome do Firefox importować. We Windows njemóžeće hižo płaćenske metody Chrome do Firefox importować, dokelž so tuta móžnosć dla zaklučowanskeho mechanizma Chrome hižo njepodpěruje.

3. Wšitko nastajene! Klikńće na Dokónčene, zo byšće import zakónčił.

Importowy proces budźe wubrane daty do Firefox přenošować, na přikład:

• Zapołožki: Webstrony, kotrež sće w swojich zapołožkach składował.
• Přehladowanska historija: Informacije wo sydłach, kotrež sće wopytał.
• Rozšěrjenja: Rozšěrjenja Chrome, kotrež podobnym wersijam Firefox wotpowěduja.
• Daty za awtomatiske wupjelnje formularow: Informacije, kotrež wužiwaće, zo byšće formulary online wupjelnił.

Dokelž Chrome zapołožki po standardźe w swojej lajsće zapožožkow składuje, dyrbjał wy swoje importowane zapołožki w lajsće zapołožkow Firefox namakać, kotrež je snano schowana. Zo byšće lajstu zapołožkow pokazał:

1. Klikńće na menijowe tłóčatko , potom na Dalše nastroje… a wubjerće Symbolowu lajstu přiměrić…
2. Klikńće na wuběranski meni symbolowych lajstow deleka na wobrazowce a wubjerće Lajsta zapołožkow.

   

   Lajsta zapołožkow da so na Přeco pokazać, Ženje njepokazać abo Jenož w nowym rajtarku pokazać.

3. Klikńće na Dokónčeny.

Hesła z Chrome z dataju CSV přez přenošowanski asistent importować

Dyrbiće CSV-dataju ze swojimi hesłami z Chrome eksportować.

1. Wočińće Chrome, potom hłowny meni a přeńdźće k Passwörter und Autofill > Google Passwortmanager.

   

2. Wubjerće Einstellungen aus dem Menü.
3. Passwörter exportieren > Datei herunterladen a składujće CSV-dataju na swojim graće.

   

Importujće potom CSV-dataju z pomocu metody, kotra je so horjeka rozjasniła, klikńće na Daty importować a wubjerće Hesła z CSV-dataje.

1. .

Instalaciju importowanych rozšěrjenjow dokónčić

Započinajo z wersiju Firefox 116 móžeće rozšěrjenja z Google Chrome importować. Hdyž swoje daty z Chrome do Firefox importujeće, prócujemy so wo hładki přechad za waše rozšěrjenja; přirunujemy starosćiwje najbóle wužite přidatki Chrome z podobnymi wersijemi Firefox.

Importowy proces swój fokus při namakanju přirunujomnych rozšěrjenjow Firefox na to staja, zo:

• Su wot samnseho wuwiwarja wutworili.
• Su so w běhu zańdźenych šěsć měsacow zaktualizowali.
• Su so na AMO schwalili a doporučili.
• Runohódnu funkcionalnosć skića.

To zaručuje, zo optimowane rozšěrjenja přenošujemy, kotrež so wěste a spušćomne do wobhladowaka Firefox integruja.

Po tym zo sće swoje daty importował, je jenož mało krokow, zo byšće instalaciju swojich nowych rozšěrjenjow Firefox dokónčił:

1. Klikńće na menijowe tłóčatko horjeka naprawo.
2. Wubjerće Instalaciju rozšěrjenjow dokónčić, kotrež su so do Firefox importowali z menija.

   

To je wšitko! Kompatibelne rozšěrjenja, kotrež sće z Chrome importował, so instaluja.

Podobny wobsah

• Zo byšće zapołožki z HTML-dataje importował, hlejće Zapołožki z HTML-dataje importować.
• Zo byšće swoje informacije z druheho wobhladowaka importował, hlejće Daty z druheho wobhladowaka importować.
• Zo byšće wjace wo přiměrjenju Firefox zhonił, hlejće Wodźenske elementy, tłóčatka a symbolowe lajsty w Firefox přiměrić.
• Za dalše informacije wo wužiwanju zapołožkow w Firefox, hlejće Ze zapołožkami swoje najlubše webstrony składować.