Hdyž Firefox z wěstym websydłom zwjazuje (URL so z "https://" započina), dyrbi přepruwować, hač certifikat, kotryž websydło prezentuje, je płaćiwy a hač zaklučowanje je mócne dosć, zo by so waša priwatnosć w dosahacej měrje škita. Jeli certifikat njeda so za płaćiwy deklarować abo zaklučowanje mócne dosć njeje, Firefox zwjazowanje z websydłom zastaji a město toho zmylkowu stronu pokaza.

Na někotrych websydłach je móžnosć Mozilla za statistiske zaměry zmylki wěsteho zwiska zdźělić:

Zo byšće problemy z wěstymi zwiskami rozrisował Wěsty zwisk njemóžno, čitajće nastawk Wěsty zwisk a zmylkowe strony wěstotnych warnowanjow w Firefox.

Hdyž Firefox z wěstym websydłom zwjazuje (URL so z "https://" započina), dyrbi přepruwować, hač certifikat, kotryž websydło prezentuje, je płaćiwy a hač zaklučowanje je mócne dosć, zo by so waša priwatnosć w dosahacej měrje škita. Jeli certifikat njeda so za płaćiwy deklarować abo zaklučowanje mócne dosć njeje, Firefox zwjazowanje z websydłom zastaji a město toho zmylkowu stronu pokaza:

• Za rozrisowanje problemow z wěstym zwiskom ze zmylkowej zdźělenku Wěsty zwisk njemóžno, čitajće nastawk Wěsty zwisk a zmylkowe strony wěstotnych warnowanjow w Firefox.

Što móžeće činić, jeli tutón zmylk widźiće?

Jeli na tajku zmylkowu zdźělenku storčiće, měł wy so, jeli móžno, z wobsedźerjemi websydła do zwiska stajić a was wo tym zmylku informować. Poruča so, zo čakaće, doniž problem z websydłom wotstronjeny njeje, prjedy hač jo wužiwaće. Najwěsćišo je, zo na tłóčatko Wróćo kliknjeće, abo druhe websydło wopytujeće. Wy njeměł z websydłom pokročować, chibazo znajeće a rozumiće technisku přičinu, čehoždla websydło je wopačnu identifikaciju prezentowało a chceće komunikowanje přez zwisk riskěrować, kotryž je nachilny k wotposkowanju.

Techniske informacije

Klikńće na Rozšěrjeny za dalše informacije wo tym, čehodla zwisk wěsty njeje. Někotre zwučene zmylki su tele:

Certifikat hač do (datum) płaćiwy njebudźe

Zmylkowy tekst tež aktualny datum a čas wašeho systema pokaza. Jeli stej wopak, stajće swój systemowy časnik na dźensniši datum a aktualny čas (klikńće dwójce na časowe podaće w nadawkowej lajsće Windows), zo byšće problem rozrisał.

Certifikat je (datum) spadnył

Tutón zmylk wustupuje, hdyž certifikacija identity je spadnyła.

Zmylkowy tekst tež aktualny datum a čas wašeho systema pokaza. Jeli stej wopak, stajće swój systemowy časnik na dźensniši datum a aktualny čas (klikńće dwójce na časowe podaće w nadawkowej lajsće Windows), zo byšće problem rozrisał.

Certifikat dowěry hódny njeje, dokelž certifikat je njeznaty

Je móžno, zo sće funkciju SSL-skenowanje we wašim wěstotnym programje kaž na přikład Avast, Bitdefender, ESET abo Kaspersky zmóžnił. Spytajće, tute nastajenje znjemóžnić. Dalše podrobnosće wo tym namakaće w nastawku pomocy Problemy z wěstotnymi zmylkowymi kodami na wěstych websydłach rozrisać.

Certifikat dowěry hódny njeje, dokelž wudawar sam je jón signował

Samosignowane certifikaty waše daty před wotposkowarjemi škitaja, ale njepraja ničo wo tym, štó je přijimar datow. To je za intranetne websydła z wašnjom, kotrež zjawnje k dispoziciji njejsu. Móžeće tute warnowanje za tajke websydła ignorować.

Tutón zmylk wam zdźěla, zo identifikacija, kotraž je so wam wot sydła připósłała, je poprawom za druhe sydło. Byrnjež něšto, kotrež sćeleće, přećiwo wotposkowarjam wěste było, přijimar snano tón njeje, za kotrehož jeho maće.

Husta situacija je, hdyž certifikat je poprawom za druhi dźěl samsneho sydła. Sće na přikład https://přikład.de wopytał, ale certifikat je za https://www.přikład.de. Jeli w tym padźe direktny přistup na https://www.přikład.de maće, wy njedyrbjał warnowanje dóstać.

Certifikatowa dataja je wobškodźena

Wy móhł tež certifikatowe zmylkowe zdźělenki widźeć, hdyž dataja we wašim profilowym rjadowaku, kotraž certifikaty składuje (cert8.db) je wobškódźena. Zhašejće tutu dataju, mjeztym zo Firefox je začinjeny, zo byšće ju znowa wutworił:

1. Wočińće swój profilowy rjadowak:

   • Klikńće na menijowe tłóčatko , potom na Pomoc a wubjerće Informacije za rozrisowanje problemowWubjerće z menija Pomoc Informacije za rozrisowanje problemow Rajtark Informacije za rozrisowanje problemow so wočini.
   • Klikńće pod wobłukom Zakłady nałoženja pódla profiloweho rjadowakaprofiloweho zapisa na Rjadowak wočinićW Finder pokazaćZapis wočinić. Wokno so wočini, kotrež waš profilowy rjadowak wobsahuje. Waš profilowy rjadowak so wočini.Waš profilowy zapis so wočini.
   Pokiw: Jeli Firefox zmylk pokazuje, po tym zo sće na Rjadowak wočinić kliknył abo jeli njemóžeće Firefox wočinjeć abo wužiwać, slědujće instrukcijam w nastawku Waš profil namakać, bjez toho, zo by so Firefox wočinił.

2. Klikńće na meni Firefox a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox a wubjerće Skónčić.
3. Klikńće na dataju cert8.db.
4. Tłóčće cmd ⌘+Entf.
5. Startujće Firefox znowa.

Pokiw:cert8.db so zaso wutwori, hdyž Firefox znowa startujeće. To je normalne.

Warnowanje wobeńć

Wy měł warnowanje jenož wobeńć, jeli identiće websydła kaž tež integriće zwiska dowěrjeće - samo hdyž sydłu dowěrjeće, něchtó móhł waš zwisk manipulować. Daty, kotrež na sydle přez słabje zaklučowany zwisk zapodawaće, móža tež k wotposkowarjam nachilne być.

Zo byšće warnowansku stronu wobešoł, klikńće na Rozšěrjeny:

• Na sydłach ze słabym zaklučowanjom so wam potom móžnosć pokaza, sydło ze zestarjenej wěstotu začitować.
• Na sydłach, kotrychž certifikat njeda so za płaćiwy deklarować, móžeće móžnosć dóstać, wuwzaće přidać.

Zmylk zdźělić

Na někotrych websydłach je móžnosć, Mozilla za statistiske zaměry zmylk zdźělić: