Tykac Adobe Flash jo se wowalił - zadoraś, až se to znowego stanjo

Toś ten nastawk wěcej se njewótwardujo, jogo wopśimjeśe by mógło pótakem zestarjony byś.

Kóńc pódpěry za Flash: Ako druge wobglědowaki a Adobe Firefox pódpěru za Flash kóńc 2020 skóńcyjo. Pšosym glejśo End of support for Adobe Flash za dalšne informacije.

Powěźeńka „Tykac Adobe Flash jo se wowalił“ se pokazujo, gaž tykac Flash napśiski pśestanjo funkcioněrowaś. Wideo, graśe abo animacija se cesto zasej wótgrawa, gaž zacytujośo bok znowego.

Plugin crash notification Fx21

Jolic tykac Flash dalej se wowalujo, móžo aktualizěrowanje na nejnowšu wersiju tykaca Flash toś ten problem cesto rozwězaś. Toś ten nastawk wujasnjujo, kak móžośo Flash aktualizěrowaś a pokazujo dalšne rozwězowańske móžnosći.

Flash aktualizěrowaś

Nejnowša wersija tykaca Flash by měła lěpjej funkcioněrowaś a se mjenjej cesto wowaliś. Aby pśeglědował, lěc Flash jo aktualny, woglědajśo se k testowemu bokoju Adobe. Jolic toś ten bok dajo wam k wěsći, až zestarjetu wersiju maśo, instalěrujśo nejnowšu wersiju manuelnje. Pśewjeźćo za to slědujuce kšace.

  1. Źiśo k ześěgnjeńskemu bokoju wótgrawaka Flash Adobe a ześěgniśo instalěrowański program Flash.
    Glědajśo: Ześěgnjeński bok Adobe móžo kontrolny kašćik za opcionalnu softwaru wopśimowaś (ako na pśikład Google Chrome abo McAfee Security Scan), kótaryž jo pó standarźe zmóžnjony. Jolic njewótpórajośo kokulku w kontrolnem kašćiku, nježli až ześěgnjośo, buźo se toś ta software na wašom licadle instalěrowaś, gaž startujośo instalěrowański program Flash.
  2. Gaž ześěgnjenje jo dokóńcone, zacyńśo Firefox.

    Klikniśo na meni Firefox Fx89menuButton a wubjeŕśo Skóńcyś. Klikniśo na meni Firefox górjejce na wobrazowce a wubjeŕśo Firefox skóńcyś.Klikniśo na meni Firefox Fx89menuButton a wubjeŕśo Skóńcyś.

  3. Wócyńśo dataju instalěrowańskego programa, kótaruž sćo ześěgnuł, a slědujśo instrukcijam.
Pokaz: Jolic maśo problemy z instalěrowańskim programom Flash ze ześěgnjeńskego boka Adobe, móžośo toś ten wótkaz instalěrowańskego programa Flash wužywaś, aby dopołny instalěrowański program direktnje ześěgnuł.
  1. Źiśo k ześěgnjeńskemu bokoju wótgrawaka Flash Adobe a ześěgniśo instalěrowański program Flash.

  2. Klikniśo na meni Firefox Fx89menuButton a wubjeŕśo Skóńcyś. Klikniśo na meni Firefox górjejce na wobrazowce a wubjeŕśo Firefox skóńcyś.Klikniśo na meni Firefox Fx89menuButton a wubjeŕśo Skóńcyś.

  3. Wócyńśo dataju, kótaruž sćo ześěgnuł (t. gr. install_flash_player_osx_intel.dmg).
  4. Wócyńśo w Finder Install Adobe Flash Player.app, aby instalěrowański program startował, a slědujśo pótom instrukcijam.
  1. Źiśo k ześěgnjeńskemu bokoju wótgrawaka Flash Adobe.
  2. Ześěgniśo dataju (t. gr. install_flash_player_"version"_linux."processor".tar.gz), gaž was pšose.

  3. Klikniśo na meni Firefox Fx89menuButton a wubjeŕśo Skóńcyś. Klikniśo na meni Firefox górjejce na wobrazowce a wubjeŕśo Firefox skóńcyś.Klikniśo na meni Firefox Fx89menuButton a wubjeŕśo Skóńcyś.

