Konto Mozilla a Firefox Sync wam zmóžnjetej, waše přizjewjenja składować a synchronizować, a zdźěletej wam, hač waše hesła su zranite. Wobaj tež waše hesła ze zaklučowanjom škitatej, zo njeby samo Mozilla je widźał. Mjeztym Firefox waše składowane websydła z datowej banku websydłow přirunuje, kotrež su přez datowe dźěry potrjechene, zo by was informował, hač waše přizjewjenja su zranite (za dalše informacije hlejće Zrjadowak hesłow Firefox - warnowanja za websydła z datowymi dźěrami.

Firefox Sync

Jeli konto Mozilla maće a sće synchronizowansku funkcionalnosć zmóžnił, so waše přizjewjenske daty (wužiwarske mjena, hesła, hostowe mjena) zaklučowane do synchronizaciskich serwerow Mozilla nahrawaja. Tute zaklučowanje zaručuje, zo so waše daty na wašnje składuja, kotrež Mozilla njemóže dešifrować.

Firefox Desktop

Firefox Desktop waše hesła lokalnje we wašim zapisu wužiwarskeho profila z pomocu dataje logins.json zaklučuje. Firefox Desktop jednoru kryptografiju wužiwa, zo by waše hesła zakrył. Mozilla njemóže hesła widźeć, ale Firefox Desktop hesło lokalnje dekoduje, zo by móhł je do formularnych polow zapodać.

Wužiwajće za najlěpšu wěstotu hłowne hesło, zo byšće swoje hesła zaklučował. Zo byšće wjace wo tym zhonił, kak Firefox waše přizjewjenja a hesła składuje, hlejće slědowace nastawki:

• Use a Primary password with Sync
• Hdźe so přizjewjenja składuja?
• Zrjadowak hesłow - hesła w Firefox sej spomjatkować, zhašeć, změnić a importować