Změnić, štož je na wašej stronje noweho rajtarka

Zo byšće funkcije strony noweho rajtarka zmóžnił abo znjemóžnił, klikńće na symbol zubateho koleska pisaka horjeka deleka naprawo na stronje. Wokno so wočini, kotrež funkcije pokazuje, kotrež su we wašim regionje k dispoziciji.

Klikńće na suwak pódla funkcije, zo byšće ju zmóžnił abo znjemóžnił . Klikńće na Dalše nastajenja rjadować, zo byšće wokno nastajenjow Firefox Startowa strona wočinił, hdźež přidatne nastajenja su k dispoziciji.

Pozadkowe wobrazy

Firefox wam zmóžnja, wašu stronu noweho rajtarka z wuběrom pozadkowych wobrazow přiměrić, kotrež wašemu wobhladowakej čerstwy napohlad dawaja, kotryž so k wašemu stilej hodźi. Wubjerće z hladanych barbow, wumělskich abstraktnych designow a wobkuzłacych fotografijow, abo nahrajće swójski wobraz.

Waš pozadkowy wobraz wubrać

1. Klikńće horjeka deleka naprawo na stronje noweho rajtarka na symbol zubateho koleska pisaka .
2. We woknje Přiměrić widźiće we wotrězku Pozadkowe wobrazy rozdźělne kategorije kaž Jednotne barby, Abstraktne, Njebjeske a Fota. Klikńće na kategoriju, kotruž preferujeće. Hdyž na přikład Abstraktne wuběraće, budźeće wšelake abstraktne designy widźeć.
3. Klikńće na pozadkowy wobraz z wburaneje kategorije, zo byšće přehlad pokazał. Pozadkowy wobraz so hnydom nałožuje, hdyž jón wuběraće. Jeli na přikład pozadkowy wobraz z kategorije Abstraktne wuběraće, so wón jako pozadk na wašej stronje noweho rajtarka pokaza.
4. Po tym zo sće swój požadany pozadkowy wobraz wubrał, klikńće pódla mjena kategorije poazdkoweho wobraza, zo byšće so k woknu Přiměrić wróćił.
5. Klikńće na Začinić, zo byšće wokno začinił.

Hdyžkuli nětko nowy rajtark wočinjeće, so waš wubrany pozadkowy wobraz pokazuje, štož wašemu Firefox personalizowany touch dawa.

Pozadkowy wobraz na standard wróćo stajić

Zo byšće swój standardny pozadk na swojej stronje noweho rajtarka wróćo stajił:

1. Klikńće horjeka deleka naprawo na stronje noweho rajtarka na symbol zubateho koleska pisaka .
2. Klikńće we woknje Přiměrić pod wotrězkom Pozadkowe wobrazy na Na standard wróćo stajić.
3. Klikńće na Začinić horjeka naprawo, zo byšće wokno Přiměrić wopušćił.

Waš pozadkowy wobraz ze swójskim wobrazom přiměrić

Zo byšće swój pozadkowy wobraz noweho rajtarka na swójski wobraz stajił:

1. Klikńće horjeka deleka naprawo strony noweho rajtarka na symbol zubateho koleska pisaka .
2. Klikńće we woknje Přiměrić pod wotrězkom Pozadkowe wobrazy na Wobraz nahrać.
3. Wubjerće z pomocu přehladowanja a wobrazowym wuběrom swojeho dźěłoweho systema wobraz a klikńće na Wočinić.
4. Waš wobraz so nětko jako pozadkowy wobraz we wašim rajtarku pokaza.

Dźiwajće na to, zo so tute wobrazy do Mozilla njehraja, ale wostawaja lokalnje na wašim ličaku.

Waš pozadkowy wobraz ze swójskej barbu přiměrić

Zo byšće swój pozadkowy wobraz noweho rajtarka na swójsku barbu stajił:

1. Klikńće horjeka deleka naprawo na stronje noweho rajtarka na symbol zubateho koleska pisaka .
2. In the customization panel, under the Wallpapers Klikńće we woknje Přiměrić na Jednotne barby a potom na Barbu wubrać.
3. Wubjerće barbu z pomocu barboweho wuběraka swojeho dźěłoweho systema. Začińće barbowy wuběrak.
4. Barba so nětko jako pozadkowy wobraz na wašej stronje noweho rajtarka pokaza.

