Template:aboutmixedcontent

Toś ten nastawk wěcej se njewótwardujo, jogo wopśimjeśe by mógło pótakem zestarjony byś.

Co jo měšane wopśimjeśe?

HTTP jo system za pśenosowanje informacijow wót webserwera do wašogo wobglědowaka. HTTP njejo wěsty, jolic pótakem woglědujośo se k bokoju, kótaryž wobsłužujo se pśez HTTP, waš zwisk njejo šćitany pśed wótsłuchowanim a pósrědnikowymi napadami (engelski Man-in-the-middle attacks). Nejwěcej websedłow wobsłužujo se pśez HTTP, sensibelne daty wóne njewuměnjaju a togodla wěste zwiski njejsu trěbne.

Gaž woglědujośo se k bokoju, kótaryž pśenosujo se dopołnje pśez HTTPS, ako na pśikład bok wašeje banki, buźośo zelene pytko zelene pytko w adresowem pólu wiźeś (glejśo Kak mógu zwěsćiś, lěc mój zwisk z websedłom jo wěsty? za drobnostki). To wóznamjenijo, až waš zwisk awtentificěrujo a koděrujo a se togodla pśed wótsłuchowarjami a pósrědnikowymi nadpadami šćita.

Jolic pak HTTPS-bok, ku kótaremuž se woglědujośo, wopśimujo HTTP-wopśimjeśe, dajo se HTTP-źěl wót napadowarjow cytaś abo změniś, lěcrownož głowny bok pśenosujo se pśez HTTPS. Gaž HTTPS-bok ma HTTP-wopśimjeśe, pomjenijomy to wopśimjeśe “měšane”. Bok, ku kótaremuž se woglědujośo, jo jano pó źělach skoděrowany a lěcrownož zda se wěsty byś, wón to njejo.

Pokaz: Za dalšne informacije wó měšanem wopśimjeśu (aktiwnem a pasiwnem) glejśo toś ten blogowy pśinosk.

Kótare rizika měšane wopśimjeśe ma?

Napadowaŕ móžo HTTP-wopśimjeśe na boku wuměniś, ku kótaremuž se woglědujośo, aby waše pśizjawjeńske daty kšadnuł, wašo konto pśewześ, se sensibelne daty wó was pśiswójś abo wopytowaś, škódne programy na wašom licadle instalěrowaś.

Slědujuce wjelicne luźe su pomogli, toś ten nastawk pisaś:

Illustration of hands

Dobrowólnik

Rosćo a źělśo swóju kompetencu z drugimi. Wótegrońśo na pšašanja a pólěpšćo našu wědowu datowu banku.

Dalšne informacije