Wjele e-mailowych serwerow njeakceptěrujo powěsći z wjelikimi datajowymi pśidankami. Wobgranicowanje datajoweje wjelikosći wariěrujo pó konfiguraciji e-mailowego serwera. Samo gaby mógał powěsć z wjelikim pśidankom słaś, dostawajucy e-mailowy serwer by mógał powěsć z wjelikim pśidankom wótpokazaś. Thunderbird njama na to žeden wliw.

Funkcija Filelink Thunderbird eliminěrujo toś ten problem pśez to, až staja pódpěru za składowańske słužby online k dispoziciji. Zmóžnja wam, pśidanki k składowańskej słužbje online nagraś a wuměnja pśidanki w powěsći pśez wótkaz. Dostawaŕ powěsći kliknjo na wótkaz, aby pśidank ześěgnuł. Ako pśidatny wužytk sćelu a dostawaju se wjelike dataje wó wjele malsnjej, a wój z dostawarjom žaritej rum na plaśe.

Móžośo teke Filelink Thunderbird pśidatnje k regularnym pśidankam wužywaś. Móžośo na pśikład małe dataje direktnje k powěsći pśidaś a Filelink za wjelike pśidanki w tej samskej powěsći wužywaś.

Slědujuce instrukcije pokazuju, kak móžośo Filelink ze składowańskim póbitowarjom online WeTransfer wužywaś, kótaryž jo w Thunderbird wopśimjony, dokulaž mamy dojadnanje z nim wó integrěrowanju jich słužbow. Zgromaźeństwo Thunderbird jo teke rěd dodankow Filelink za druge póbitowarje k dispoziciji stajił.

Filelink pśidaś

Jolic cośo z funkciju Filelink zachopiś, buźo póbitowaŕ Filelink WeTransfer, kótaryž jo w Thunderbird integrěrowany, nejpśigódnjejša móžnosć byś. Pomina se jano jadnučke kliknjenje, aby se WeTransfer we wašych nastajenjachnastajenjach zmóžnił. Za někotare póbitowarje składa online musyśo nejpjerwjej nowe konto załožyś abo eksistěrujuce konto z nimi konfigurěrowaś.

1. Klikniśo górjejce we woknje Thunderbird na meni Rědy a wubjeŕśo NastajenjaKlikniśo w menijowej rědce na meni Thunderbird a wubjeŕśo NastajenjaKlikniśo górjejce we woknje Thunderbird na meni Wobźěłaś a wubjeŕśo Nastajenja, abo klikniśo na menijowy tłocašk Wobraz "fx57menu" njeeksistěrujo. a wubjeŕśo NastajenjaNastajenja.
2. Wubjeŕśo z nawigaciskego wokna nalěwo Pisaś a pytajśo tam wótrězk Pśidanki. Móžośo teke město togo pytańske pólo W nastajenjachnastajenjach pytać górjejce wužywaś a pytajśo za WeTransfer.
3. Klikniśo na tłocašk WeTransfer pśidaś, aby WeTransfer za Filelink zmóžnił. Dokóńcone!
4. Mimo togo móžośo teke wótkazoju Dalšne póbitowarje namakaś slědowaś, aby dodanki wubrał, aby druge słužbne póbitowarje Filelink pśidał (dalšne drobnostki dołojce).

Filelink wužywaś

Gaž k powěsći dataju pśipowjesaśo a datajowa wjelikosć górjejce pódanu wjelikosć pśekšacujo, buźo wam Thunderbird awtomatiski póbitowaś, Filelink wužywaś:

• Klikniśo na tłocašk Zwězaś, aby dataju k składowańskemu słužbnemu póbitowarjeju online nagrał.
• Jolic lubjej dataju ako regularny pśidank pśipowjesyś, wubjeŕśo Ignorěrowaś.

Za tym až sćo wburał Zwězaś, buźo se waša dataja w slězynje nagrawaś a pokazana powěźeńka buźo se aktualizěrowaś na:

Gaž zwězowanje jo dokóńcone – to groni, gaž waš pśidank jo k słužbnemu póbitowarjeju nagraty – buźo Thunderbird awtomatiski wótrězk w powěźeńce pśidawaś, z wótkazom ku kopiji wašeje dataje online, glejśo dołojce:

Gaž waše dostawarje powěźeńku dostanu, budu tu samsku informaciju wiźeś a gaž na wótkaz w powěźeńce klikaju, wjadu jich k bokoju, wótkulž móžośo pśidank ześěgnuś.

Cesto stajone pšašanja wó Filelink

Pśidanki, kótarež pśez Filelink sćelośo, se na serwerach Mozilla njeskładuju. Kuždy póbitowaŕ słužby składowanja datajow ma swójske pšawidła priwatnosći a wužywańske wuměnjenja. Póbitowaŕ słužby składowanja datajow jo pśeglědał funkciju Filelink, aby zawěsćił, až wóna jogo pšawidłam wótpowědujo.

P: Wě Mozilla, kótarego póbitowarja wužywaŕ jo wubrał?

