Aby wšykne nejnowše funkcije wužywał a swóje daty wěste źaržał, jo dobra ideja, na nejnowšu wersiju Firefox za Android aktualizěrowaś. Firefox za Android wam dajo k wěsći, gdy aktualizacija jo pśez Google Play k dispoziciji, ale móžośo teke z pomocu slědujucych kšacow manuelnje pytaś. Pśewjeźćo slědujuce kšace, aby zgónił, kótaru wersiju wužywaśo a kótare móžnosći maśo, aby aktualizěrował, jolic trjeba.

Wašu wersiju Firefox namakaś

1. Pótusniśo menijowy tłocašk.

2. Pótusniśo Nastajenja.
3. Kulniśo dołoj do wótrězka Wó, a pótusniśo Wó Firefox.
   Wersijowy numer se pód logom Firefox zjawijo.

Pśez Google Play aktualizěrowaś

Nejlažčejša móžnosć, Firefox aktualizěrowaś, jo pśez Google Play, how móžośo wiźeś, lěc waša wersija jo zestarjeta a Firefox aktualizěrowaś.

1. Wócyńśo nałoženje Google Play Store na swójom rěźe a pótusniśo meni górjejce nalěwo.
2. Pótusniśo Meine Apps & Spiele, aby swóju lisćinu zainstalěrowanych nałoženjow wiźeł.
   Toś ta lisćina pódawa, kótare nałoženja muse se aktualizěrowaś. Firefox se w lisćinje aktualizacijow zjawijo, jolic aktualizacija jo k dispoziciji.
3. Pótusniśo wótpowědny tłocašk Aktualisieren, aby aktualizěrowanje startował.