Móžeće Firefox wužiwać, zo byšće na desktopje swojeho ličaka zwjazanje ze stronu wutworił, kotruž sće wopytał:
- Přiměrće wokno Firefox, zo byšće móhł desktop swojeho ličaka kaž tež wokno Firefox na samsnej wobrazowce widźeć.
- Klikńće na zamkowy symbol nalěwo pódla adresoweho pola (hdźež so URL pokazuje).
- Pohibujće ze stłóčenej tastu myški pokazowak k desktopej a pušćće tastu myški. Zwjazanje so wutwori.
Pokiw: Jeli ćahnyć a pušćić we Firefox njefunguje, hlejće nastawk Drag and Drop errors with Firefox Launcher Process enabled and Windows UAC disabled - How to Fix.
Móžeće zapiski tež z menija zapołožkow a z wokna biblioteki ćahnyć, zo byšće zwjazanja wutworił.
Jeli wutworjene zwjazanje wočinjeće, so waš standardny wobhladowak wočini a stronu pokaza, za kotruž sće zwjazanje wutworił. Jeli chceće Firefox k swojemu standardnemu wobhladowakej činić, hlejće Firefox jako standardny wobhladowak postajić.
Nimo toho su rozšěrjenja Firefox třećich poskićowarjow, kotrež móža wam pomhać. Za dalše informacije hlejće Přidatki namakać a instalować, zo bychu Firefox přiměrili.
