Placki zhašeć, zo byšće daty wotstronił, kotrež websydła su na wašim ličaku składowali

Placki so na wašim ličaku přez websydła składuja, kotrež sće wopytał, a wobsahuja informacije kaž na přikład sydłowe nastajenja abo přizjewjenski status. Tutón nastawk wopisuje, kak móžeće placki Firefox, druhe sydłowe daty a pufrowany webwobsah zhašeć.

Placki za aktualne sydło zhašeć

Zo byšće placki a sydłowe daty za websydło zhašeć, kotrež runje wopytujeće:

  1. Klikńće na zamk Fx89Padlock nalěwo w adresowym polu.
    Fx89SiteInfo-ClearCookies
  2. Klikńće na Placki a sydłowe daty zhašeć….

Placki wěsteho websydła zhašeć

Zo byšće placki za někajke jednotliwe websydło zhašał:

  1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko Fx89menuButton a wubjerće Nastajenja.
  2. Wubjerće wokno Priwatnosć a wěstota a dźiće k wotrězkej Placki a sydłowe daty.
    Fx79CookiesAndSiteData
  3. Klikńće na tłóčatko Daty zrjadować…. Dialog Placki a sydłowe daty rjadować so zjewi.
  4. Zapisajće do pola Websydła pytać mjeno websydła, kotrehož placki chceće wotstronić. Zapiski, kotrež wašemu pytanju wotpowěduja, so pokazaja.
    ClearCookies
    • Zo byšće wšě placki a składowanske daty za websydło wotstronił, klikńće na Wšě wotstronić.
    • Zo byšće wubrane zapiski wotstronił, wubjerće zapisk a klikńće na Wubrane wotstronić.
  5. Klikńće na Změny składować.
  6. Klikńće we wobkrućenskim dialogu Placki a daty sydła wotstronić, kotryž so wočini, na W porjadku.
  7. Začińće stronu about:preferences.

Zo byšće wjace wo rjadowanju sydłowych datow w Firefox zhonił, hlejće Manage local site storage settings a polěpšene zhašenje plackow.

Pokiw: Móžeće składowy inspektor wužiwać, zo byšće jednotliwe placki za wěste websydło z pomocu kontekstoweho menija wotstronił. Zo byšće składowy inspektor wočinił, dźiće k menijowemu tłóčatku Fx89menuButton, potom na Dalše nastroje a potom na Webwuwiwarske nastroje (abo tłóčće Strg + + ICmd ⌘ + option &#x2325 + I na tastaturje) a wubjerće Skład.

Wšě placki, sydłowe daty a pufrowak zhašeć

  1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko Fx89menuButton a wubjerće Nastajenja.
  2. Wubjerće wokno Priwatnosć a wěstota a dźiće k wotrězkej Placki a sydłowe daty.
  3. Klikńce na tłóčatko Daty zhašeć…. Dialog „Daty zhašeć“ so zjewi.
    Fx115CookiesAndSiteData-ClearData
    • Placki a sydłowe daty (zo bychu so přizjewjenski status a sydłowe nastajenja wotstronili) a pufrowany webwobsah (zo bychu so składowane wobrazy, pisma a druhi pufrowany wobsah wotstronili) měli hóčku dóstać.
  4. Klikńće na Zhašeć.

Wšě placki zhašeć a druhe daty wobchować

Zo byšće jenož placki zhašal a druhe daty wobchował, čińće tole:

  1. Klikńće na menijowe tłóčatko Fx89menuButton potom na Historija a potom na Aktualnu historiju wuprózdnić….
  2. Stajće Časowa doba za wuprózdnjenje: na Wšo.
    1. Fx76ClearRecentHistory-CookiesFx115ClearAllHistory-cookies
  3. Wubjerće Placki a zawěsćće, zo druhe zapiski, kotrež chceće wobchować, wubrane njejsu.
  4. Klikńće na W porjadkuNětko wuprózdnić, zo byšće wšě placki zhašał a začińće wokno „Wšu historiju wuprózdnić“.

Je tutón nastawk wužitny był?

Prošu čakajće…

Slědowacy wulkotni ludźo su pomhali, tutón nastawk pisać:

Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije