Web z adresowego póla pśepytowaś

Wersijowe informacije
  • Wersijowy ID: 128014
  • Napórany:
  • Awtor: milupo
  • Komentar: translated
  • Pśeglědany: Ně
  • Gótowy za pśełožowanje: Ně
Žrědłowy kod wersije
Wopśimjeśe wersije

Móžośo webpytanja direktnje z adresowego póla pśewjasć. Zapišćo jadnorje swóje pytańske wuraze a tłocćo na ↩ (Enter). Firefox buźo was k bokoju pytańskich wuslědkow Google wjasć. Toś ten nastawk wam pokažo, kak móžośo toś tu funkciju pśiměriś.

Móžośo webpytanja direktnje z adresowego póla pśewjasć. Zapišćo jadnorje swóje pytańske wuraze a tłocćo na ↩ (Enter). Firefox buźo was k bokoju pytańskich wuslědkow standardneje pytnice wjasć. Toś ten nastawk wam pokažo, kak móžośo toś tu funkciju pśiměriś.

Webpytanje w adresowem pólu

Gaž pišośo do adresowego póla a tłocyśo tastu ↩Return, wjeźo was Firefox pó standarźe k bokoju pytańskich wuslědkow Google (t. r. http://www.google.com/search?q=) za toś to pytanje.

Gaž zapódawaśo klucowe słowa do adresowego póla (na pśikład „Firefox“ abo „kócki“) a tłocyśo tastu ↩Return, wjeźo Firefox pó standarźe k bokoju pytańskich wuslědkow Google (t. r. https://www.google.com/search?q=) za toś to stronje.

Gaž pišośo do adresowego póla a tłocyśo tastu ↩Return, wjeźo was Firefox k pytańskim wuslědkam pytańskego póbitowarja wubranego w pytańskem pólu.

Drugego pytańskego póbitowarja wužywaś

Jolic njocośo pytańskego póbitowarja wužywaś, kótaryž jo w pytańskem pólu wubrany, pišćo klucowe słowo pytańskego póbitowarja, kótarehož cośo wužywaś, pśed swóje pytańske wuraze. Aby wěcej wó klucowych słowach zgónił, glejśo How to search IMDB, Wikipedia and more from the address bar.

Webpytanje w adresowem pólu znjemóžniś

Móžośo webpytanje w adresowem pólu znjemóžniś, gaž změnjaśo nastajenje.

Glědajśo: Toś to nastajenje njewobwliwujo pytanja z klucowymi słowami z adresowego póla.
  1. Zapódajśo about:config do adresowego póla a tłocćo ↩↩.
    Warnowański bok se snaź zjawijo. Klikniśo na Akceptěrujom riziko!Riziko akceptěrowaś a pókšacowaś, aby k bokoju about:config šeł.
  2. Zapódajśo keyword.enabled do póla FilterPytaś .
  3. Klikniśo dwójcy na nastajenje keyword.enabled, aby jogo gódnotu na false stajił.
Wobraz "about:config keyword.enabled" njeeksistěrujo.

Pytnicu za adresowe pólo změniś

Móžośo płaśiwy URL pódaś, aby pytanja w adresowem pólu pśewjadł. Změńśo nastajenje keyword.URL na boku about:config:

  • Aby Yahoo! wužywał, stajśo keyword.URL na http://search.yahoo.com/search?p=,
  • Aby Bing wužywał, stajśo gódnotu na http://www.bing.com/search?q=. Druge słužby daju se na pódobnu wašnju pódaś.
  • Aby internetnu słužbu klucowych słowow slědk stajił, aby standardne pytanje Google wužywał, klikniśo z pšaweju tastuźaržćo tastu Strg tłoconu, mjaztym až kliknjośo na keyword.URL a wubjeŕśo Slědk stajiś.
Glědajśo: Standardne pytanje Google jo skoděrowane, aby wótsłuchowanjeju zajźowało. Gaž wužywaśo drugego pytańskego póbitowarja, se toś ten šćit wótpórajo.

URL awtomatiski wudopołniś

Pśidatnje k pytanjeju w interneśe, kótarež móžośo pśez tłocenje tasty ↩Return startowaś, buźo Firefox URL, kótaryž zapódawaśo, z URL websedłow pśirownowaś, ku kótarymž sćo se do togo woglědał. Jolic na pśikład zapisujośo „moz“, móžo jen Firefox na „mozilla.org“ wudopołniś, jolic sćo do togo tam był. Tłocćo tastu ↩Return a dostanjośo se direktnje k toś tej adresy. Za dalšne informacije wó tom, což Firefox wam naraźujo, gaž piśośo do adresowego póla, glejśo Adresowe pólo w Firefox awtomatiski wudopołniś.

Domeny zgódaś

Jolic zapódawaśo njedopołny URL, móžo Firefox prefix, sufiks abo wobej pśidaś, aby wopytował, URL pórěźiś. Jolic zapódawaśo www.facebook do adresowego póla, Firefox sufiks .com pśidajo, aby URL wudopołnił. Jolic zapódawaśo mozilla.org, buźo www. pśed to stajaś, aby URL wudopołnił. Toś to „zgódanje“ se jano funkcioněrujo, gaž górjejce wopisane webpytanje w adresowem pólu jo znjemóžnjone.

Zgódanje domenow znjemóžniś

Změńśo slědujuce nastajenje, aby zgódanje domenow znjemóžnił.

  1. Zapódajśo about:config do adresowego póla a tłocćo ↩↩.
    Warnowański bok se snaź zjawijo. Klikniśo na Akceptěrujom riziko!Riziko akceptěrowaś a pókšacowaś, aby k bokoju about:config šeł.
  2. Zapišćo fixup do zapódawańskego póla FilterPytaś.
  3. Klikniśo dwójcy na nastajenje browser.fixup.alternate.enabled, aby jogo gódnotu na false stajił.
about:config browser.fixup fx47

Prefiks abo sufiks změniś

Móžośo pódaś, lěc ma se prefiks (na pśikład www) abo sufiks (na pśikład .net) za zgódanje domenow wužywaś.

Klikniśo na boku about:config dwójcy na nastajenje browser.fixup.alternate.prefix abo browser.fixup.alternate.suffix. Zapódajśo prefiks abo sufiks, kótaryž Firefox ma njepłaśiwym URL pśidaś.



Bazěrujo na informacijach z nastawkow Location Bar search (mozillaZine KB), Domain Guessing (Mozilla.org End user documentation) a Internet Keywords (Mozilla.org End user documentation)
Wó drobnostkach a aktualnem wužyśu zgónijośo w toś tych referencach.