Disa sajte ueb përdorin njohjen e të folurit për t’ju lejuar të flisni në vend që të shtypni, ose për të shtuar automatikisht titra te audioja dhe videoja që nuk i kanë ato. Në Firefox, njohja e të folurit ndodh tërësisht në pajisjen tuaj.
Njohja e brendshme e të folurit e Firefox-it nuk e dërgon kurrë audion tuaj te Mozilla ose te ndonjë shërbyes. Sajti ueb merr vetëm tekstin e përftuar. Pasi të shkarkohet modeli i nevojshëm i IA-së, njohja e të folurit mund të funksionojë edhe pa lidhje interneti.
Çfarë është njohja e të folurit në Firefox?
Njohja e të folurit i lejon një sajti ueb të kthejë audion në tekst, qoftë nga mikrofoni juaj, një videothirrje, një video ose një podkast, duke përdorur një standard uebi të quajtur Web Speech API.
Disa shfletues dhe shërbime e bëjnë këtë duke e dërguar audion tuaj në shërbyes të largët për përpunim. Në vend të kësaj, Firefox shkarkon një model IA-je në pajisjen tuaj dhe e kryen të gjithë transkriptimin lokalisht.
Kur një sajt ueb përdor njohjen e brendshme të të folurit të Firefox-it, audioja juaj nuk del kurrë nga pajisja juaj.
Aktivizoni ose çaktivizoni njohjen e të folurit
Ju kontrolloni nëse sajteve ueb u lejohet të përdorin njohjen e të folurit nga Kontrollet e IA-së të Firefox-it:
- Klikoni butonin e menusë ☰ dhe përzgjidhni .
- Përzgjidhni në panelin majtas.
- Nën , gjeni .
- Zgjidhni një mundësi nga menuja hapmbyll.
- E aktivizuar: Sajtet ueb mund të përdorin njohjen e të folurit. Firefox ju kërkon leje para se të shkarkojë një model të ri. Nëse modeli i kërkuar është tashmë i instaluar, sajtet ueb mund ta përdorin atë pa kërkuar sërish leje.
- E bllokuar: Sajtet ueb nuk mund të përdorin njohjen e të folurit. Çdo model i njohjes së të folurit që është shkarkuar tashmë hiqet nga pajisja juaj.
Lejoni një sajt ueb të përdorë njohjen e të folurit
Nëse një sajt ueb ka nevojë për një model të njohjes së të folurit që nuk është instaluar ende, Firefox do t’ju kërkojë leje para se ta shkarkojë atë. Mund të vazhdoni ose të refuzoni. Nëse refuzoni, sajti ueb nuk do të jetë në gjendje të përdorë njohjen e brendshme të të folurit të Firefox-it derisa të miratoni shkarkimin.
Modeli që shkarkon Firefox varet nga gjuha që kërkon sajti ueb:
- Anglisht: Përafërsisht 140 MB
- Gjuhët e tjera të mbuluara: Një model më i madh shumëgjuhësh prej përafërsisht 785 MB.
Çdo model duhet të shkarkohet vetëm një herë. Pas kësaj, ai qëndron në pajisjen tuaj dhe përdoret nga çdo sajt ueb që kërkon njohjen e të folurit.
Gjuhët e mbuluara
Anglishtja përdor një model të dedikuar për anglishten dhe një model shumëgjuhësh për gjuhët e tjera të mbuluara.
Modeli shumëgjuhësh mbulon rreth 40 gjuhë, përfshirë spanjishten, frëngjishten, gjermanishten, italishten, portugalishten, holandishten, turqishten, rusishten, arabishten, hindishten, japonishten, koreanishten, vietnamishten, ukrainishten, polonishten, suedishten, çekishten dhe kinezishten (mandarine).
Cilësia e njohjes ndryshon sipas gjuhës dhe Mozilla po punon për ta përmirësuar atë me kalimin e kohës.
Administroni ose hiqni modelin e njohjes së të folurit
Pasi të shkarkohet, modeli i njohjes së të folurit listohet përkrah modeleve të tjera të IA-së në pajisje të Firefox-it:
- Klikoni butonin e menusë ☰ dhe përzgjidhni .
- Përzgjidhni nga menuja.
