Posledni raz zaktualizowany:
Započinajo z wersiju Firefox 135 so kontrolny kašćik „Njeslědować“ wotstroni. Wjele sydłow tute podaće nastajenjow priwatnosće wosoby njerespektuje, a w někajkich padach to móže priwatnosć redukować.
Jeli chceće websydła prosyć, swoju priwatnosć respektować, móžeće nastajenje „Websydłam zdźělić, zo nimaja moje daty předać abo dźělić“ wužiwać. Tute nastajenje na Global Privacy Control (GPC) bazuje. GPC so přez přiběracu ličbu sydłow respektuje a je so w někajkich regionach přez zakón přesadźił. Zo byšće wo tym wjace zhonił, čitajće prošu Global Privacy Control.Firefox wam zmóžnja, websydłam zdźělić, zo nochceće , zo wone wašemu zadźerženju přehladowanja slěduja. Tutón nastawk wujasnja, štož slědowanje je a kak móžeće funkciju Njeslědować zmóžnić.
- Hlejće Tips to protect your online privacy za druhe móžnosće, zo byšće swoje přehladowanje priwatne dźeržał.
Slědowanje
Najwjace wjetšich websydłow slěduje zadźerženje swojich wopytowarjow a předawa abo dale dawa te informacije druhim předewzaćam. Tute informacije dadźa so wužiwać, zo bychu wam wabjenje, produkty abo słužby pokazali, kotrež su specielnje na was přitřihane. Firefox ma funkciju Njeslědować, kotraž wam zmóžnja, kóždemu websydłu, kotrež wopytujeće, jich wabjerjam a druhim wobsahowym poskićowarjam zdźělić, zo nimaja waše přehladowanske zadźerženje slědować.
Wobkedźbowanje tutoho nastajenja je dobrowólne — websydła njetrjebaja so po nim měć. Websydła, kotrež tute nastajenje wobkedźbuja, měli slědowanje wašeho zadźerženja awtomatisce skónčić, bjez toho, zo wy hišće dyrbjał něšto činić. Hdyž tutu funkciju zmóžnjeće, njewjedźe to k tomu, zo njemóžeće so pola websydłow přizjewić abo zo Firefox waše priwatne daty zabudźe, na přikład wobsah nakupowanskeho košika, adresowe daty abo přizjewjenske informacije.
Funkciju Njeslědować zmóžnić
Funkcija Njeslědować je po standardźe znjemóžnjena, nimo w priwatnych woknach, hdźež je přeco po standardźe zmóžnjena. Zo byšće Njeslědować přeco wužiwał:
- Klikńće w menijowej lajsće horjeka na wobrazowce na a wubjerće , (na staršich wersijach macOS ).Klikńće na menijowe tłóčatko
a wubjerće .
- Wubjerće wokno .
- To k wotrězkej Polěpšeny slědowanski škit nastajenjow priwatnosće wašeho wobhladowaka wjedźe.
- Wubjerće Přeco pod Websydłam signal “Njeslědować” pósłać, zo nochceće, zo wone was slěduja.
- Začińće stronu . Wšě změny, kotrež sće přewjedł, budu so awtomatisce składować.
- Klikńće w menijowej lajsće horjeka na wobrazowce na a wubjerće , (na staršich wersijach macOS ).Klikńće na menijowe tłóčatko a wubjerće .
- Wubjerće wokno .
- Markěrujće pod Nastajenja priwatnosće websydła kontrolny kašćik pódla .
- Začińće stronu . Wšě změny, kotrež sće přewjedł, budu so awtomatisce składować.
Zo byšće wjace wo tym zhonił, kak Firefox was před přesćěhowakami w priwatnych woknach škita, hlejće SmartBlock for Enhanced Tracking Protection.
