Wutworjeny:
2 njedźeli, 5 dnjow ago
Hdyž zjednorjeny instalaciski program Firefox online wužiwaće, kaž so w nastawku Firefox na Windows sćahnyć a instalować wopisuje, njemóžeće změny na instalaciji přewjesć, na přikład programowy rjadowak, hdźež so ma Firefox instalować. Tutón nastawk wujasnja, kak móžeće swoju instalaciju Firefox z dospołnym instalaciskim programom offline přiměrić.
Zapis wobsaha
Firefox za swójsku instalaciju sćahnyć
Móžeće instalacisku dataju Firefox w swojej rěči z tuteje sćehnjenskeje strony Firefox sćahnyć.
Firefox ze swójskimi nastajenjemi instalować
Hdyž instalacisku dataju Firefox wuwjedźeće, so instalaciski asistent Mozilla Firefox wočini.
Po kliknjenju na móžeće standardnu abo swójsku instalaciju wubrać. Standardna instalacija so po standardźe wuběra.
Swójska instalacija wam zmóžnja, rjadowak wubrać, hdźež so maja programowe dataje instalować a kotre zwjazanja maja so wutworić. Tute nastajenja w standardnej instalaciji k dispoziciji njejsu. Wubjerće instalaciski typ Swójski a klikńće na .
Wubrać, hdźež so ma Firefox instalować
W přichodnym kroku móžeće městno wubrać, hdźež so ma Firefox instalować.
C:\Program Files\Mozilla Firefox\ je stamdardna rjadowakowa šćežka na 32-bitowym Windows. Je tež standardne městno na 64-bitowym Windows, hdyž 64-bitowa wersija Firefox je instalowana.
Hdyž 32-bitowa wersija Firefox je na 64-bitowym Windows instalowana, je C:\Program Files (x86)\Mozilla Firefox\ standardna rjadowakowa šćežka.
Móžeće rjadowak změnić, hdźež so ma Firefox instalować; pak zapodawaće městno druheho rjadowaka na swojim ličaku pak móžeće na kliknyć, zo byšće rjadowak wubrał.
- Trěbny rum: Wulkosć ruma na wašej krutej tačeli, kotryž je trěbny za instalaciju Firefox.
- Rum k dispoziciji: Wulkosć ruma, kotryž je na wašej krutej tačeli k dispoziciji.
Klikńće na , zo byšće pokročował.
Opcionalne komponenty wubrać
W přichodnej wobrazowce móžeće wubrać, hač so ma opcionalna wothladowanska słužba Mozilla instalować, kotraž aktualizacije nałoženja zmóžnja, kotrež so w pozadku wotměwaja, bjeztoho zo byšće dyrbjał na w dialogu wodźenja wužiwarskich kontow Windows (UAC) kliknyć. Za dalše informacije hlejće Što je wothladowanska słužba (Maintenance Service) Mozilla?.
Zwjazanja wubrać
- Na desktopje: Móžeće symbol zwjazanja Firefox na desktopje załožić.
- W rjadowaku „Programme“ startoweho menija: To symbol zwjazanja Firefox w rjadowaku „Programme“ w startowym meniju Windows załoži.
Po tym zo sće rozsudźił, kotre programowe zwjazanja Firefox maja so załožić, klikńće na .
Zjeće
Zjeće, kotrež jako přichodne sćěhuje, městno rjadowaka pokazuje, hdźež so Firefox instaluje.
Markěrujće Firefox jako mój standardny webwobhladowak wužiwać, jeli chceće, zo Firefox startuje, hdyž wotkaz w swojim e-mejlowym nałoženju, internetne zwjazanje abo dokument HTML wočinjeće. Tuta móžnosć budźe falować, jeli nimaće prawo registrowe kluče Windows stajić abo jeli Firefox nad eksistowacej wersiji instalujeće a Firefox je hižo standardny wobhladowak. Za dalše informacije hlejće Firefox jako standardny wobhladowak postajić.
Jeli Firefox nad eksistowacej wersiji znowa instalujeće, budźeće tłóčatko město tłóčatka widźeć. Klikńće na abo , zo byšće instalaciju dokónčił. Hdyž instalacija Firefox je dokónčena, so wobrazowka Instalaciski asistent Mozilla Firefox so kónči zjewi.
Klikńće na . To budźe Firefox startować, chibazo prózdniće kontrolny kašćik Firefox nětko startować.
Zbožopřeće, sće Firefox instalował!