Në këtë faqe, ju mund të:
- Shqyrtoni modelet: Shihni cilat modele janë shkarkuar, sa të mëdha janë dhe për çfarë përdoren.
- Hiqni modelet: E dobishme nëse keni nevojë të lironi hapësirë ose nuk e përdorni më njohjen e të folurit.
Nëse një sajt ueb kërkon të përdorë sërish njohjen e të folurit më vonë, Firefox do t’ju kërkojë ta shkarkoni sërish modelin.
Mund të lexoni më tepër te On-device AI models in Firefox.
Diagnostikoni njohjen e të folurit
Nëse kërkesa e një sajti ueb për njohjen e të folurit nuk shfaqet kurrë, ose një sajt thotë se veçoria nuk është e disponueshme:
- Kontrolloni rregullimet tuaja te Kontrollet e IA-së. Shkoni te , përzgjidhni , dhe sigurohuni që të jetë caktuar në .
- Provojeni sërish veçorinë. Nëse e keni refuzuar shkarkimin e modelit herën e parë që një sajt e kërkoi, rivizitoni sajtin dhe provojeni sërish veçorinë; Firefox do t’ju pyesë sërish.
- Kontrolloni lejet e mikrofonit. Nëse sajti po transkripton zërin tuaj, kontrolloni që leja e mikrofonit për të të jetë e lejuar. Kjo është e ndarë nga rregullimi i njohjes së të folurit; Firefox ka nevojë për të dyja.
- Kontrolloni performancën e pajisjes suaj. Njohja e të folurit xhiron në pajisjen tuaj dhe mund të përdorë burime të konsiderueshme. Firefox përdor procesorin grafik (GPU) të kompjuterit tuaj kur mundet dhe procesorin kryesor (CPU) në raste të tjera. Në kompjuterë më të vjetër ose më pak të fuqishëm, mund të xhirojë më ngadalë.
Pyetje të bëra shpesh
A e dërgon Firefox audion time në ndonjë shërbyes?
Jo kur një sajt ueb përdor njohjen e brendshme të të folurit të Firefox-it. Firefox e përpunon audion tuaj lokalisht dhe nuk e dërgon atë te Mozilla ose te sajti ueb. Sajti ueb merr vetëm tekstin e përftuar. Disa sajte ueb përdorin në vend të kësaj shërbimet e tyre të njohjes së të folurit (shihni më poshtë).
A duhet të shkarkoj ndonjë gjë?
Po. Herën e parë që një sajt ueb përdor njohjen e të folurit, Firefox duhet të shkarkojë një model. Do t’ju kërkohet të miratoni shkarkimin para se të instalohet ndonjë gjë.
A mund ta përdor njohjen e të folurit pa lidhje interneti?
Po. Pasi të shkarkohet modeli, transkriptimi ndodh në pajisjen tuaj dhe nuk kërkon lidhje interneti.
A mund ta heq modelin për të kursyer hapësirë?
Po. Mund ta hiqni nga nën .
Nëse një sajt ueb kërkon të përdorë sërish njohjen e të folurit më pas, Firefox do t’ju kërkojë ta shkarkoni sërish.
Nëse e bllokoj njohjen e të folurit, a i ndalon kjo sajtet ueb që të transkriptojnë audion time?
Jo gjithmonë. Ky rregullim kontrollon njohjen e të folurit të brendshme dhe në pajisje të Firefox-it. Një sajt ueb mund të përdorë në vend të kësaj shërbimin e vet të njohjes së të folurit: nëse i keni dhënë hyrje në mikrofon, ai mund të regjistrojë audion tuaj dhe ta dërgojë atë në shërbyesit e vet për transkriptim.
Në atë rast, audioja juaj del nga pajisja juaj dhe trajtohet sipas rregullave të privatësisë të atij sajti ueb, jo nga Firefox. Njohja e të folurit në pajisje e Firefox-it u lejon sajteve ueb të ofrojnë këto veçori pa dalë kurrë audioja juaj nga pajisja juaj.
Çfarë ndodh nëse një sajt ueb kërkon të përdorë njohjen e të folurit dhe unë refuzoj?
Sajti ueb nuk do të jetë në gjendje të transkriptojë të folurit. Mund të ndërroni mendje më vonë, ose duke pranuar kërkesën herën tjetër që sajti pyet, ose përmes rregullimit Speech recognition te AI Controls.
