Na websydłach, kotrež maja za poprawom wěste (URL započina z „https://“, dyrbi Firefox přepruwować, hač certifikat, kotryž so wot websydło prezentuje, je płaćiwy. Jeli certifikat njeda so přepruwować, Firefox zwisk z websydłom přetorhnje a pokaza zmylkowu zdźělenku "Waš zwisk wěsty njeje" město toho. Tutón nastawk wujasnja, čehodla snano zmylk "SEC_ERROR_UNKNOWN_ISSUER" na websydłach widźiće a kak móžeće tutón problem rozrisać.

Što tuta zmylkowa zdźělenka woznamjenja?

Za wěsty zwisk dyrbi websydło certifikat podać, kotryž je so wot dowěry hódneho certifikowanišća (němsce) wudał, zo by zawěsćił, zo so wužiwar z požadanym cilom zwjazuje a zwisk je zaklučowany. Jeli zmylkowu stronu "Waš zwisk wěsty njeje wěsty" dóstanjeće a zmylk "SEC_ERROR_UNKNOWN_ISSUER" widźiće, po tym zo sće na Rozšěrjeny kliknył, to rěka, zo podaty certifikat je so wot certifikowanišća wudał, kotrež Firefox njeznaje a tohodla njemóže po standardźe dowěry hódny być.

Wobraz "westy zwisk unknown issuer fx47" njeeksistuje.

Zmylk na wjacorych wěstych sydłach wustupuje

Jeli tutón problem na wjacorych njezwisowacych HTTPS-sydłach maće, to rěka, zo něsto we wašim systemje abo syći waš zwisk dohladuje a certifikaty tak injicěruje, zo Firefox zwisk za dowěry hódny nima. Najhusćišej zawinje stej skenowanje zaklučowanych zwiskow přez wěstotne programy abo škódne program, kotryž originale certifikaty websydło přez swójski wuměnja.

Antiwirusowe programy

Jeli waš wěstotny program ma funkciju za skenowanje zaklučowanych zwiskow, dosaha zwjetša wěstotny program znowa instalować, zo by program swoje certifikaty zaso do dowěry hódneho wobwoda Firefox składował. Spytajće slědowace rozrisanja za date wěstotne programy:

Avast

We wěstotnych programach Avast móžeće dohladowanje wěstych zwiskow znjemóžnić:

1. Wočińće kontrolnu desku swojeho programa Avast.
2. Dźiće k Einstellungen > Aktiver Schutz a klikńće na Anpassen pódla Web-Schutz.
3. Wotstrońće hóčku pódla nastajenja HTTPS-Scanning aktivieren a wobkrućće to přez kliknjenje na OK.

Za dalše informacije wo tutej funkciji hlejće blog Avast.

Bitdefender

We wěstotnych programach Bitdefender móžeće dohladowanje wěstych zwiskow znjemóžnić:

1. Wočińće kontrolnu desku wašeho programa Bitdefender.
2. Klikńće we wersiji 2016 wěstotneho programa Bitdefender na Module.
   We wersiji 2015 Bitdefender klikńće na Schutz.
3. Klikńće na Web-Schutz.
4. Znjemóžńće nastajenje SSL untersuchen.

Za informacije wo předewzaćelskich nałoženjach Bitdefender hlejće tutu stronu pomocy Bitdefender (jendźelsce).

Bullguard

We wěstotnych nałoženjach Bullguard móžeće dohladowanje wěstych zwiskow na wěstych woblubowanych websydłach kaž na přikład Google, Yahoo a Facebook znjemóžnić:

1. Wočińće kontrolnu desku swojeho programa Bullguard.
2. Klikńće na Antivirus-Einstellungen > Sicheres Surfen.
3. Znjemóžńce nastajenje Sichere Suchergebnisse anzeigen za te websydła, kotrež zmylkowu zdźělenku pokazuja.

ESET

We wěstotnych nałoženjach ESET móžeće spytać, nastajenje SSL/TLS-Protokollfilterung znjemóžnić a zaso zmóžnić abo prosće dohladowanje wěstych zwiskow znjemóžnić, kaž so w nastawku pomocy ESET wopisuje.

Kaspersky

IWe wěstotnych programach Kaspersky móžeće dohladowanje wěstych zwiskow znjemóžnić:

1. Wočińće kontrolnu desku swojeho programa Kaspersky.
2. Klikńće na Einstellungen deleka nalěwo.
3. Klikńće na Erweitert a potom na Netzwerk.
4. Jeli wersiju 2016 Kaspersky wužiwaće: Wubjerće we wotrězku Untersuchung von sicheren Verbindungen nastajenje Sichere Verbindungen nicht untersuchen a wobkrućće tutu změnu.
   Alternatiwnje móžeće na Erweiterte Einstellungen kliknyć, zo byšće certifikat Kaspersky znowa instalował. Klikńće we wočinjacym so dialogu na Zertifikat installieren… a slědujće instrukcijam na wobrazowce.
   Jeli wersiju 2015 Kaspersky wužiwaće: Znjemóžńće nastajenje Verschlüsselte Verbindungen untersuchen.
5. Startujće swój system znowa, zo bychu so změny wuskutkowali.
   