  4. Wócyńśo terminalowe wokno (klikniśo w Gnome na meni Anwendungen, wubjeŕśo Zubehör a pótom Terminal.)
  5. Změńśo zapis, źož sćo dataju składł, kótaruž sćo ześěgnuł (na pś. cd /home/user/Downloads) w terminalowem woknje.
  6. Ekstrahěrujśo libflashplayer.so z dataje, kótaruž sćo ześěgnuł z pśikazom tar -zxvf install_flash_player_"version"_linux."processor".tar.gz.
  7. Kopěrujśo ekstrahěrowanu dataju libflashplayer.so ako superwužywaŕ do pódzapisa plugins swójogo instalaciskego zapisa Firefox. Jolic jo se na psikład Firefox do zapisa /usr/lib/mozilla zainstalěrował, wužyjśo pśikaz sudo cp libflashplayer.so /usr/lib/mozilla/plugins a zapódajśo pótom swójo superwužywarske gronidło, gaž was wó to pšose.

    0a85171f1802a3b0d9f46ffb997ddc02-1260326970-447-1.png

Hardwarowe póspěšenje w Flash znjemóžniś

Wjele problemow z Flash daju se rozwězaś, gaž znjemóžnijośo hardwarowe póspěšenje w nastajenjach swójogo wótgrawaka Flash (glejśo Pomoc wótgrawaka Flash - bok nastajenjow pokazaś Adobe za drobnostki). Aby hardwarowe póspěšenje w Flash znjemóžnił:

  1. Źiśo k toś tomu bokoju pomocy Adobe Flash Player.
  2. Klikniśo z pšaweju myškoweju tastuŹaržćo tastu ctrl tłoconu, a klikniśo na logo wótgrawaka Flash na tom boku, a pótom na Einstellungen w kontekstowem meniju. Nastajenja wótgrawaka Adobe Flash se wócyniju.
  3. Klikniśo na symbol dołojce nalěwo we woknje nastajenjow wótgrawaka Adobe Flash, aby wótrězk Anzeige wócynił.
  4. Wótpórajśo kokulku z kašćika pódla Hardwarebeschleunigung aktivieren.

    Wobraz "fpSettings1.PNG" njeeksistěrujo.
  5. Klikniśo na Schließen, aby wokno nastajenjow wótgrawaka Adobe Flash zacynił.
  6. Startujśo Firefox znowego.
Glědajśo: Słowa Einstellungen, Anzeige, Hardwarebeschleunigung aktivieren a Schließen słušaju k programoju Adobe Flash Player. Dokulaž serbskorěcna wersija toś togo programa njeeksistěrujo, su toś te słowa nimski pódane.

Šćitany modus w Flash znjemóžniś

Wažny: Slědujuce rozwězanje za 64-bitowu wersiju Firefox njepłaśi.
Šćitany modus Adobe Flash móžo pla někotarych wužywarjow wisanja abo wowalenja tykacow zawinowaś. Aby jen znjemóžnił, pśewjeźćo toś te kšace:
Warnowanje: Šćitany modus jo wěstotna funkcija Flash, kótaraž jo pó standarźe zmóžnjona. Gaž znjemóžnjaśo šćitany modus Flash, znjemóžnjaśo wěstotny šćit.
  1. Klikniśo na menijowy tłocašk Fx89menuButton pótom na Dodanki a drastwy a wubjeŕśo Tykace.
  2. Pytajśo Shockwave Flash w lisćinje tykacow a klikniśo na tłocašk Nastajenja.
  3. Wótpórajśo kokulku z kašćika pódla Šćitany modus Adobe Flash zmóžniś.
    Fx38-UI-AdobeFlash-protected-mode
    Pokaz: Aby wěcej zgónił, cytajśo nastawk Šćitany modus Adobe Flash.
  4. Klikniśo na menijowy tłocašk New Fx Menu a pótom na Skóńcyś Close 29, aby Firefox dopołnje zacynił, aby změna se wustatkowała.
  5. Startujśo Firefox znowego.

Druge rozwězanja

Slědujuce wjelicne luźe su pomogli, toś ten nastawk pisaś:

milupo
Illustration of hands

Dobrowólnik

Rosćo a źělśo swóju kompetencu z drugimi. Wótegrońśo na pšašanja a pólěpšćo našu wědowu datowu banku.

Dalšne informacije