Wjedro

Strona noweho rajtarka Firefox waše lokalne wjedro pokazuje a skići spěšne aktualizacije direktnje we wašim wobhladowaku. Tuta funkcija je we wěstych regionach k dispoziciji, mjez nimi USA, Kanada, Brazilska, Mexiko, Awstralska, Indiska a Japanska; druhe stejnišća so poněčim přidawaja. Móžeće pokazanje wjedra z wašimi nastajenjemi přiměrić.

Stejnišćo změnić

1. Stajće kursor horjeka na stronje noweho rajtarka na wjedrowe informacije a klikńće na třidypkowy meni.
2. Klikńće na Stejnišćo změnić.
3. Zapodajće nowe stejnišćo do pola a wubjerće potom z wuběranskeho menija.

Měrjensku jednotku temperatury změnić

1. Stajće kursor horjeka na stronje noweho rajtarka na wjedrowe informacije a klikńće na třidypkowy meni.
2. Wubjerće nastajenje, zo byšće jednotku temperatury nastajił (Celsius abo Fahrenheit).

Pokazanje wjedra změnić

1. Stajće kursor horjeka na stronje noweho rajtarka na wjedorowe informacije a klikńće na třidypkowy meni.
2. Wubjerće nastajenje, zo byšće preferowane pokazanje nastajił (jednory napohlad abo detailny napohlad).

Huste prašenja

Zwotkel tute wjedrowe wuměnjenja pochadźeja?
Wjedrowe wuměnjenja na stronje noweho rajtarka Firefox wot AccuWeather pochadźeja.

Kak so moje stejnišćo postaja?
Zo by wjedrowe wuměnjenja za waše stejnišćo widźał, Firefox wašu IP-adresu wužiwa, zo by waše přibližne stejnišćo postajił. Tute informacije su potom wužiwaja, zo bychu relewantne wjedrowe wuměnjenja za waš wobwod poskićili.

Dźěliće moju IP-adresu?
Hdyž wjedrowa funkcija je zmóžnjena, Firefox wašu IP-adresu abo wosobinske informacije zwonka serwerow Mozilla njedźěli.

Wužiwa tuta funkcija moje stejnišćo abo druhe informacije, jeli je znjemóžnjena?
Ně, jeli wjedrowa funkcija na stronje noweho rajtarka je znjemóžnjena, so wotpowědne wjedrowe słužby a API tež znjemóžnjeja a informacije so njewužiwaja.

Čehodla widźu „sponserowany“ pódla AccuWeather – štož to woznamjenja?
Firefox móže dochody dóstać, jeli websydło AccuWeather wopytujeće, zo byšće nadrobnišu wjedrowu předpowědź widźał.

Za dalše podrobnosće wo wjedrowej funkciji hlejće How it works - Firefox Weather.

Zwjazanja

Waše zwjazanja su sydła, kotrež najhusćišo wopytujeće a sydła, kotrež za lochki přistup připinaće. Tute sydła so tež jewja, hdyž do adresoweho pola klikaće, zo byšće pytanje započał.

Zwjazanje přidać

Jeli prózdnu kachličku maće:

1. Klikńće na prózdnu kachličku z popisom Zwjazanje přidać.
2. Zapodajće titul a URL (webadresu) za tute sydło, přidajće swójski wobraz, kotryž so ma na zwjazanju jewić, jeli chceće a klikńće potom na Přidać.
3. Kachlička ze symbolom sydła abo swójski wobraz, kotryž sće přidał, so we wašich zwjazanjach zjewi.

Jeli prózdnu kachličku nimaće:
Móžeće eksistowace zwjazanje wobdźěłać, zo byšće nowy titul a URL pokazał.

