Staršu wersiju Firefox instalěrowaś

Wersijowe informacije
  • Wersijowy ID: 223773
  • Napórany:
  • Awtor: milupo
  • Komentar: update
  • Pśeglědany: Jo
  • Pśeglědany:
  • Pśeglědany wót: milupo
  • Jo pśizwólony? Jo
  • Jo to aktualna wersija? Ně
  • Gótowy za pśełožowanje: Ně
Žrědłowy kod wersije
Wopśimjeśe wersije
Warnowanje: Firefox něnto šćit pśeśiwo slědkstopnjowanjeju wersijow wopśimujo, aby se wobškóźenja wužywaŕskich profilowych datow wobinuło. Jolic staršu wersiju instalěrujośo, dostanjośo napominanje, nowy profil Firefox załožyś.

Jolic dajo problem z noweju wersiju Firefox, kśě snaź někotare luźe na staršu wersiju Firefox slědk stopnjowaś, ale my to njepśiraźujomy. Nejnowša wersija Firefox wěstotne aktualizacije wopśimujo, togodla slědkstopnjowanje na staršu wersiju napadojtosć na napady pówušujo a zwětšego problem njerozwězujo. Toś ten nastawk wam někotare alternatiwy k slědkstopnjowanjeju a wótkaze na starše wersije Firefox bitujo, jolic se za to rozsuźujośo slědk stopnjowaś.

Instalěrowanje staršeje wersije nejwěcej problemow njerozwězujo

Problemy z aktualizaciju se zwětšego pśez nowu wersiju Firefox njezawinuju, ale skerjej pśez aktualizěrowański proces. W nejwěcej padach njebuźo instalěrowanje staršeje wersije pomagaś. Wopytajśo město togo:

Glědajśo: Druge problemy daju se pśez funkciju Firefox wótnowiś rozwězaś. Staja Firefox na jogo standardny staw slědk a składujo waše nejwažnjejše daty.

Zawěsććo, až wěstotna software a software z póśěgom na wěstotu stej dopołnje zaktualizěrowanej. Někotara wěstotna software musy se na nowu wersiju aktualizěrowaś, aby z kuždeju aktualizaciju Firefox kompatibelna była.

Opcionalna software, kótaraž se ze zawěsćeńskeju softwaru sobu librujo, musy se ewentuelnje teke aktualizěrowaś. Taka software njejo snaź wažna za wěstotu, móžo wšak, jo-lic zestarjona, wužywanje Firefox kazyś abo wowalenje zawinowaś.

Cu hyšći slědk zastopnjowaś — źo mógu wersiju do togo dostaś?

Jolic cośo weto slědk stopnjowaś, móžośo se k zapisoju staršych wersijow Mozilla z pomocu slědujucych wótkazow woglědaś. Pšosym źiwajśo na to, až wužywanje staršych wersijow móžo Firefox njewěsty cyniś a jogo napadojtosć na napady a wobšudu pówušyś. Pórucamy, až pśecej nejnowšu wersiju Firefox wužywaśo.
Warnowanje: Stare wersije Firefox wjelike wěstotne riziko wóznamjeniju.
Wažny: Pó standarźe Firefox awtomatiske aktualizacije wužywa. Aby Firefox wót awtomatiskego aktualizěrowanja wótźaržał, za tym až sćo zainstalěrował staršu wersiju, musyśo swóje aktualizěrowańske nastajenja Firefox změniś:

Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

Źiśo we woknje Powšykne k wótrězkoju Aktualizacije Firefox.

Alternatiwy za slědkstopnjowanje

Město aby na staršu, njewěstu wersiju Firefox slědk stopnjował a swóje aktualizěrowańske nastajenja změnił, rozwažćo slědujuce alternatiwy:

Instalěrujśo wersiju Firefox Extended Support Release. Firefox Extended Support Release (ESR) jo oficialna wersija Firefox, kótaraž se za wjelike organizacije ako uniwersity a pśedewześa wuwija. Firefox ESR nejnowše funkcije njebitujo, wopśimujo pak nejnowše pórěźenja wěstoty a stabilnosći. Za dalšne informacije glejśo nastawk Switch to Firefox Extended Support Release (ESR) for personal use.

Wužywajśo nejnowšu wersiju drugego wobglědowaka. Jolic njejsćo z aktualneju wersiju Firefox spokojom abo jadnorje tuchylu njefunkcioněrujo, su alternatiwne wobglědowaki, kótarež móžośo wužywaś, aby web pśeglědował.