Strona noweho rajtarka Firefox zwjazanja (sydła, kotrež husto wopytujeće), woblubowane nastawki na Pocket a waše njedawno wopytane abo jako zapołožki składowane sydła. Móžeće tutón wobsah přiměrić, hdyž slědowacym instrukcijam slědujeće.

Kachlički, kotrež so we wotrězkach Zwjazanja (najhusćišo wopytane sydła), Wot Pocket doporučeny a Najnowša aktiwita (sydła, kotrež su so njedawno wopytali abo jako zapołožku składowali) strony noweho rajtarki pokazuja, so na zakładźe přehladowanskeho zadźerženja měnjeja, ale móžeće zwjazanja připjeć abo tute kachlički wotstronić.

Waše zwjazanja přiměrić

Waše zwjazanja su sydła, kotrež husto wopytujeće a sydła, kotrež chceće za lóši přistup připjeć. Tute sydła so tež zjewja, hdyž do adresoweho pola klikaće, zo byšće pytanje započał.

1. Pohibujće pokazowak myški nad zwjazanje.

   

2. Klikńće na třidypkowy meni, kotryž so horjeka naprawo na zwjazanju jewi.
3. Wubjerće tam, hač chceće zwjazanje připjeć, wobdźěłać abo zaćisnyć (wotstronić).

Zwjazanje přidać

Jeli prózdnu kachličku maće:

1. Pohibujće pokazowak myški nad prózdnu kachličku a klikńće na Tute sydło wobdźěłać (pisakowy symbol).

   

2. Zapodajće titul a URL (webadresu) za sydło a klikńće na Přidać.
3. Kachlička ze symbolom sydła so we wašich zwjazanjach zjewi.

Jeli prózdnu kachličku nimaće: Móžeće eksistowce zwjazanje wobdźěłać, zo byšće nowy titul a URL pokazał.

1. Pohibujće pokazowak myški nad eksistowace zwjazanje, kotrež hižo njetrjebaće.
2. Klikńće na třidypkowy meni, kotryž so horjeka naprawo w zwjazanju jewi a wubjerće Wobdźěłać.

   

3. Zapodajće nowy titul a URL w dialogu Zwjazanje wobdźěłać, kotryž so wočinja a klikńće na Składować.

Zwjazanje připjeć, wotpjeć abo wotstronić

Zwjazanje připjeć:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Připjeć.
3. Symbol připinawki so na wašim připjatym zwjazanju pokaza.

   

Zwjazanje wotpjeć:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Wotpjeć.

Zwjazanje wotstronić:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Zaćisnyć.

Zwjazanja přerjadować

Klikńće a dźeržće kachličku a ćehńće ju do druheho městna.

Wjace abo mjenje zwjazanjow pokazać

1. Klikńće na swojej stronje noweho rajtarka na tłóčatko Personalizować.
2. Wubjerće we wotrězku Zwjazanja z wuběranskeho menija ličbu linkow zwjazanjow, kotrež chceće widźeć.

   

Wot Pocket doporučeny

Pocket nětko k Mozilla słuša a skići najlěpše stawiznički wo webje za wašu stronu noweho rajtarka. Wottud móžeće nastawki składować, je wotstronić abo je w nowym rajtarku wočinić. Klikńće na kategorije, kotrež so na stronje noweho rajtarka pokazuja a móžeće samo stawiznički wuslědźić.

Stawizničku Pocket składować abo jako zapołožku składować

1. Pohibujće kursor myški, doniž so meni (tři dypki) njezjewi.

   

2. Klikńće na meni a wubjerće jedyn ze slědowaceju akcijow:
   • Zapołožki składować: Dajće swojej zapołožce mjeno a znački.
   • Do Pocket składować: Registrujće so za darmotne konto Pocket abo přizjewće so, jeli maće eksistowace konto.
3. Klikńće na Dokónčene, hdyž sće hotowy.

Stronu w nowym woknje wočinić

Chceće sej nastawk nětko wobhladać? Móžeće jón w nowym woknje wočinić.

1. Pohibujće kursor myški, doniž so meni (tři dypki) njezjewi.

   

2. Klikńće na W nowym woknje wočinić abo W nowym priwatnym woknje wočinić, jeli nochceće jón w swojej přehladowanskej historiji składować.

Doporučeny nastawk wotstronić

1. Pohibujće kursor myški, doniž so meni (tři dypki) njezjewi.

   

2. Klikńće na meni a potom na Zaćisnyć, zo byšće jón ze swojich doporučenjow Pocket wotstronił.

Najnowša aktiwita

Wotrězk Najnowša aktiwita sydła pokazuje, kotrež sće njedawno wopytał, jako zapołožku składował abo do Pocket składował. Firefox budźe w kóždej kachličce symbol Pocket, hwěžku zapołožki abo časnikowy symbol njedawneho wopyta pokazować.

Sydło z wotrězka Najnowša aktiwita składować abo jako zapołožku składować

1. Pohibujće kursor myški, doniž so meni (tři dypki) njezjewi.

   

2. Klikńće na meni a wubjerće jednu ze slědowaceju móžnosćow:
   • Jako zapołožku składować: Dóstanjeće namołwu, mjeno a znački za swoju zapołožku zapodać. Klikńće na Składować, hdyž sće hotowy.
   • Do Pocket składować: Jeli přizjewjeny njejsće, dóstanjeće namołwu, so za darmotne konto Pocket registrować abo so přizjewić, jeli hižo konto maće. Hdyž sće přizjewjeny, so sydła hnydom do Pocket składuja.
3. Klikńće na Dokónčeny, hdyž sće hotowy.

Sydło z wotrězka Najnowša aktiwita w nowym woknje wočinić

1. Pohibujće kursor myški, doniž so meni (tři dypki) njezjewi.

   

2. Klikńće na W nowym woknje wočinić abo W nowym priwatnym woknje wočinić, jeli nochceće, zo so sydło we wašej přehladowanskej historiji składuje.

Sydło z wotrězka Najnowša aktiwita wotstronić

1. Pohibujće kursor myški, doniž so meni (tři dypki) njezjewi.

   

2. Klikńće na meni a potom na Zaćisnyć, zo byšće jo z wotrězka Najnowša aktiwita wotstronił.
   Móžeće tež na Z historije zhašeć kliknyć, zo byšće wuzběhnjene strony ze swojeje přehladowanskeje historije wotstronił.