   Wužiwarjo staršeje wersije Kaspersky z aktualnym abonementom maja prawo na altualizaciju na najnowšu programowu wersiju, kotraž je na stronje produktowych aktualizacijow Kaspersky (jendźelsce) za sćehnjenje a instalaciju k dispoziciji. Slědujće potom horjeka wopisanym krokam.

Nastajenja Family Safety w kontach Windows

Při kontach Microsoft Windows, kotrež so přez nastajenja Family Safety škitaja, móhli so wěsty zwiski na woblubowanych websydłach kaž Google, Facebook a Youtube dohladować a jich certifikaty přez certifikat wuměnić, kotryž je so wpt Microsft wudał, zo by pytansku aktiwitu filtrował a natočował.

Čitajće tutu hustych prašenjow Microsoft (němsce), zo byšće zhonił, kak móžeće tute swójbne funkcije za konta znjemóžnić. Jeli chceće falowace certifikaty za potrjechene konta manuelnje instalować, móžeće tutón nastawk pomocy Microsoft (jendźelsce) čitać.

Dohladowanje/filtrowanje we firmowych syćach

Někotre programy za dohladowanje a filtrowanje internetneho wobchada we firmowych syćach móhli zaklučowane zwiski dohladować, wuměnjejo certifikat websydła přez swójski, štož zmylkowe zdźělenki na wěstych HTTPS-sydłach zawinuje. Jeli měniće, zo tomu tak je, stajće so ze swojim IT-wotrjadom do zwiska, zo byšće korektnu konfiguraciju Firefox zawěsćił, zo by korektnje w tajkej wokolinje fungował, dokelž trěbny certifikat so snano najprjedy dyrbi w dowěry hódnym wobwodźe Firefox składować.

Škódna softwara

Někotre škódne programy, kotrež zaklučowany internetny wobchad wotposkuja, mógu tutu zmylkowu zdźělenku zawinować - čitajće nastawk Problemy Firefox rozrisać, kotrež so přez škódne programy zawinuja, zo byšće zhonił, kak móžeće přećiwo problemam ze škodnej softwaru postupować.

Zmylk jenož na jednej stronje wustupuje

Jeli tutón problem jenož na jednym sydle maće, rěka to zwjetša, zo webserwer njeje korektnje skonfigurowany. Jeli wšak tutón zmylk na znatym websydle kaž Google abo Facebook abo na sydłach, hdźež so financielne transakcije wotměwaja, widźiće, dyrbjał wy z horjeka wopisanymi krokami pokročować.

Falowacy mjezycertifikat

Na sydle z falowacym mjezycertifikatom budźeće slědowace zmylkowe wopisanje widźeć, po tym zo sće na Rozšěrjeny na zmylkowej stronje „Waš zwisk wěsty njeje" kliknył:

Certifikat websydła snano njeje so přez dowěry hódne certifikowanišćo wudał a njeje so ani žadyn dospołny certifikatowy rjećaz k dowěry hódnemu certifikowanišću podał (tak mjenowany „mjezycertifikat“ faluje).
Móžeće testować, hač sydło je so korektnje skonfigurował, zapodawajo adresu websydła do nastroja třećeho poskićowarja kaž SSL Labs. Wróći wuslědk „Rjećazowe problemy: Njedospołny“, porjadny mjezycertifkat faluje. Wy měł so z wobsedźerjom websydła, z kotrymž ćeže maće, do zwiska stajić, zo byšće jeho wo tutym problemje informował.

Samosignowany certifikat

Na sydle ze samosignowanym certifikatom budźeće slědowace zmylkowe wopisanje widźeć, po tym zo sće na Rozšěrjeny na zmylkowej stronje „Waš zwisk wěsty njeje" kliknył:

Samosignowany certifikat, kotryž njeje wot připóznateho certifikowanišća wudaty, je po standardźe dowěry njehódny. Samosignowane certifikaty móža waše daty před wotposkowarjemi škitać, ale ničo wo tym njepraji, štó je přijimar datow. To płaći zwjetša za websydła intraneta, kotrež zjawnje k dispoziciji njejsu a móžeće tute warnowanje za tajke websydła ignorować.

Warnowanje ignorować

Jeli websydło to dowoluje, móžeće wuwzaće přidać, zo byšće móhł sydło wopytać, byrnjež jeho certifikat po standardźe dowěry njehódny był:

1. Klikńće na warnowanskej stronje na Rozšěrjeny.
2. Klikńće na Wuwzaće přidać…. Dialog Wěstotne wuwzaće přidać so zjewi.
3. Čitajće tekst, kotryž problemy z websydłom wopisuje. Móžeće na Pokazać… kliknyć, zo byšće dowěry njehódny certifikat dokładnišo přepytował.
4. Klikńće na Wěstotne wuwzaće wobkrućić, jeli sće sej wěsty, zo chceće sydłu dowěrić.