Priwatny modus Firefox zmóžnja wam pśeglědowanje pśez web na wašom iPhone abo iPad bźez togo, aby wašu historiju składował. Wócyńśo tak wjele priwatnych rejtarikow ako cośo a pśešaltujśo lažko mjazy priwatnym modusom a normalnym pśeglědowanim.
Zapis wopśimjeśa
Wó priwatnem modusu
Priwatny modus njeskładujo historiju, cookieje, gronidła, sedłowe nastajenja abo nachylne internetne dataje. Wobchowajo cytańske znamjenja, kótarež sćo składł w priwatnem modusu.
Priwatny modus wužywaś
Aby priwatny modus wužywał, wócyńśo jadnorje priwatny rejtarik ze slědujucymi kšacami:
Pótusniśo rejtarikowy symbol dołojce na wobrazowce.
- Pótusniśo maskowy tłocašk górjejce w srjejźi na wobrazowce, aby do priwatnego modusa pśejšeł.
- Pótusniśo plusowy znamje dołojce na wobrazowce, aby nowy priwatny rejtarik wócynił.
Gaž priwatny modus wužiwaśo, změjo rejtarikowy symbol dołojce na wobrazowce purpurnu masku. Mimo togo se pytańske pólo purpurne wuzwignjo. Toś tej stej wužytnej znamjeni, kótarejž wam k wěsći dajotej, lěc sćo w priwatnem modusu abo nic.
Rejtariki:
Pytańske pólo:
Wócynjone priwatne rejtariki se woglědaś
Aby se lisćinu swójich wócynjonych priwatnych rejtarikow woglědował:
Pótusniśo rejtarikowy symbol dołojce na wobrazowce.
- Jeli hyšći njejsćo w priwatnem modusu, pótusniśo maskowy tłocašk górjejce w srjejźi na wobrazowce, aby do priwatnego modusa pśešaltował
- Buźośo lisćinu wócynjonych priwatnych rejtarikow wiźeś.
- Pótusniśo rejtarik, aby se bok woglědował abo pótusniśo symbol x, aby rejtarik zacynił. Rejtariki wóstanu wócynjone, daniž njepótusnijośo symbol x, aby je zacynił.
Priwatny modus spušćiś
Aby se k normalnemu modusoju wrośił, pótusniśo zasej carnu masku górjejce w srjejźi na wobrazowce.
