Tutón nastawk wopisuje, kak Firefox ze sćehnjenymi datajemi za rozdźělne wobsahowe typy wobchadźa, na přikład ze składowanjom dataje abo z jeje wočinjenjom w nałoženju, kotrež je na wašim ličaku zainstalowane, a kak móžeće te zadźerženje změnić.

• Za pomoc wo problemach při sćahowanju datajow hlejće What to do if you can't download or save files.
• Za pomoc při problemach ze zasadźenymi medijemi na webstronach hlejće Fix common audio and video issues.
• Za pomoc při měnjenju e-mejloweho programa, kotryž Firefox wužiwa, hlejće Change the program used to open email links.

Datajowe typy a sćehnjenske akcije

Hdyž na wotkaz klikaće, zo byšće dataju sćahnył, Medijowy typ, tež MIME-typ abo wobsahowy typ mjenowany, po tym, kak webserwer jo jón skonfigurował, postaja, kotra akcija Firefox wuwjeźo.

Firefox njemóže z dataju porjadnje wobchadźeć, jeli jo wopak skonfigurowany serwer z wopačnym wobsahowym typom sćele. Na přikład móže Firefox wobsah jako luty tekst zwobraznić, město toho zo dataju w nałoženju wočinja. Zo byšće wjace zhonił, hlejće Properly configuring server MIME types (jendźelsce) a Common MIME types na MDN Web Docs. Móžeće so w tajkich padach z websydłom do zwiska stajić abo móžeće přidatk Firefox kaž Content-Type Fixer wužiwać, zo byšće problem wobešoł. (Jeli přidatk wužiwaće a pomoc za njón trjebaće, měł wy sydło přidatka wopytać abo so z wuwiwarjom do zwiska stajić a jeho wo pomoc prosyć.)

Jeli Firefox nastajenu sćehnjensku akciju za datajowy typ nima, Firefox budźe dataju po standardźe składować. Jeli Podobne dataje přeco wočinić w kontekstowym meniju sćehnjenskeho wokna za dataju wuběraće, (hlejće deleka) budźe so nowy zapisk wobsahoweho typa a akcije wotrězkej Powšitkowny Nałoženja nastajenjow Firefox přidawać.

Sćehnjenske akcije změnić

Móžeće akciju změnić, kotruž Firefox za definowane wobsahowe typy wužiwa. To nima wliw na medije, kotrež su we webstronje zasadźene – jenož na wotkazy k datajam samym.

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Dźiće we woknje Powšitkowny do wotrězka Nałoženja.
3. Wubjerće zapisk wobsahoweho typa za akciju, kotryž chceće změnić. (Budźeće snano wjace hač jedyn zapisk za samsny datajowy format abo samsne rozšěrjenje widźeć, dokelž někotre datajowe typy wjacore wobsahowe typy wobsahuja.)
4. Špalta „Akcija“ wam wuběranski meni z akcijemi pokazuje.

   

   • W Firefox wočinić: Wubjerće to, jeli chceće, zo Firefox wobsah pokazuje. Je jenož nałožujomny na wobmjezowanu ličbu wobsahowych typow, kotrež Firefox móže dekodować (PDF, AVIF, XML, SVG a wobraz WebP).
   • Přeco so prašeć: To so wam namołwu pokazuje, kotraž so was praša: Što ma Firefox z tutej dataju činić? (hlejće deleka), zo byšće móhł akciju wubrać, kotruž Firefox ma wuwjesć. To móže wužitne być, hdyž Firefox tón datajowy typ awtomatisce składuje abo přeco z wěstym nałoženjom wočinja a wy chceće, zo so Firefox praša, štož ma činić.
   • Dataju składować: To składuje přeco dataju na wašim ličaku, hdyž tón datajowy typ sćahujeće. Zo byšće wjace zhonił, hlejće Pytanje a rjadowanje sćehnjenych datajow w Firefox.
   • Standardne nałoženja WindowsmacOSsystema wužiwać: To dataju ze standardnym nałoženjom wočini, kotrež je we wašim dźěłowym systemje skonfigurowane. To so jenož za wobsahowe typy pokazuje, kotrež nastajenje W Firefox wočinić wobsahować (PDF, AVIF, XML, SVG a wobrazowe dataje WebP) a je k dispoziciji, hdyž waš system druhe nałoženje wužiwa, zo by tón datajowy typ po standardźe wočinił.
   • <application name> wužiwać: Wočińće dataju abo wobchadźejće z protokolom z tutym nałoženjom. (Někotre wobsahowe typy, na přikład mailto, irc a ircs, su protokole, žane datajowe tpy.) Nastajenja móža jedne webnałoženje abo wjacore webnałoženja wobsahować, zo bychu z protokolom abo zainstalowanym nałoženjom wobchadźeli.
   • Druhe wužiwać…: To dialog Pomocne nałoženje wubrać wočinja, hdźež móžeće nałoženje wubrać, kotrež chceće wužiwać.
   • Podrobnosće nałoženja…: Jeli su webnałoženja, abo, jeli druhe zainstalowane nałoženja hač systemowe su nalistowane, to dialog wočini, hdźež móžeće městno tych nałoženjow zhonić abo nałoženje jako k dispoziciji stejacu móžnosć wotstronić.
5. Začińće stronu Nastajenja. Wšě změny, kotrež sće přewjedł, budu so awtomatisce składować.

Firefox tak nastajić, zo by so was prašał, štož ma za dataje bjez definowaneho wobsahoweho typa činić

Hdyž na wotkaz klikaće, zo byšće dataju sćahnył a we Firefox njejstej žadyn wobsahowy typ a sćehnjenska akcija za tutón datajowy typ nastajenej, budźe Firefox dataju po standardźe składować. Jeli chceće, zo so was Firefox praša, štož ma z tutymi sćehnjenjemi činić, móžeće do wotrězka Nałoženja deleka pod Što ma Firefox z druhimi datajemi činić? hić a Prašeć so, hač so maja dataje wočinić abo składować wubrać.

