Tutón nastawk wujasnja, kak móžeće Thunderbird na Linux sćahnyć a instalować. Tutón nastawk jenož za Linux płaći. Za instrukcije za instalaciju Thunderbird na Mac hlejće Install Thunderbird on Mac. Za instrukcije za instalaciju Thunderbird na Windows hlejće Thunderbird na Windows instalować.

Z Flatpak instalować

Paket Thunderbird flatpak a archiwowe dataje (tarballs) so direktnje wot teama Thunderbird hladaja. Tohodla maja tendencu, so spěšnišo na nowše stabilne wersije aktualizować hač te z druhich žórłow.

Zo byšće Thunderbird z Flatpak instalował, dyrbiće flatpak instalować a flathub konfigurować, jeli na wašim systemje njejstej. Flathub je centralny repozitorij za flatpaki a wobsahuje derje wothladane instrukcije wo konfiguraciji instalacijow flatpak za wšelake distribucije.

Hdyž flatpak a flathub stej skonfigurowanej, móžeće wšitko z přikazowej linku sćahnyć a instalować abo dataju flatpakref separatnje sćahnyć a z přikazowej linku instalować.

Z přikazowej linku instalować (lóše a cool)

flatpak install flathub org.mozilla.Thunderbird

Z grafiskim wužiwarskim powjerchom instalować

1. Wopytajće Thunderbird na Flathub.
2. Klikńće na Install a přewjedźće instrukcije. Móžeće dalše nastajenja we wuběranskim meniju pódla toho tłóčatka namakać, jeli trjeba.

Ze Snap instalować

Paket Thunderbird snap so wot Canonical a Thunderbird wudźeržuje.

Zo byšće Thunderbird ze Snap instalował:

1. Instalujće Snap na swojim ličaku.
2. Wopytajće stronu Snapcraft.
3. Klikńće na Install a přewjedźće instrukcije.

Z paketowym zrjadowakom distribucije instalować

Distribucije Linux w normalnym padźe pakety z pomocu nastrojow wutworjeja, kotrež su dźěl distribucije Linux, zo bychu Mozilla Thunderbird lochko instalowali. Paket móže změny za lěpšu integraciju do dźěłoweho systema wobsahować. Wudźeržowarjo distribucijow Linux wodźa, hdyž so nowe aktualizacije jich software Thunderbird k dispoziciji stajeja, tohodla je snano komdźenje mjez časowym dypkom, hdyž waša distribucija najnowšu wersiju abo aktualizaciju poskića, porno časowemu dypkej, hdyž je oficielna nowa wersija abo aktualizacija je na Thunderbird.net abo w flatpaku k dispoziciji. Waša distribucija móže tež Thunderbird bjez markoweho znamjenja Thunderbird poskićić.

Zo byšće Thunderbird z pomocu paketowym zrjadowakom swojeje distribucije instalował, čitajće prošu dokumentaciju swojeje distribucije Linux. Tuta metoda ma lěpšinu, zo zaručuje, zo so Thunderbird a wšě trěbne biblioteki optimalnje za wašu distribuciju instaluja a konfiguruja.

Thunderbird manuelnje za wěsty wozjewjenski kanal instalować (za nazhonjenych wužiwarjow)

Kanale Thunderbird

Thunderbird štyri kanale poskića: Release (tež jako měsačny znaty, september 2025 k dispoziciji), ESR (lětna hłowna wersija), Beta a Daily. Tute so na stronje How to select a Thunderbird release channel přirunuja, z dalšimi informacijemi a pokiwami w nastawkach wo Thunderbird Beta, Thunderbird Daily. Prošu zawěsćće, zo trěbne biblioteki su na swojim ličaku instalowane. Falowace biblioteki móža zawinować, zo Thunderbird njefunguje abo je njespušćomny. Lisćina žadanjow móže so po kanalu rozeznać: žadanja ESR requirements, žadanja wersijow Release, Beta, Daily.

