Konfiguraciski editor za Firefox

Wersijowe informacije
  • Wersijowy ID: 112919
  • Wutworjeny:
  • Awtor: milupo
  • Komentar: complete
  • Přepruwowany:
  • Hotowy za přełožowanje:
Žórłowy kod wersije
Wobsah wersije

Konfiguraciski editor (strona about:config) nalistuje nastajenja z datajow prefs.js a user.js w profilu Firefox kaž tež standardne nastajenja. Wjele z tutych nastajenjow su rozšěrjene nastajenja, kotrež w meniju NastajenjaNastajenja k dispoziciji njejsu. Tutón nastawk wopisuje, kak móžeće sej stronu about:config wobhladać, nastajenja změnić abo wróćo stajić, jeli to je trěbne.

Warnowanje: Budźće kedźbliwy, hdyž rozšěrjene nastajenja měnjeće. Móže być, zo Firefox wobškodźeće abo Firefox so potom dźiwnje zadźeržuje. Wy měł to jenož činić, jeli wěsće, štož činiće, abo jeli maće so po dowěry hódnej radźe.

about:config wočinić

Zapodajće about:config do adresoweho pola a tłóčće .

  • Zwjetša so potom warnowanje about:config "Přez to móžeće swoju garantiju zhubić!" jewi. Klikńće na Budu kedźbliwy, lubju!Akceptuju riziko, zo byšće so na stronu about:config dóstał.

aboutconfig

Nastajenja přidać, změnić a wróćo stajić

Zo byšće nowe nastajenje přidał, klikńće z prawej tastuklikńće z stłóčenej tastu ctrl něhdźe w lisćinje nastajenjow. Wubjerće Nowy w kontekstowym meniju, wubjerće potom datowy typ nastajenja, kotrež přidaće (String , Integer abo Boolean) a sćěhujće instrukcije, zo byšće mjeno a hódnotu nastajenja zapodał.

Kontekstowy meni datowy typy
  • String je znamješkowy rjećazk, tekst
  • Integer je ličba
  • Boolean je true (= wěrno) abo false (= wopak)

Zo byšće hódnotu eksistowaceho nastajenja typa string abo integer změnił, klikńće z prawej tastuklikńće ze stłóčenej tastu ctrl na nastajenje a wubjerće Změnić z kontekstoweho menija (abo klikńće dwójce na nastajenje) a zapisajće potom nowu hódnotu do wokna, kotrež so wočinja.

aboutconfig kontekstowy meni změnić

Za nastajenje typa boolean (true-false) klikńće z prawej tastuklikńće ze stłóčenej tastu ctrl na nastajenje a wubjerće Přešaltować z kontekstoweho menija (abo klikńće dwójce na nastajenje), zo byšće jeho hódnotu mjez true a false přešaltował.

aboutconfig kontekstowy meni přešaltować

Zo byšće nastajenje na jeho standardnu hódnotu wróćo stajił abo přidate nastajenje wotstronił, klikńće z prawej tastuze stłóčenej tastu ctrl na nastajenje a wubjerće Wróćo stajić. Móžeće akciju "Wróćo stajić" jenož na nastajenja nałožić, kotrychž hódnoty je wužiwar změnił abo kotrež je wužiwar přidał. Tajke nastajenja so w tučnym pismje pokazuja. Nastajenje, kotrež sće přidał, so po nowym startowanju Firefox hižo njenalistuje. (Zo byšće wšě nastajenja wróćo stajił, čitajće nastawk Nastajenja Firefox za rozrisowanje problemow wróćo stajić).

aboutconfig kontekstowy meni wróćo stajić

Nastajenja pytać

Móžeće tekstowe polo Pytać: horjeka na stronje about:config wužiwać, zo byšće spěšnje wěste nastajenje namakał. Jeli na přikład snippet do pytanskeho pola zapisujeće, so nastajenje browser.aboutHomeSnippets.updateUrl hnydom pokaza. Dźiwajće prošu na to, zo wulko- resp. małopisanje je wažne za mjena nastajenjow, za pytanske wurazy pak to žanu rólu njehraje.




Based on information from About:config (mozillaZine KB)