Hdyž pospytujeće so pola websydła přizjewić, kotrež wěsty zwisk (HTTPS) njewužiwa, Firefox budźe was warnować, zo byšće wědźał, zo waše přizjewjenske podrobnosće wěste njejsu. To pomha, tomu zadźěwać, zo so waše wužiwarske mjeno a hesło kradnjetej.

Čehodla tute warnowanje widźu?

Hdyž pospytujeće so na stronje přizjewić, kotryž wěsty zwisk (HTTPS) njewužiwa, Firefox warnowanje pokaza. Jeli hesło na njewěstej stronje zapodawaće, móhli druzy jo widźeć a kradnyć.

Wěsta webstrona ma adresu, kotraž so z https:// započina a zamkowy symbol w adresowym polu. Jeli přizjewjenska strona, kotruž sej wobhladujeće, wěsty zwisk nima, adresowe polo Firefox zamkowy symbol z čerwjenej smužku na nim pokaza .

Budźeće tež warnowansku zdźělenku widźeć, hdyž do přizjewjenskeho pola klikaće, zo byšće wužiwarske mjeno abo hesło zapodał.

Što móžeće činić, jeli přizjewjenska strona je njewěsta?

Warnowanje so jenož na přizjewjenskich formularach jewi, kotrež HTTPS njewužiwaja. Tute warnowanje njepodawa, zo waše hesło je so hižo kradnyło.

• Jeli přizjewjenska strona je njewěsta, přepruwujće, hač wěsta wersija strony eksistuje; stajće https:// před adresu websydła. Móžeće so tež z webadministratorom sydła do zwiska stajić a jeho prosyć, zwisk websydła zawěsćić. Hewak so njeporučuje, zo informacije přez stronu posrědkujeće.
• Wužiwajće druhe hesła za mjenje wěste sydła. Njewužiwajće swoju e-mejlowe a bankowe hesło or hesło hłowneho konta znowa. Hewak so njeporuča, zo informacije přez stronu sćeleće.

Wo njewěstych stronach

Njewěste strony wěste zwiski za wopytowarjow k dispoziciji njestajeja. Město toho wužiwaja njezaklučowany zwisk (HTTP) a informacije, kotrež z tutymi stronami dźěliće, je riziko. Strony, kotrež dyrbja priwatne informacije přenošować (na přikład daty kreditnych kartow, wosobinske daty a hesła) trjebaja wěsty zwisk, zo bychu nadpadnikow při kradnjenju wašich datow haćili.

Njezapodawajće priwatne informacije, na přikład hesła abo někajke wosobinske podaće, na stronje z njewěstym zwiskom. Informacije, kotrež přez njewěsty zwisk zapodawaće, dadźa so kradnyć. Za dalše informacije hlejće Kak móžu zwěsćić, hač mój zwisk z websydłom je wěsty?

Pokazka za wuwiwarjow

Za wuwiwarjow, kotřiž chcedźa wjace wo tutym warnowanju zhonić, hlejće prošu tutu stronu MDN Web Docs. Dokumentacija wujasnja, hdy a čehodla Firefox tute warnowanje pokazuje a podawa wam tež někotre podrobnosće, kak móžeće tutón problem rozrisać. Dyrbiće podpěru HTTPS přidać, zo byšće tute warnowanje ze swojeho sydła wotstronił. Za dalše informacije hlejće tutón blogowy přinošk Mozilla.