Thunderbird da so konfigurować, zo by bjezposrědnje ze słužbu Google Gmail hromadźe dźěłał. Powěsće so mjez wašej lokalnej wersiju Thunderbird a Gmail, kotryž na webje bazuje, synchronizuja.
Zapis wobsaha
Waše konto Gmail konfigurować
Zo byšće Thunderbird konfigurował, zo by z Gmail hromadźe dźěłał, zmóžńće najprjedy IMAP w swojim konće Gmail. Hlejće Gmail-Nachrichten über andere E-Mail-Clients empfangen za pomoc. (IMAP so w nowych kontach Gmail po standardźe zmóžnja.)
Přepruwujće dwójce, hač tón "Přistup k mjenje wěstym nałoženjam" je zmóžnjeny. Hlejće nastawk Google wo „mjenje wěstych nałoženjach“ za pomoc.
Wubjerće potom . Dialog „Konfigurowanje konta“ so zjewi. Po tym zo sće swoje kontowe informacije (woprawdźite mjeno, e-mejlowu adresu a hesło) zapodał, Thunderbird waš zwisk Gmail awtomatisce konfiguruje. Klikńće na , přizjewće so pola swojeho konta Google, jeli namołwu dóstawaće a to je wšitko! Thunderbird waše eksistowace powěsće sćehnje a waš Gmail budźe hotowy za wužiwanje.
Za podrobniše informacije čitajće prošu:
- Awtomatiska kontowa konfiguracija
- Gmail-Nachrichten über andere E-Mail-Clients empfangenl
- E-Mail-Clients (POP/IMAP)
Wosebitosće Gmail
Powěsće archiwować
Zo by ze zadźerženjom Gmail konsistentny był, archiwuje Thunderbird wašu powěsć w rjadowaku „Alle Nachrichten“ a nic w rjadowaku "Archiw" kaž wón za druhe konta čini (hlejće nastawk Archived Messages).
Dźiwajće na to, zo tłóčatko so za konta Gmail znjemóžnja, dokelž w tutym padźe trjeba njeje, někajke nastajenja postajić.
Rjadowaki abonować a powěsće synchronizować
Gmail-Labels a rjadowaki Thunderbird rozumić
Gmail wosebitu implementaciju IMAP wužiwa. W tutej implementaciji budu Gmail-Labels rjadowaki Thunderbird. Hdyž label na powěsć we Gmail nałožujeće, Thunderbird rjadowak z mjenom labela załoži a składuje powěsć w tym rjadowaku. Podobnje, jeli powěsć do rjadowaka w Thunderbird přesunjeće, Gmail label z mjenom rjadowaka wutwori a jón powěsći připokaza.
W slědowacym přikładźe rjadowaki, kotrež su na samsnej runinje kaž rjadowak „[Gmail]“ („g+“, „Wosobinski“, „Dokłady“, „Pućowanje“ a „Dźěło“) labelam Gmail wotpowěduja.
Je tež sadźba wosebitych podrjadowakow za rjadowak „[Gmail]“:
- Alle Nachrichten: wobsahuje wšě powěsće we wašim konće Gmail, mjez nimi pósłane a archiwowane powěsće. Powěsće, kotrež w dochadźe pósta widźiće, so w rjadowaku [Gmail]/Alle Nachrichten zjewja.
- Entwürfe: wobsahuje naćiskowe powěsće.
- Gesendet: wobsahuje pósłane powěsće.
- Spam: wobsahuje powěsće, kotrež su so jako spam markěrowali (pak přez Gmail pak přez Thunderbird).
- Markiert: wobsahuje powěsće, kotrež su so z hwěžku markěrowali (pak přez Gmail pak přez Thunderbird).
- Papierkorb: wobsahuje zhašane powěsće.
- Wichtig: wobsahuje powěsće, kotrež je Gmail jako „wichtig“ woznamjenił. (Hlejće E-Mails mit dem sortierten Eingang von Gmail organisieren za dalše podrobnosće wo tutej funkciji Gmail.)
Rjadowaki abonować abo wotskazać (Labels)
Móžeće konfigurować, kotre rjadowaki Gmail maja so w Thunderbird pokazać. Po standardźe so wšě rjadowaki Gmail pokazuja, kaž horjeka wopisane. Zo byšće pokazowanje rjadowakow konfigurował, klikńće z prawej tastu na kontowe mjeno a wubjerće .
Znjemóžńce rjadowaki, kotrež so nimaja w Thunderbird pokazać. Powěsće so hišće sćahuja a su w rjadowaku „Alle Nachrichten“ k dispoziciji. Budu so tež do pytanskich wuslědkow zapřijimać. Label Gmail (rjadowak Thunderbird) wšak so njepokaza.
Rjadowaki synchronizować (Labels)
Jeli chceće wšě Gmail-labels a powěsće w Thunderbird widźeć, ale radšo wobeńć, zo so wšě powěsće na wašim systemje sćahuja, chceće snano synchronizaciske nastajenja přiměrić. To wam zmóžnja postajić, kotry rjadowak ma so synchronizować. Jeli rjadowak njesynchronizujeće, budźe so hišće hłowa powěsće w Thunderbird pokazować, ale wobsah powěsće so jenož sćehnje, hdyž na hłowu powěsće klikaće.
Zo byšće změnił, kak so powěsće sćahuja, postajće synchronizaciske nastajenja za konto a za jednotliwe rjadowaki. () Hlejće IMAP-synchronizacija za dalše informacije.
Wužitne přidatki
- Jeli chceće swoje kontakty mjez Thunderbird a Gmail synchronizować, wy měł pak přidatk Google Contacts abo přidatk gContactSync wupruwować.
- Jeli chceće swoju protyku mjez Lightning a Google Calendar synchronizować, wy měł Using Lightning with Google Calendar čitać.
- Flat Folder Tree je wužitny, zo by wšě podrjadowaki rjadowaka IMAP [Gmail] na rozdźěl wot druhich rjadowakow na samsnej runinje pokazał.
- Gmail Buttons wosnadnja přesunjenje powěsćow do rjadowakow Papierkorb a Spam. Betawersija tež wšě Gmail-labels za kóždu powěsć pokazuje.