Hdyž nastajenje Prašeć so, hač so maja dataje wočinić abo składować wuběraće, budźeće namołwu Što ma Firefox z tutej dataju činić? widźeć (hlejće deleka), hdyž dataju sćahujeće, kotraž definowany wobsahowy typ nima.

Sćehnjenske akcije přidać

Hdyž Prašeć so, hač so maja dataje wočinić abo składować w nastajenjach Firefox pod Nałoženja (hlejće horjeka) wuběraće a dataju z njedefinowanym wobsahowym typom a z njedefinowanej akciju sćahujeće, namołwu Što ma Firefox z tutej dataju činić? widźeć. Hdyž akciju wuběraće a tež nastajenje To awtomatisce za dataje kaž tutu wot nětka činić., so nowy wobsahowy typ a zapisk akcije lisćinje Nałoženja za tón datajowy typ přida. Hlejće wotrězk Namołwa "Što ma Firefox z tutej dataju činić?" deleka za dalše informacije.

Hdyž datajowy typ sćahujeće, kotryž da so ze zainstalowanym nałoženjom wočinić, Firefox takle nastajić, zo by přeco podobne dataje wočinił:

1. Klikńće z prawej tastu myškiDźeržće tastu ctrl stłóčenu, mjeztym zo klikaće na sćehnjeny zapisk we woknje sćehnjenjow. (Móžeće to tež z biblioteki sćehnjenjow činić.)
2. Wubjerće Přeco podobne dataje wočinić z kontekstoweho menija.
   • Tute nastajenje móže w někotrych padach falować, na přikład za wuwjedźomne dataje, abo jeli je websydło dataju z wopačnym wobsahowym typom k dispoziciji stajił (hlejće horjeka).

   

Nastajenje „Podobne dataje přeco wočinić“

Hdyž Přeco podobne dataje wočinić z kontekstoweho menija za sćehnjeny zapisk wuběraće, so dataja w standardnym systemowym nałoženju wočini a nowy zapisk wobsahoweho typa wotrězkej Nałoženja wokna Powšitkowny nastajenjow Firefox přida, ze sćehnjenskej akciju, kotraž je za te nałoženje nastajena. Přichodny raz, hdyž tón datajowy typ sćahujeće kontekstowy meni wočinjeće, je nastajenje Podobne dataje přeco wočinić z hóčku markěrowane.

Jeli hóčku wotstronjeće, so sćehnjenska akcija za tón wobsahowy typ we wotrězku Nałoženja nastajenjow Firefox so do Dataju składować změni. Móžeće pozdźišo druhu akciju w nastajenjach Firefox wubrać (hlejće horjeka), jeli chceće, na přikład Druhe wužiwać…, zo byšće druhe nałoženja wubrał, abo Přeco so prašeć, zo by so was Firefox prašał, štož ma činić, hdyž tón datajowy typ sćahujeće.

Namołwa „Što ma Firefox z tutej dataju činić?“

Jeli akciju za wěsty datajowy typ do Přeco so prašeć stajeće abo jeli Prašeć so, hač so maja dataje wočinić abo składować za druhe dataje wuběraće, kotrež njejsu nalistowane we wotrězku Nałoženja nastajenjow Firefox (akciju za datajowy typ), budźeće namołwu Što ma Firefox z tutej dataju činić? za te sćehnjene dataje widźeć.

• Z Firefox wočinić: Wočinja dataju w Firefox. Tute nastajenje so jenož za te wobsahowe typy pokazuje, kotrež nastajenje W Firefox wočinić we wotrězku Nałoženja nastajenjow Firefox wobsahuja (PDF, AVIF, XML, SVG a wobrazowe dataje WebP).

• Wočinić z: Wočinja dataju w standardnym nałoženju dźěłoweho systema za tón datajowy typ. (Móžeće tež wuběranski meni wužiwać, zo byšće druhe nałoženje wubrał.)
• Dataju składować: Składuje dataju do sćehnjenskeho rjadowaka (podateho wNastajenja Firefox we woknje Powšitkowne pod Sćehnjenja).
• To awtomatisce za dataje kaž tutu wot nětka činić: Stajće hóčku pódla tutoho nastajenja, zo byšće wubranu akciju přeco wužiwał a klikńće potom na W porjadku. Dyrbiće snano Firefox znowa startować, zo by so změna sćehnjenskeje akcije wuskutkowała.

Namołwa „Što ma Firefox z tutej dataju činić?“ nałoženje njepokazuje

Druhdy namołwa Što ma Firefox z tutej dataju činić? standardne nałoženje za někotre datajowe typy njepokazuje, kotrež sćahujeće, hdyž sće Firefox na Prašeć so, hač so maja dataje wočinić abo składować we wotrězku Nałoženja nastajenjow Firefox nastajił. Móžeće na tłóčatko Wubrać…Přepytać… kliknyć, zo byšće nałoženje wubrał, kotrež je na wašim ličaku zainstalowane, zo byšće dataju wočinił.;

Sćehnjenske akcije za wšě wobsahowe typy wróćo stajić

Jeli maće problemy z tym, kak Firefox z datajowymi sćehnjenjemi wobchadźa, kotrež njemóžeće rozrisać, abo jeli prosće chceće znowa započeć, móžeće standardne wobsahowe typy a akcije wobnowić, hdyž Firefox aktualizujeće. Za dalše informacije hlejće Firefox wobnowić - přidatki a nastajenja wróćo stajić.