Konfiguraciski editor za Firefox
Wersijowe informacije
- Wersijowy ID: 112935
- Wutworjeny:
- Awtor: milupo
- Komentar: correction
- Přepruwowany: Haj
- Přepruwowany:
- Přepruwowany wot: milupo
- Je schwaleny? Haj
- Je to aktualna wersija? Ně
- Hotowy za přełožowanje: Ně
Žórłowy kod wersije
Wobsah wersije
Konfiguraciski editor (strona about:config) nalistuje nastajenja z datajow prefs.js a user.js w profilu Firefox kaž tež standardne nastajenja. Wjele z tutych nastajenjow je rozšěrjene nastajenja, kotrež w meniju NastajenjaNastajenja k dispoziciji njejsu. Tutón nastawk wopisuje, kak móžeće sej stronu about:config wobhladać, nastajenja změnić abo wróćo stajić, jeli to je trěbne.
about:config wočinić
Zapodajće about:config do adresoweho pola a tłóčće Enter↩.
Warnowanska strona móže so jewić. Klikńće na , zo byšće so na stronu about:config dóstał.
Nastajenja přidać, změnić a wróćo stajić
Zo byšće nowe nastajenje přidał, klikńće z prawej tastuklikńće z stłóčenej tastu ctrl něhdźe w lisćinje nastajenjow. Wubjerće w kontekstowym meniju, wubjerće potom datowy typ nastajenja, kotrež přidaće (String , Integer abo Boolean) a sćěhujće instrukcije, zo byšće mjeno a hódnotu nastajenja zapodał.
- String je znamješkowy rjećazk, tekst
- Integer je ličba
- Boolean je true (= wěrno) abo false (= wopak)
Zo byšće hódnotu eksistowaceho nastajenja typa string abo integer změnił, klikńće z prawej tastuklikńće ze stłóčenej tastu ctrl na nastajenje a wubjerće z kontekstoweho menija (abo klikńće dwójce na nastajenje) a zapisajće potom nowu hódnotu do wokna, kotrež so wočinja.
Za nastajenje typa boolean (true-false) klikńće z prawej tastuklikńće ze stłóčenej tastu ctrl na nastajenje a wubjerće z kontekstoweho menija (abo klikńće dwójce na nastajenje), zo byšće jeho hódnotu mjez true a false přešaltował.
Zo byšće nastajenje na jeho standardnu hódnotu wróćo stajił abo přidate nastajenje wotstronił, klikńće z prawej tastuze stłóčenej tastu ctrl na nastajenje a wubjerće . Móžeće akciju "Wróćo stajić" jenož na nastajenja nałožić, kotrychž hódnoty je wužiwar změnił abo kotrež je wužiwar přidał. Tajke nastajenja so w tučnym pismje pokazuja (hlejće horjeka w prěnim foće wobrazowki). Nastajenje, kotrež sće přidał, so po nowym startowanju Firefox hižo njenalistuje. (Zo byšće wšě nastajenja wróćo stajił, čitajće nastawk Nastajenja Firefox za rozrisowanje problemow wróćo stajić).
Nastajenja pytać
Móžeće tekstowe polo Pytać: horjeka na stronje about:config wužiwać, zo byšće spěšnje wěste nastajenje namakał. Jeli na přikład snippet do pytanskeho pola zapisujeće, so nastajenje browser.aboutHomeSnippets.updateUrl hnydom pokaza. Dźiwajće prošu na to, zo wulko- resp. małopisanje je wažne za mjena nastajenjow, za pytanske wurazy pak to žanu rólu njehraje.
Bazuje na informacijach z nastawka About:config (mozillaZine KB)