Kanale wuměnić

Je móžno, kanale wuměnić a waše eksistowace daty Thunderbird dale wužiwać, na přikład hdyž wot ESR do Release přeńdźeće. Ale, jeli chceće druhi kanal wužiwać a nochceće waše eksistowace daty Thunderbird za tón kanal změnić, hlejće Wjacore kanale wužiwać. Hdyž kanale wuměnjeće, chceće wěsće komplikacije wobeńć a swoje profilowe daty škitać:

• Zawěsćće swoje profilowe daty Thunderbird.
• Přeńdźće jenož ke kanalej, kotryž wyše abo jenake wersijowe čisło skići. Móžne postupy su wot ESR do Release, Release do Beta a Beta do Daily. Hdyž waše profilowe daty su so z nowšej wersiju začitali, njemóžeće je hižo do nišeje wersije začitać.
• Dyrbiće nowšu wersiju z eksaktnje samsnym mjenom instalaciskeho zapisa kaž ze staršej wersiju instalować. Jeli systemowu metodu deleka wužiwaće, wuwjesće rm -rf /opt/thunderbird a instalujće potom wubrane sćehnjenje do /opt/thunderbird/. Jeli metodu home deleka wužiwaće, wuwjedźće rm -rf $HOME/thunderbird a instalujće potom wubrane sćehnjenje do $HOME/thunderbird/.

Wjacore kanale wužiwać

Je móžno, wjacore kanale Thunderbird instalować a je samo w samsnym času wuwjesć. Kóždy dyrbi w druhim instalaciskim zapisu instalowany być, štož wužiwanje wjacorych datowych profilow Thunderbird wunuzuje, zo bychu so waše daty škitali a separatnje wobchowali.

Instalaciske městno

Hdyž Thunderbird manuelnje instalujeće, móžeće jón pak do rjadowaka system pak home instalować. Deleka namakaće instrukcije za wobě metodźe.

Systemowa instalacija Thunderbird

1. Sćehńće swoju wólbu instalaciskeho kanala wot sćehnjenskeje strony. Dataja ma formu thunderbird-<version>.tar.bz2.
2. Wočińće terminal a přeńdźće k rjadowakej, hdźež sće swoje sćehnjenje składował. Přikład:
   cd ~/Downloads
3. Ekstrahujće wobsah sćehnjeneje dataje. To rjadowak z mjenom thunderbird wutwori. Potom móžeće archiw zhašeć:
   tar xjf thunderbird-*.tar.bz2
rm thunderbird-*.tar.bz2
4. Přesuńće njekomprimowany rjadowak Thunderbird do /opt:
   sudo mv thunderbird /opt
5. Wutworće symlink k wuwjedźenskej dataji Thunderbird:
   sudo ln -s /opt/thunderbird/thunderbird /usr/local/bin/thunderbird
6. Sćehńće kopiju desktopoweje dataje:
   wget https://raw.githubusercontent.com/mozilla/sumo-kb/main/installing-thunderbird-linux/thunderbird.desktop -P /usr/local/share/applications

Abo dźeće, jeli wget na wašim ličaku instalowany njeje, k horjeka naspomnjenemu URL, klikaće z prawej tastu na stronu, zo byšće kontekstowy meni wočiniła a wuběraće Stronu składować jako…. Po tym zo sće dataju sćahnył, přesuńće ju do /usr/local/share/applications.

Zo byšće wobkrućił, zo wšitko je korektnje instalowane, wočińće Thunderbird z nowo wutworjeneje desktopoweje dataje a přeńdźće k ≡ > Pomoc > Informacije za rozrisowanje problemow. We wotrězku Zakłady nałoženja strony Informacije za rozrisowanje problemow měła hódnota za Nałoženska binarna dataja /opt/thunderbird/thunderbird-bin być.

Thunderbird do zapisa Home instalować - lokalnje we wužiwarskim konće

Jeli přistup k přizjewjenje jako root nimaće abo njemóžeće přikazy sudo wuwjesć abo prosće preferujeće lokalny Thunderbird w swojim konće wužiwać, móžeće lokalnu instalaciju přewjesć. Móžeće to tež činić, zo byšće wjacore instalacije Thunderbird za rozdźělne wersije měł.

