Konfiguraciski editor za Firefox
Wersijowe informacije
- Wersijowy ID: 245766
- Wutworjeny:
- Awtor: milupo
- Komentar: update
- Přepruwowany: Haj
- Přepruwowany:
- Přepruwowany wot: milupo
- Je schwaleny? Haj
- Je to aktualna wersija? Ně
- Hotowy za přełožowanje: Ně
Žórłowy kod wersije
Wobsah wersije
Konfiguraciski editor (strona about:config) nalistuje nastajenja z datajow prefs.js a user.js w profilu Firefox kaž tež standardne nastajenja. Wjele z tutych nastajenjow je rozšěrjene nastajenja, kotrež we woknje NastajenjaNastajenjaNastajenja k dispoziciji njejsu. Tutón nastawk wopisuje, kak móžeće sej stronu about:config wobhladać, nastajenja změnić abo wróćo stajić, jeli to je trěbne.
Zapis wobsaha
about:config wočinić
Zapodajće about:config do adresoweho pola a tłóčće Enter↩.
Warnowanska strona móže so jewić. Klikńće na , zo byšće so na stronu about:config dóstał.
Klikńće na , zo byšće wšě nastajenja pokazał, kotrež su w profilu stajene abo wužiwajće kašćik z tekstom Mjeno nastajenja pytać, zo byšće lisćinu filtrował.
Nastajenja pytać
Móžeće kašćik Mjeno nastajenja pytać horjeka na stronje about:config wužiwać, zo byšće wěste nastajenja spěšnje namakał. Jeli na přikład ocsp do pytanskeho kašćika zapodawaće, so wam nastajenje security.OCSP.enabled pokaza.Jeli pytanski wuraz zapodawaće a nastajenje njeeksistuje, maće móžnosć, nowe nastajenje přidać (hlejće deleka).
Nastajenja změnić
Móžeće na nastajenje dwójce kliknyć, zo byšće jeho hódnotu změnił, abo móžeće tole činić:
Klikńće za nastajenja typa boolean (true-false) na tłóčatko Přepinać .
Klikńće za znamješkowy rjećazk (tekst) abo ličbne nastajenje na tłóčatko Wobdźěłać a zapodajće nowu hódnotu.
Klikńće na hóčku , zo byšće změnu składował.
Nastajenja wróćo stajić abo zhašeć
Zo byšće nastajenje na jeho standardnu hódnotu stajił, klikńće na tłóčatko Wróćo stajić . Zo byšće přidate nastajenje wotstronił, klikńće na tłóčatko Zhašeć . Jeli zapisk nastajenja sam přidał, njenalistuje so hižo po znowastartowanju Firefox.Móžeće jenož změnjene nastajenja wróćo stajić abo zhašeć, kotrež su tučnje formatowane. (Zo byšće wšě nastajenja wróćo stajił, hlejće nastawk Nastajenja Firefox za rozrisowanje problemow wróćo stajić).
Nastajenja přidać
Zo byšće nowe nastajenje přidał, zapodajće jeho mjeno do kašćika Mjeno nastajenja pytać horjeka na stronje about:config. Pod pytanskimi wuslědkami (jeli tajke eksistuja), je móžnosć, nowe nastajenje wutworić. Zo byšće to činił, podajće typ hódnoty, kotruž nastajenje budźe składować:
- String je znamješkowy rjećazk
- Ličba je cyła ličba
- Boolean je true (wěrny) abo false (njewěrny)
Klikńće na tłóčatko Přidać , zo byšće nowe nastajenje wutworił a stajće jeho hódnotu. Nastajenja typa Boolean so po standardźe na true stajeja; wužiwajće tłóčatko Přepinać , zo byšće hódnotu změnił. Klikńće za nastajenja typa znamješkowy rjećazk abo ličba na tłóčatko Składować . Klikńće na tłóčatko Zhašeć , zo byšće nowe nastajenje zaćisnył.
Bazuje na informacijach z nastawka About:config (mozillaZine KB)