Nowe w Thunderbird 38.0

Tutón nastawk so hižo njewothladuje, jeho wobsah móhł tuž zestarjeny być.

Tuta wersija Thunderbird so hižo njepodpěruje. Prošu aktualizujće swoju wersiju Thunderbird, zo byšće najnowše funkcije wužiwał.

Tutón nastawk wopisuje najwažniše změny, kotrež so wužiwarjam w Thunderbird 38.0 pokazuja. Dospołnu lisćinu tutych změnow namakaće na stronje release notes (jendźelsce).

Chat podpěruje Yahoo Messenger

Chat w Thunderbird podpěruje nětko Yahoo Messenger.

Pósłane a archiwowane powěsće filtrować

Móžeće nětko pósłane a archiwowane powěsće filtrować.

Wjacore adresniki přepytować

Móžeće nětko wjacore adresniki přepytować!

Rozšěrjene špalty wobłuka rjadowakow

We wobłuku rjadowakow (lisćina rjadowakow nalěwo) móžeće nětko špaltowy wuběr za rozšěrjene móžnosće (Njepřečitany, Dohromady a Wulkosć) pokazać bjez toho, zo byšće dyrbjał rozšěrjenje Extra Folder Columns wužiwać, kotrež je nětko inkompatibelne. Zo byšće špaltowy wuběr z pomocu tradicionelneje menijoweje lajsty pokazał, wužiwajće Napohlad > Wuhotowanje > Špalty wobłuka rjadowakow. Abo kliknjeće na menijowe tłóčatko New Fx Menu na symbolowej lajsće a wubjerće Nastajenja > Wuhotowanje > Špalty wobłuka rjadowakowNastajenja > Wuhotowanje > Špalty wobłuka rjadowakow.

Google OAuth2

Thunderbird 38 podpěruje nětko protokol OAuth 2.0, kotryž so nětko wot Google za awtentifikaciju wužiwa.

Integrowana protyka

Wot Thunderbird 38 je protykowe rozšěrjenje Lightning w Thunderbird integrowane.

Polěpšenja při pisanju e-mejlkow

Někotre swojoraznosće při pisanju powěsćow su nětko wotstronjene: Pismo so hižo njezhubi, po tym zo sće druhdźe w powěsći kliknył a so potom ke kóncej linki zapodateho teksta wróćeće. Pismo so ani njezhubi, hdyž wobraz z mjezyskłada zasadźeće. Zatwarjena prawopisna kontrola hižo čerwjene podšmórnjenja njezhubi.

Prawopisna kontrola nowych powěsćow se nětko přeco w rěči přewjedźe, kotraž je w Nastroje > Nastajenja > Wobdźěłować > Prawopis > Rěč, abo New Fx Menu Nastajenja > Nastajenja > Wobdźěłować > Prawopis > Rěč, wubrana, a nic w jako poslednja wužitej rěče kaž do toho. Prawopisna rěč je nětko přeco samsna za temu a tekst. Móžeće samo powěsće w rozdźělnych rěčach naraz pisać bjez toho, zo byšće dyrbjał słowniki změnić.

Wužiwanje pismow na Linux

Linux staja systemowe pisma "sans-serif", "serif" a "monospace" k dispoziciji. Tute pismowe mjena su w konflikće z powšitkownymi mjenami pismowych swójbow CSS. Tohodla a kompatibelnosće z druhimi dźěłowymi systemami dla su so tute tři pisma na Linux wotstronili. Wužiwarjo, kotřiž jedne z tutych pismow jako swoje standardne pismo za pisanje powěsćow wubrał, dyrbiće nětko druhe pismo wubrać. Město "sans-serif", "serif" abo "monospace" měli wužiwarjo "Helvetica, Arial", "Times" abo "Courier" (abo "krutu šěrokosć") wubrać.

Tři horjeka naspomnjene systemowe pisma na Linux dadźa so hišće jako standardne zwobraznjenske pisma wužiwać.

Slědowacy wulkotni ludźo su pomhali, tutón nastawk pisać:

Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije