Firefox wobsahuje zatwarjeny PDF-čitak, zo by PDF-dataje we woknje webwobhladowaka pokazał. Tutón nastawk wujasnja, kak móžeće zatwarjeny PDF-čitak wužiwać, kak móžeće druhi PDF-čitak wužiwać a kak móžeće huste problemy rozrisać, na kotrež snano storčiće.

Zatwarjeny PDF-čitak Firefox wužiwać

Firefox wobsahuje zatwarjeny PDF-čitak, kotryž wam zmóžnja, sej nimale wšě PDF-dataje namakane we webje bjez tykača wobhladać. Wuwzaća su PDF-dataje z wopak nastajenym MIME-typom. Zatwarjeny PDF-čitak je po standardźe zmóžnjeny.

Sćehnjena PDF-dataja so ze zatwarjenym PDF-čitakom rysuje, hdyž na jednu z nich we woknje sćehnjenjow klikaće.

Funkcije symboloweje lajsty PDF-čitaka

• Bóčnicu pokazać abo schować - Tłóčatko, kotrež je cyle nalěwo na symbolowej lajsće, bóčnicu z miniaturnymi napohladami stronow dokumenta wočini.

Někotre dokumenty maja tež rozrjadowanski napohlad. Z jeho pomocu móžeće přez dołhi dokument nawigować.

• Wo stronu doprědka abo dozady listować abo direktnje k stronje přeńć - Móžeće šipkowej symbolej horje - ⇑ - a dele - ⇓ -, zo byšće přez dokument listował abo čisło strony zapodał, ke kotrejž chceće přeńc.

  

• Wulkosć dokumenta změnić - Wužiwajće tłóčatce + a -, zo byšće powjetšił a pomjeńšił, abo wubjerće skalowanske nastajenje z wuběranskeho menija.

  

• Połna wobrazowka abo prezentaciski modus - Klikńće na tłóčatko połneje wobrazowki, zo by so dokument na cyłej wobrazowce pokazał. Tłóčće ESC, zo byšće prezentaciski modus wopušćił.

  

• Ćišćeć - Klikńće na ćišćakowy symbol, zo byšće Windowsowy dialog Drucken wočinił.

  

• Sćahnyć - Klikńće na symbol Śćahnyć, zo byšće PDF-dataju na swojim ličaku składował abo ju z PDF-čitakom wočinił.

  

• Aktualny napohlad kopěrować - Klikńće z prawej tastu myškiDźeržće tastu ctrl stłóčenu, mjeztym zo klikaće na tłóčatko aktualneho napohlada, zo byšće aktualny napohlad w druhim rajtarku abo woknje wočinił.

  

Tastowe skrótšenki PDF-čitaka

Problemy z PDF-čitakom rozrisać

• Z wěstymi typami PDF-datajow móže PDF-čitak problemy při zwobraznjowanju pismow, barbow abo cyłeho dokumenta měć. Jeli so někotre PDF-dataje derje njezwobraznjuja abo su prózdne, klikńće na sćehnjenske tłóčatko naprawo na symbolowej lajsće, zo byšće dokument ze standardnym PDF-čitakom na swojim ličaku wočinił.

• Jeli njemóžeće PDF-dataje ze zatwarjenym PDF-čitakom wočinić, móhło rozšěrjenje Firefox wina być. Móžeće wšě swoje rozšěrjenja znjemóžnić, zo byšće hladał, hač jedne z nich problem zawinuje. Za podrobnosće hlejće Problemy z rozšěrjenjemi, drastami a hardwarowym pospěšenjom rozrisać.

Kak móžeće zatwarjeny PDF-čitak znjemóžnić a druhi čitak wužiwać

Móžeće tež druhi, eksterny PDF-čitak město zatwarjeneho PDF-čitaka Firefox wužiwać. Zo byšće wot zatwarjeneho PDF-čitaka do druheho PDF-čitaka přestajił:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Dźiće we woknje Powšitkowny k wotrězkej Nałoženja.
3. Pytajće zapisk Portable Document Format (PDF) w lisćinje a klikńće na zapisk, zo by jón wubrał.
4. Klikńće na šipk pod špaltu Akcija za zapisk horjeka a wubjerće PDF-čitak, kotryž chceće wužiwać z wuběranskeho menija.

• Zo byšće eksterne nałoženje wužiwał, zo byšće sej PDF-dataje wobhladał, wubjerće zapisk za PDF-nałoženje, kotrež chceće wužiwać, kaž na přikład Přehlad wužiwać abo Adobe Reader wužiwać.
  Warnowanje: NPAPI-tykač „Adobe Acrobat“, kaž je znate, problemy w Firefox zawinuje. Hlejće PDF files are blank or cause an error message on Mac za podrobnosće.

Kak móžeće eksterny PDF-čitak za sćehnjene PDF-dataje wužiwać

Móžeće zatwarjeny PDF-čitak Firefox jako standard wužiwać, zo byšće sej PDF-dataje we wobhladowaku wobhladał, ale sćehnjene PDF-dataje z eksternym nastrojom wočinić. Zo byšće sćehnjenu PDF-dataju z eksternym čitakom wočinił:

1. Klikńće na sćehnjenski symbolpódla adresoweho pola, zo byšće wokno sćehnjenjow wočinił.
2. Klikńće z prawej tastu na symbol datajoweho rjadowaka PDF-dataje a wubjerće Wobsahowacy rjadowak wočinić.Dźeržće tastu control stłóčenu, mjeztym na lupowy symbolPDF-dataje klikaće (dwuporstowe kliknjenje) a wubjerće W Finder pokazać.
3. Klikńće z prawej tastuKlikńće ze stłóčenej tastu control w rjadowaku sćehnjenjow na dataju, wubjerće Wočinić z a potom swój preferowany PDF-čitak.