Warnowanje Njereagěrujucy skript - což wóznamjenijo a což móžośo pśeśiwo tomu cyniś

Wersijowe informacije
  • Wersijowy ID: 111031
  • Napórany:
  • Awtor: milupo
  • Komentar: complete
  • Pśeglědany: Jo
  • Pśeglědany:
  • Pśeglědany wót: milupo
  • Jo pśizwólony? Jo
  • Jo to aktualna wersija? Ně
  • Gótowy za pśełožowanje: Ně
Žrědłowy kod wersije
Wopśimjeśe wersije

Firefox pokazujo wam snaź powěźeńku „Warnowanje: Njereagěrujucy skript“, kótaryž groni: „Skript na toś tom boku snaź źěła abo wěcej njewótegranja. Móžośo skript něnto zastajiś abo z nim pókšačowaś, aby wiźeł, lěc skript se skóńcyjo.“ Toś ten nastawk wopisujo, cogoždla toś ta zmólka by mógła nastaś a wobjadna móžne napšawdne a nuzowe rozwězanja.

Toś ta zmólka dajo wam k wěsći, až Firefox se mysli, až skript zgubujo kontrolu a to by mógło k tomu wjasć, až Firefox wisy, jolic njecyniśo nic. Skript by mógał na webboku byś, na kótaruž maśo rowno pśistup, w rozšyrjenju, kótarež sćo zainstalěrował abo samo w Firefox samem.

Webroot Spy Sweeper

Webroot Spy Sweeper móžo toś ten problem zawinowaś. Jolic znjemóžnjaśo funkciju pśeslědujucych cookiejow Spy Sweeper (abo Spy Sweeper scełego) móžo se toś ten problem rozwězaś.

Běžny cas skripta pówušyś

Jolic wiźiśo, až pokazujo se ten samski dialog pśi kliknjenju na tłocašk Pókšacowaś znowego, njebuźo wam pomagaś, běžny cas pówušyś. Pśez to buźo Firefox dlej wisaś. Jolic pak móžośo pó kliknjenju na Pókšacowaś Firefox normalnje wužywaś, ga skript trjeba snaź pśidatny wuwjeźeński cas.

Aby Firefox k wěsći dał, až ma skript dlej běžaś daś:

  1. Zapódajśo about:config do adresowego póla a tłocćo ↩↩.
    Warnowański bok se snaź zjawijo. Klikniśo na Akceptěrujom riziko!Riziko akceptěrowaś a pókšacowaś, aby k bokoju about:config šeł.
  2. Pytajśo na boku about:config za nastajenim dom.max_script_run_time, a klikniśo dwójcy na njo.
  3. Zapódajśo 20 do zapódawańskego póla Zapódajśo gódnotu integer.
  4. Klikniśo na W pórěźe.

Dokulaž skripty směju něnto dlej běžaś, snaź njedostanjośo wěcej toś to warnowanje.

Jolic njedostanjośo wěcej toś to warnowanje (abo jolic cośo jo zasej wiźeś), stajśo toś to nastajenje na standardnu gódnotu slědk.

  1. Zapódajśo about:config do adresowego póla a tłocćo ↩↩.
    Warnowański bok se snaź zjawijo. Klikniśo na Akceptěrujom riziko!Riziko akceptěrowaś a pókšacowaś, aby k bokoju about:config šeł.
  2. Pytajśo na boku about:config za nastajenim dom.max_script_run_time.
  3. Klikniśo z pšaweju tastuŹaržćo tastu Strg tłoconu, mjaztym až kliknjośo na njo a wubjeŕśo Slědk stajiś.

Zmólka nastawa z wěstymi websedłami

Jolic toś ta zmólka nastawa jano z wěstymi websedłami, móžośo wuwjeźenje skriptow na tom websedle blokěrowaś. Wjele sedłow hyšći funkcioněrujo, gaž skripty su znjemóžnjone.

  1. Instalěrujśo rozšyrjenje YesScript a startujśo Firefox znowego.
  2. Wócyńśo wokno Firefox. Klikniśo na meni Rědyna menijowej rědce a wubjeŕśo Dodanki.
  3. Klikniśo w pokazujucem se dialogu na zapisk YesScript.
  4. Klikniśo na NastajenjaNastajenja.
  5. Zapódajśo w dialogu Carna lisćina YesScript URL sedła, kótarež gótujo wam problemy, do tekstowego póla.
  6. Klikniśo na Pśidaś. Mě domeny sedła pśidajo se lisćinje.

Něnto, dokulaž wuwjeźenje skriptow zawoborujo se problematiskemu sedłoju, njepokazuju se wěcej warnowanja wó njereagěrujucych skriptach na toś tom sedle.

Druge zawiny

Rozšyrjenje by mógło toś ten problem zawinowaś. Glejśo Problemy z rozšyrjenjami, drastwami a hardwarowym póspěšenim rozwězaś.




Bazěrujo na informacijach z nastawka Unresponsive Script Warning (mozillaZine KB)