Nastajenja wuskakowacych woknow, wuwzaća a rozrisowanje problemow

Wersijowe informacije
  • Wersijowy ID: 244501
  • Wutworjeny:
  • Awtor: milupo
  • Komentar: update
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija? Ně
  • Hotowy za přełožowanje: Ně
Žórłowy kod wersije
Wobsah wersije

Što su wuskakowace wokna?

Wuskakowace wokna su wokna, kotrež so awtomatisce, bjez wašeje dowolnosće, jewja. Wariěruja po wulkosći, ale zwjetša cyłu wobrazowku njezaběraja. Někotre wuskakowanske wokna so nad aktualnym woknom Firefox (prědkowe wokna) wočinjeja, druhe wšak pod woknom Firefox (pozadkowe wokna).

Firefox wam zmóžnja, prědkowe kaž tež pozadkowe wuskakowace wokna we woknje NastajenjaNastajenjaNastajenja wodźić. Blokowanje wuskakowacych woknow je po standardźe zmóžnjene, njetrjebaće so tuž wo jeho zmóžnjenje starać, zo byšće wuskakowace wokna při wočinjenju w Firefox haćił.

Hdyž so wuskakowace wokno blokuje, Firefox infolajstu (chibazo sće infolajstu do toho wupinył — hlejće deleka) kaž tež symbol popup_icon_fx57 w adresowym polu zwobraznjuje.

Fx78PopupMessageFx90Popup-macPopupFx89Fx90Popup-mac

Hdyž pak na tłóčatko NastajenjaNastajenja w infolajsće pak na symbol w adresowym polu kliknjeće, so meni ze slědowacymi wuběranskimi móžnosćemi zwobrazni:

Blokowanje wuskakowacych woknow móže problemy z websydłami zawinować: Někotre websydła, na přikład někotre bankowe sydła, wuskakowace wokna za wažne funkcije wužiwaja. Blokowanje wšěch wuskakowacych woknow tajke funkcije znjemóžnja. Zo byšće wěstym websydłam wužiwanje wuskakowacych woknow zmóžnił a wšě druhe hišće blokował, móžeće lisćinje dowolenych sydłow tute wěste websydła přidać.
Blokowanje wuskakowacych woknow nic přeco funguje: Hačrunjež Firefox najwjace wuskakowacych woknow blokuje, móža někotre websydła wuskakowace wokna z pomocu wosebitych metodow wočinić, samo hdyž su zablokowane.

Nastajenja blokowanja wuskakowacych woknow

Zo byšće přistup na nastajenja blokowanja wuskakowacych woknow měł:

  1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko Fx89menuButton a wubjerće Nastajenja.
  2. Wubjerće wokno Priwatnosć a wěstota.
  • Znjemóžńće kašćik pódla Wuskakowace wokna blokować we wotrězku Prawa, zo byšće blokowak wuskakowacych woknow dospołnje znjemóžnił.
  • Kliknjenje na Wuwzaća… dialogowe wokno z lisćinu sydłow wočini, kotrymž dowoleće, wuskakowace wokna pokazać.
  • Dialog wam slědowace wuběranske móžnosće skići:
    Allowed Websites Pop-ups
Dowolić: Klikńće na to, zo byšće lisćinje wuwzaćow websydło přidał.
Websydło wotstronić: Klikńće na to, zo byšće websydło z lisćiny wuwzaćow wotstronił.
Wšě websydła wotstronić: Klikńće na to, zo byšće wšě websydła w lisćinje wuwzaćow wotstronił.
Kedźbu: Blokowanje wuskakowacych woknow nic přeco funguje a móže problemy z někotrymi websydłami zawinować. Za dalše informacije hlejće horjeka wotrězk Što su wuskakowace wokna?.

Wuskakowace wokna so njeblokuja

Přińdźe wuskakowace wokno z Firefox?

Wuskakowace wokno njemóže poprawom z Firefox přińć. Móžeće po napohledźe wokna spóznać, zwotkelž wuskakowace wokno přińdźe.

  • Jeli w adresowym polu tłóčatko Slědowanski škit a tłóčatko sydłoweje identity (tarč a zamk) we wuskakowacym woknje widźiće, wuskakowace wokno z Firefox pochadźa.
  • Jeli tutej tłóčatce njewidźiće, maće snano škódnu softwaru na swojim ličaku, kotraž wuskakowace wokna zawinuje. Za pomoc hlejće Problemy Firefox rozrisać, kotrež so přez škódne programy zawinuja.

Je blokowanje wuskakowacych woknow za tute sydło zmóžnjene?

  1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko Fx89menuButton a wubjerće Nastajenja.
  2. Wubjerće wotrězk Priwatnosć a wěstota a dźiće k wotrězkej Prawa.
  3. Přeswědčće so, hač hóčka je w kašćiku pódla Wuskakowace wokno blokować.
  4. Klikńće na tłóčatko Wuwzaća… naprawo pódla Wuskakowace wokno blokować. Dialogowe polo so wočini, z lisćinu sydłow, za kotrež wuskakowace wokna su dowolene.
  5. Jeli sydło, kotrež wuskakowace wokna wočinja, je tu podate, wubjerće jo a klikńće na Websydło wotstronić.
  6. Začińće stronu Nastajenja. Wšě změny, kotrež sće přewjedł, budu so awtomatisce składować.

Pokazuje so wuskakowace wokno po kliknjenju z myšku abo tłóčenju tasty?

Wěste akcije, kaž na přikład kliknjenje abo tłóčenje tasty, móža wuskakowace wokna wupłodźić, njedźiwajo na to, hač blokowanje wuskakowacych woknow je zmóžnjene abo nic. To jo otpohladana, zo njeby Firefox žane wuskakowace wokna blokował, kotrež websydła trjebaja, zo bychu fungowali.

Je to woprawdźite wuskakowace wokno?

Druhdy ma wabjenje kaž wokna wupadać, ale poprawom to njejsu. Blokowanje wuskakowacych woknow Firefox njemóže tutomu wabjenju zadźěwać.

Naprašowanja Mozilla

Hdyž websydło Mozilla wopytujeće, budźeće druhdy wuskakowace wokno widźeć, kotrež wam prosy, so na naprašowanju wobdźělić. Jeničke sydło třećeho poskićowarja, kotrež Mozilla za naprašowanja wužiwa, je SurveyGizmo, kotrež Mozilla je dał přez swoje teamy za prawniske naležnosće a priwatnosć přepruwować. Firefox tute wuskakowace wokna njeblokuje.