Nastajenja wuskokujucych woknow, wuwześa a rozwězowanje problemow

Co su wuskokujuce wokna?

Wuskokujuce wokna su wokna, kótarež pokazuju se awtomatiski, bźez wašeje dowólnosći. Wariěruju pó wjelikosći, ale njezaběraju zwětšego cełu wobrazowku. Někotare wuskokujuce wokna wócynjaju se nad aktualnym woknom Firefox (prědkowe wokna), druge pak pód woknom Firefox (slězynowe wokna).

Firefox wam zmóžnja, prědkowe ako teke slězynowe wuskokujuce wokna w Firefox NastajenjaNastajenjaNastajenja wóźiś. Blokěrowanje wuskokujucych woknow jo pó standarźe zmóžnjone, njetrjebaśo se pótakem wó jogo zmóžnjanje staraś, aby wuskokujuce wokna pśi wócynjanju w Firefox zajśował.

Gaž wuskokujuce wokno se blokěrujo, Firefox zwobraznjujo inforědku (snaźkuli sćo inforědku do togo wušaltował – glejśo dołojce) ako teke symbol popup_icon_fx57 w adresowem pólu.

PopupFx89Fx90Popup-mac

Gaž kliknjośo pak na tłocašk NastajenjaNastajenja w inforědce pak na symbol w adresowem pólu, zwobraznijo se meni ze slědujucymi wuběrańskimi móžnosćami:

Blokěrowanje wuskokujucych woknow móžo problemy z websedłami zawinowaś: Někotare websedła, na pśikład někotare bankowe sedła, wužywaju wuskokujuce wokna za wažne funkcije. Blokěrowanje wšych wuskokujucych woknow znjemóžnja take funkcije. Aby wěstym websedłam wužywanje wuskokujucych woknow zmóžnił a wšykne druge hyšći blokěrował, móžośo lisćinje dowólonych sedłow toś te wěste websedła pśidaś. Blokěrowanje wuskokujucych woknow nic pśecej funkiconěrujo: Lěcrownož Firefox blokěrujo nejwěcej wuskokujucych woknow, mógu někotare websedła wuskokujuce wokna z pomocu wósebnych metodow wócyniś, samo gaby zablokěrowane byli.

Nastajenja blokěrowanja wuskokujucych woknow

Aby pśistup na nastajenja blokěrowanja wuskokujucych woknow měł:

  1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

  2. Wubjeŕśo wokno Priwatnosć a wěstota.
  3. Źiśo k wótrězkoju Pšawa.
    • Znjemóžniśo kašćik pódla Wuskokujuce wokna blokěrowaś, aby blokěrowak wuskokujucych woknow dopołnje znjemóžnił.
    • Klikniśo na tłocašk Wuwześa… napšawo pódla Wuskokujuce wokna blokěrowaś, aby dialogowe pólo wócynił, źož móžośo nastajiś, kótare sedła směju wuskokujuce wokna pokazaś.
    Allowed Websites Pop-ups

Dialog wam slědujuce wuběrańske móžnosći bitujo:

  • Zapódajśo abo zasajźćo adresu websedła a klikniśo na tłocašk Dowóliś, aby jo lisćinje sedłow śidał, kótarež směju wuskokujuce wokna wócyniś
  • Wubjeŕśo websedło z lisćiny a klikniśo na tłocašk Websydło wótwónoźeś, aby jo z lisćiny wuwześow wótwónoźeł.
  • Klikniśo na tłocašk Wšykne websedła wótwónoźeś, aby wšykne websedła z lisćiny wuwześow wótwónoźeł.

Klikniśo na tłocašk Změny składowaś, aby swóje změny nałožył.

Wuskokujuce wokna se njeblokěruju

Pśiźo wuskokujuce wokno z Firefox?

Wuskokujuce wokno njamóžo pópšawem z Firefox pśiś. Móžośo na naglěźe wokna spóznaś, wótkulž wuskokujuce wokno pśiźo.

  • Jolic w adresowem pólu tłocašk Slědowański šćit Fx89ShieldIcon a tłocašk sedłoweje identity Fx89Padlock we wuskokujucem woknje wiźiśo, wuskokujuce wokno z Firefox póchada.
  • Jolic toś tej tłocaška njewiźiśo maśo snaź škódnu software na swójim licadle, kótaraž wuskokujuce wokna zawinujo. Za pomoc glejśo Problemy Firefox rozwězaś, kótarež zawinuju se pśez škódne programy.

Jo blokěrowanje wuskokujucych woknow za toś to sedło zmóžnjone?

  1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

  2. Wubjeŕśo wótrězk Priwatnosć a wěstota a źiśo k wótrězkoju Pšawa.
  3. Pśeznańśo se, lěc kokulka jo w kašćiku pódla Wuskokujuce wokno blokěrowaś.
  4. Klikniśo na tłocašk Wuwześa… napšawo pódla Wuskokujuce wokno blokěrowaś. Dialogowe pólo se wócynijo, z lisćinu sedłow, za kótarež wuskokujuce wokna su dowólone.
  5. Jolic sedło, kótarež wócynja wuskokujuce wokna, se how pódawa, wubjeŕśo jo a klikniśo na Websedło wótwónoźeś.
  6. Klikniśo na Změny składowaś, aby swóje změny aktualizěrował.
  7. Zacyńśo bok about:preferences. Wšykne změny, kótarež sćo pśewjadł, budu se awtomatiski składowaś.

Pokazujo se wuskokujuce wokno pó kliknjenju z myšku abo tłocenju tasty?

Wěste akcije, ako na pśikład kliknjenje abo tłocenje tasty, mógu wuskokujuce wokna wupłoźiś, njeźiwajucy na to, lěc blokěrowanje wuskokujucych woknow jo zmóžnjone abo nic. To jo wótglědane, tak až Firefox njeblokěrujo žedne wuskokujuce wokna, kótarež websedła trjebaju, aby funkcioněrowali.

Jo to napšawdu wuskokujuce wokno?

Wótergi ma wabjenje ako wokna wuglědaś, ale pópšawem to njejsu. Blokěrowanje wuskokujucych woknow Firefox njamóžo toś tomu wabjenjeju zajźowaś.

Napšašowanja Mozilla

Gaž se k websedłoju Mozilla woglědujośo, buźośo wótergi wuskokujuce wokno wiźeś, kótarež wam pšosy, se na napšašowanju wobźěliś. Jadnučke sedło tśeśego póbitowarja, kótarež Mozilla za napšašowanja wužywa, jo Alchemer (něga SurveyGizmo], kótarež Mozilla jo dał pśez swóje teamy za pšawniske nastupnosći a priwatnosć pśeglědowaś. Firefox toś te wuskokujuce wokna njeblokěrujo.

Jo toś ten nastawk wužytny był?

Pšosym cakajśo…

Slědujuce wjelicne luźe su pomogli, toś ten nastawk pisaś:

Illustration of hands

Dobrowólnik

Rosćo a źělśo swóju kompetencu z drugimi. Wótegrońśo na pšašanja a pólěpšćo našu wědowu datowu banku.

Dalšne informacije