W: Ně. Mozilla njewě, kótarego póbitowarja wužywaŕ jo wubrał. Konfiguracija póbitowarja se lokalnje na wašom licadle składujo.

P: Kótare składowańske słužby se tuchylu pódpěraju?

W: Mamy dojadnanje z WeTransfer wó direktnej integraciji jogo słužbow do Thunderbird, což jo nejpśigódnjejša móžnosć.

• Z dodankami Filelink móžośo pódpěru za dalšne tśeśe póbitowarje instalěrowaś. Někotare woblubowane póbitowarje se pódpěraju.
• Móžośo teke Filelink z pomocu dodanka Filelink provider for WebDAV ze swójim nejlubšym WebDAV-serwerom wužywaś.

P: Móžo se póbitowaŕ składowańskeje słužby móje pśidanki woglědaś?

W: Póbitowarje składowańskeje słužby mógu se dataju woglědaś, ako kuždy, kótaryž wótkaz k pśidankoju dostawa, snaźkuli koděrujośo dataju, nježli až ju nagrawaśo. Wužywarje same muse rozsuźiś, kótaremu słužbowemu póbitowarjeju how z teju zagronitosću dowěriśo. Słužbne póbitowarje zwětšego waše priwatnostne pšawa w swójich wužywańskich wuměnjenjach wujasnjuju. Źiwajśo na to, až standardna pśidankowa funkcionalnosć teke njejo skoděrowana. Gaž pśidank na „normalny“ nałog sćelośo, bźez togo aby funkcije OpenPGP a SMIME Thunderbird wužywał, ma kuždy pśistup na dataju, kótaryž ma pśistup na powěsć mjazy wašym systemom a systemom dostawarjow (na pśikład póbitowaŕ e-mailoweje słužby). Filelink bitujo wěstu wěstotu, dokulaž se datajowe nagraśa k póbitowarjeju składowańskeje słužby pśez HTTPS, wěsty protokol, sćelu. Pórucujomy, až funkcije Thunderbird OpenPGP abo SMIME wužywaśo, aby maksimalnu wěstotu za swóje komunikacije zawěsćił.

P: Kak dłujko buźo mója dataja na sedle składowańskego słužbnego póbitowarja k dispoziciji?

W: Dataja, kótaruž sćo nagrał pśez Filelink, buźo 7 dnjow z dermotneju słužbu WeTransfer za ześěgnjenje k dispoziciji. Jolic to jo pśekrotki cas, móžośo se za jogo słužbu registrěrowaś, za kótaruž musyśo płaśiś. We wótwisnosći wót wuměnjenjow wašogo tśeśego składowańskego słužbnego póbitowarja a wašogo słužbnego dojadnanja z nim, buźo dataja na sedle póbitowarja za wobgranicowany cas k dispoziciji, abo daniž ju na pśecej njewulašujośo. Musyśo se pla websedła póbitowarja pśizjawiś, aby dataje w swójom wósobinskem składowańskem rumje woglědał a wulašował.

P: Móžośo słužbnego póbitowarja X abo protokol Y pódpěraś?

W: Pšosym pśeglědujśo, lěc zgromaźeństwo Thunderbird jo dodank Filelink za słužbnego póbitowarja, za kótarymž pytaśo. Wuwijaŕska dokumentacija za API Filelink jo k dispoziciji.

P: Njamógu se z myslicku spśijaseliś, móje dataje pla tśeśich póbitowarjow ako toś ten składowaś. Funkcioněruju hyšći normalne pśidanki?

A: Normalne e-mailowe pśidanki hyšći kaž pśecej funkcioněruju. Póbitujomy jano móžnosć, wjelike pśidanki něźi nagraś, jolic to cośo. Standardna wjelikosć wjelikeje dataje jo 5 MB, ale dajo se w nastajenjach Thunderbird pśiměriś:

1. Klikniśo górjejce we woknje Thunderbird na meni Rědy a wubjeŕśo NastajenjaKlikniśo w menijowej rědce na meni Thunderbird a wubjeŕśo NastajenjaKlikniśo górjejce we woknje Thunderbird na meni Wobźěłaś a wubjeŕśo Nastajenja, abo klikniśo na menijowy tłocašk Wobraz "fx57menu" njeeksistěrujo. a wubjeŕśo NastajenjaNastajenja.
2. Wubjeŕśo z nawigaciskego wobceŕka nalěwo Pisaś a pytajśo pótom pódwótrězk Pśidanki. Město togo móžośo pytańske pólo W nastajenjachnastajenjach namakaś górjejce wužywaś a za WeTransfer pytaś.
3. [✓] Dataje nagraś, kótarež su wětše ako [ 5] MB

Gaž kokulku wótwónoźujośo, se awtomatiska powěźeńka Filelink pódtłocujo, gaž wjelike dataje pśipowjesaśo, ale funkcija Filelink buźo hyšći z wuběrańskego menija tłocaška Pśipowjesyś | v ako teke z drugich pśidankowych a kontekstowych menijow k dispoziciji.