Firefox pokazujo wam snaź powěźeńku „Warnowanje: Njereagěrujucy skript“, kótaryž groni: „Skript na toś tom boku snaź źěła abo wěcej njewótegranja. Móžośo skript něnto zastajiś abo z nim pókšačowaś, aby wiźeł, lěc skript se skóńcyjo.“ Toś ten nastawk wopisujo, cogoždla toś ta zmólka by mógła nastaś a wobjadna móžne napšawdne a nuzowe rozwězanja.

Toś ta zmólka dajo wam k wěsći, až Firefox se mysli, až skript zgubujo kontrolu a to by mógło k tomu wjasć, až Firefox wisy, jolic njecyniśo nic. Skript by mógał na webboku byś, na kótaruž maśo rowno pśistup, w rozšyrjenju, kótarež sćo zainstalěrował abo samo w Firefox samem.

Běžny cas skripta pówušyś

Jolic wiźiśo, až pokazujo se ten samski dialog pśi kliknjenju na tłocašk Pókšacowaś znowego, njebuźo wam pomagaś, běžny cas pówušyś. Pśez to buźo Firefox dlej wisaś. Jolic pak móžośo pó kliknjenju na Pókšacowaś Firefox normalnje wužywaś, ga skript trjeba snaź pśidatny wuwjeźeński cas.

Aby Firefox k wěsći dał, až ma skript dlej běžaś daś:

1. Zapódajśo about:config do adresowego póla a tłocćo ↩↩.
   Warnowański bok se snaź zjawijo. Klikniśo na Akceptěrujom riziko!Riziko akceptěrowaś a pókšacowaś, aby k bokoju about:config šeł.
2. Pytajś na boku about:config za nastajenim dom.max_script_run_time.
3. Klikniśo na tłocašk Wobźěłaś a zapódajśo 20.
4. Klikniśo na kontrolny kašćik , aby nastajenje składował.

Dokulaž skripty směju něnto dlej běžaś, snaź njedostanjośo wěcej toś to warnowanje.

Jolic njedostanjośo wěcej toś to warnowanje (abo jolic cośo jo zasej wiźeś), stajśo toś to nastajenje na standardnu gódnotu slědk.

1. Zapódajśo about:config do adresowego póla a tłocćo ↩↩.
   Warnowański bok se snaź zjawijo. Klikniśo na Akceptěrujom riziko!Riziko akceptěrowaś a pókšacowaś, aby k bokoju about:config šeł.
2. Pytajśo na boku about:config za nastajenim dom.max_script_run_time.
3. Klikniśo na tłocašk Slědk stajiś .

Zmólka nastawa z wěstymi websedłami

Jolic toś ta zmólka nastawa jano z wěstymi websedłami, móžośo wuwjeźenje skriptow na tom websedle blokěrowaś. Wjele sedłow hyšći funkcioněrujo, gaž skripty su znjemóžnjone.

1. Instalěrujśo rozšyrjenje JavaScript Toggle On and Off.
2. Klikniśo na menijowy tłocašk pótom na Dodanki a drastwy a wubjeŕśo Rozšyrjenja.
3. Pytajśo zapisk JavaScript Toggle On and Off a klikniśo na tłocašk NastajenjaNastajenja.
4. Kulniśo dołoj k tekstowego póla Carna lisćina a zapódajśo URL sedła, kótarež wam problemy gótujo.
5. Klikniśo na Składowaś. Mě domeny sedła pśidajo se lisćinje.

Něnto, dokulaž wuwjeźenje skriptow zawoborujo se problematiskemu sedłoju, njepokazuju se wěcej warnowanja wó njereagěrujucych skriptach na toś tom sedle.

Druge zawiny

Rozšyrjenje by mógło toś ten problem zawinowaś. Glejśo Problemy z rozšyrjenjami, drastwami a hardwarowym póspěšenim rozwězaś.

Bazěrujo na informacijach z nastawka Unresponsive Script Warning (mozillaZine KB)