Tłocašk Zabyś - wašu historiju malsnje lašowaś

Firefox dajo wam hyšći wěcej kontrole nad wašeju priwatnosću. Nowa wersija Firefox ma tłocašk Zabyś, kótaryž wašu pśeglědowańsku historiju za wěsty casowy wobłuk lašujo bźez togo, aby se zbytka wašych datow dotyknuło.

Móžośo tłocašk na slědujucy nałog k dispoziciji stajiś:

1. Pśidajśo nejpjerwjej swójej symbolowej rědce tłocašk Zabyś. Musyśo toś ten kšac jano jaden raz pśewjasć!
   • Klikniśo na menijowy tłocašk Wobraz "new fx menu" njeeksistěrujo..
   • Klikniśo na wótkaz Pśiměriś dołojce w menijowem woknje

.

1. • Śěgniśo tłocašk Zabyś z wokna Pśidatne rědy a funkcije do swójeje symboloweje rědki a klikniśo pótom na Pśiměrjenje skóńcyś.
2. Gaž sćo gótowy, swóju nejnowšu historiju lašowaś, klikniśo na tłocašk „Zabyś“ na swójej symbolowej rědce.
3. Wubjeŕśo casowy wobłuk, kótaryž wy by rady zabył (pěś minutow, dwě góźinje abo 24 góźinow) a klikniśo na cerwjeny tłocašk Zabydni!. Wažny: Gaž sćo na toś ten tłocašk kliknuł, se wubrane informacije na pśecej wulašuju a njedaju se wótnowiś.

   

4. Firefox pótom historiju a cookieje pódanego casowego wobłuka wulašujo, zacynijo waše wócynjone rejtarki a buźo nowe, prozne wokno startowaś.