Wutworjeny:
Tutón nastawk wujasnja, kak móžeće nastajić, kotre rozšěrjenja smědźa so we woknach priwatneho modusa wuwjesć.
Zapis wobsaha
Rozšěrjenja w priwatnych woknach
Rozšěrjenje, kotrež so we woknach priwatneho modusa wuwjedźe, móhło problematiske być, jeli ma přistup k informacijam, kotrež chceće radšo priwatne wobchować. Firefox wam zmóžnja rozsudźić, kotre rozšěrjenja smědźa so w priwatnych woknach wuwjesć. Nimo toho rozšěrjenje po standardźe za priwatny modus zmóžnjene njeje. Dyrbiće jemu prawo dać, pak při instalaciji pak pozdźišo w nastajenjach rozšěrjenja.
Jelo rozšěrjenju prawo njedawaće, so w priwatnym modsusu wuwjesć, měło hišće normalnje w njepriwatnym modusu fungować, chibazo rozšěrjenje eksplicitnje funkcije wužiwa, kotrež sej priwatny modus wužaduja (na přikład wočinjenje nowych rajtarkow w priwatnym woknje).
Prawo při instalaciji dać
Hdyž nowe rozšěrjenje instalujeće, budźeće namołwu widźeć, kotraž wo dowolnosć prosy, rozšěrjenje přidać a so was praša, hač so smě w priwatnych woknach wuwjesć.
- Jelic chceće, zo rozšěrjenje w priwatnym modusu funguje, markěrujće kašćik pódla W priwatnych woknach wuwjesć a klikńće na tłóčatko , zo byšće to wobkrućił.
- Jeli nochceće, zo rozšěrjenje ma přistup k wašim datam w priwatnych woknach, wostajće kašćik njemarkěrowany.
Po tym zo sće nowe rozšěrjenje instalował, budźeće namołwu widźeć, kotraž wam zdźěla, zo rozšěrjenje je so přidało a so was praša, hač so smě w priwatnych woknach wuwjesć.
- Jeli chceće, zo rozšěrjenje w priwatnym modusu funguje, klikńće na kašćik pódla Tutomu rozšěrjenju dowolić, zo so w priwatnych woknach wuwjedźe, zo byšće hóčku přidał a klikńće potom na tłóčatko .
- Jeli nochceće, zo rozšěrjenje ma přistup k wašim datam w priwatnych woknach, wostajće kašćik njemarkěrowany.
Rozšěrjenja w priwatnych woknach zmóžnić abo znjemóžnić
- Klikńće na menijowe tłóčatko
a potom na a wubjerće .
- Klikńće na rozšěrjenje, kotrež chceće rjadować.
- To wokno wočini, hdźež móžeće nastajenja rozšěrjenja rjadować.
- Wubjerće pódla W priwatnych woknch wuwjesć , zo byšće rozšěrjenju dowolił, w priwatnym modusu fungować, abo wubjerće , zo byšće jo w priwatnym modusu znjemóžnił.
- Hdyž sće wubrał, móžeće rajtark Zrjadowak přidatkow začinić.
