Kur një përdorues i Firefox Hello-së ju dërgon një ftesë, mund t’i përgjigjeni nga çfarëdo shfletuesi që mbulon teknologjinë WebRTC, të tillë si Firefox, Chrome ose Opera, pa u dashur të krijoni një llogari.

Ka dy lloje ftesash, në varësi të versionit të Firefox-it që përdor partneri i bisedës suaj. Ndiqni udhëzimet e duhura që të lidheni pa humbur kohë me të!

Përgjigjiuni një ftese për thirrje

1. Klikoni mbi lidhjen te ftesa juaj.
2. Klikoni mbi Filloni që të nisni një bisedë me video ose zgjidhni mundësinë Bisedë me Zë, nëse s’keni kamerë web, ose parapëlqeni të mos e përdorni:

   

3. Kur shoku juaj e pranon thirrjen, do të jeni në gjendje të shihni dhe dëgjoni njëri-tjetri.
4. Përdorni kontrollet e privatësisë që të mbyllni mikrofonin ose kamerën, sipas nevojave.
5. Për ta mbyllur bisedën, klikoni butonin Dilni.

Hyni në një bisedë

1. Klikoni mbi ftesën që të hapni dritaren e bisedës.
2. Klikoni mbi Hyni në bisedë dhe përgjigjiuni kërkesës për ndarje me të tjerët të mikrofonit dhe kamerës suaj (nëse parapëlqeni).

   

3. Përdorni kontrollet e privatësisë, në fund të dritares, për të mbyllur mikrofonin ose videon gjatë bisedës.

   

4. Për ta mbyllur bisedën, klikoni mbi butonin Dilni.