1. Pohibujće pokazowak myški nad eksistowace zwjazanje, kotrež hižo njetrjebaće.
2. Klikńće na třidypkowy meni, kotryž so horjeka naprawo w zwjazanju jewi a wubjerće Wobdźěłać.
3. Zapodajće w dialogu Zwjazanje wobdźěłać, kotryž so wočinja, nowy titul a URL, přidajće swójski wobraz, jeli chceće a klikńće na Składować.

Zwjazanje připjeć, wotpjeć abo wotstronić

Zwjazanje připjeć:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Připjeć.
3. Symbol připinawki so na wašim připjatym zwjazanju pokaza.

   

Zwjazanje wotpjeć:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Wotpjeć.

Zwjazanje wotstronić:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Zaćisnyć.

Zo byšće zwjazanje wobdźěłał:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Wobdźěłać.
3. Změńće titul abo přidajće swójski wobraz.

Zwjazanja přerjadować

Klikńće na kachličku a dźeržće ju a ćehńće ju k druhemu městnu.

Wjace abo mjenje zwjazanjow pokazać

1. Klikńće horjeka deleka naprawo na stronje noweho rajtarka na symbol zubatho koleska pisaka .
2. Wubjerće we woknje, kotrež so wočinja, pod Zwjazanja, ličbu linkow zwjazanjow, kotrež chceće widźeć z wuběranskeho menija.

   

Doporučene stawiznički

Wotrězk doporučene stawiznički wobsah pokazuje, kotryž so wot teama doporučenjow Firefox z pomocu swójskich wuknjenskich nastrojow hlada. Tute stawiznički so přez waše přehladowanske daty njezdźěleja. Móžeće stawiznički wobhladać abo jako zapołožki składować, je wotstronić abo je w nowym woknje wočinić.

Doporučene stawiznički na stronje noweho rajtarka Firefox je funkcija, kotraž je tuchwilu za USA, Kanadu, Zjednoćene kralestwo, Irsku, Němsku, Awstrisku, Šwicarsku, Italsku, Francosku, Španisku a Indisku k dispoziciji. Dźěłamy na tym, ju za druhe kraje k dispoziciji stajić.

Doporučenu stawizničku jako zapołožku składować

1. Pohibujće kursor myški, doniž so meni (tři dypki) njezjewi.

   

   • Klikńće na Jako zapołožku składować w meniju a dóstawaće namołwu, zo byšće swojej zapołožce mjeno a znački dał.
2. Klikńće na Dokónčeny, hdyž sće hotowy.

Doporučenu stawizničku wotstronić

1. Pohibujće kursor myški, doniž so meni (tři dypki) njezjewi.

   

   • Klikńće na meni a potom na Zaćisnyć, zo byšće ju ze swojich doporučenych stawizničkow wotstronił.

Dalše prašenja? Hlejće Wo stronje noweho rajtarka.

Najnowša aktiwita

Najnowša aktiwita najnowše sćehnjenja, sydła, kotrež sće njedawno wopytał a jako zapołožki składował pokazuje. Firefox budźe w kóždej kachličce sćehnjenski symbol , hwěžku za składowanje jako zapołožku abo časnik za najnowši wopyt pokazać.

Dataju abo jeje rjadowak wočinić, sydło jako zapołožku z wotrězka Najnowša aktiwita składować

1. Pohibujće kursor myški horjeka naprawo do kachlički, doniž so meni njejewi.
2. Klikńće na meni a wubjerće akciju, kotruž chceće wuwjesć.

Sydło z wotrězka Najnowša aktiwita w nowym woknje wočinić

1. Pohibujće kursor myški horjeka naprawo do kachlički, doniž so meni njejewi.
2. Klikńće na W nowym woknje wočinić abo W nowym priwatnym woknje wočinić, jeli nochceće, zo we wašej přehladowanskej historiji składuje.

Sydło z wotrězka Najnowša aktiwita wotstronić

1. Pohibujće kursor myški horjeka naprawo do kachlički, doniž so meni njejewi.
2. Klikńće na meni a potom na Zaćisnyć, zo byšće jo z wotrězka Najnowša aktiwita wotstronił.

Móžeće tež na Z historije zhašeć kliknyć, zo byšće wuzběhnjene strony z přehladowanskeje historije wotstronił.