1. Sćehńće swoju wólbu instalaciskeho kanala wot sćehnjenskeje strony. Dataja ma formu thunderbird-<version>.tar.bz2.
2. Wočińće terminal a dźiće k rjadowakej, hdźež je so waše sćehnjenje składowało. Přikład:
   cd ~/Downloads
3. Ekstrahujće wobsah sćehnjenej dataje. To rjadowak z mjenom thunderbird wutwori. Potom móžeće archiw zhašeć:
   tar xjf thunderbird-*.tar.bz2
rm thunderbird-*.tar.bz2
4. Jeli sć wěstu wersiju sćahnył, chceće snano njekomprimowany rjadowak wotpowědnje přemjenować. Přikład:
   mv thunderbird thunderbird-beta
5. Móžeće njekomprimowany rjadowak w swojim sćehnjenskim rjadowaku wostajić abo do druhehi městna w swojim konće přesunyć. Přikład:
   mv thunderbird $HOME/thunderbird
6. Thunderbird je nětko za wužiwanje hotowy. Móžeće jón direktnje z terminala wuwjesć:
   $HOME/thunderbird/thunderbird &
7. Wutworće desktopowe zwjazanje. Dźiwajće na to, zo tutón krok we wašej distribuciji Linux hinaši być. (Někotre distribucije Linux wam zmóžnjeja, z prawej tastu na desktop kliknyć a Starter erstellen z kontekstoweho menija wubrać):
   wget https://raw.githubusercontent.com/mozilla/sumo-kb/main/installing-thunderbird-linux/thunderbird.desktop -P $HOME/.local/bin/thunderbird
8. Dokelž symbol za desktopowe zwjazanje je w $HOME/thunderbird/chrome/icons/default/ a wuwjedźomna dataja w $HOME/thunderbird, dyrbimy tute linki w swojej desktopowej dataji změnić, kotruž smy runje sćahnyli:
   sed -i.bak -e "s|Exec=thunderbird %u|Exec=$HOME/thunderbird/thunderbird %u|" $HOME/.local/share/applications/thunderbird.desktop

sed -i.bak -e "s|Icon=/opt/thunderbird/chrome/icons/default/default128.png|Icon=$HOME/thunderbird/chrome/icons/default/default128.png|" $HOME/.local/share/applications/thunderbird.desktop

Nětko symbol nałoženja Thunderbird měł mjez wašimi druhimi nałoženjemi być a móžeće Thunderbird kaž wočakowany startować.

Thunderbird jako standardne e-mejlowe nałoženje nastajić

Tutón krok trěbne přirjadowanja typa MIME přidawa, kotrež wam zmóžnjeja, Thunderbird jako standardne e-mejlowe nałoženje we wašich desktopowych nastajenjach wubrać.

1. Wočińće ~/.config/mimeapps.list ze swojim tekstowym editorom a kulće dele k wotrězkej z mjenom [Added Associations].
2. Pytajće typ MIME x-scheme-handler/mailto a připowěsńće thunderbird.desktop k njemu.

Dataja .desktop, kotruž sće do toho sćahnył, někotre přidatne typy MIME za Thunderbird definuje, na přikład application/x-xpinstall (za wobchadźenje z rozšěrjenjemi Thunderbird); tak slědowacy přikład jón zapřijima. Je wjele druhich typow, kotrež so w normalnym padźe wot pakowarjow definuja (¹ ² ³); hdyž na přikład text/calendar přidawaće, budźe desktop GNOME Thunderbird jako móžnosć za Protyka nalistować.

[Added Associations]
x-scheme-handler/mailto=thunderbird.desktop;
application/x-xpinstall=thunderbird.desktop;

Dotal smy jenož definowali, z čimž Thunderbird móže wobchadźeć, štož dosaha, zo by so jako móžnosć we wašich desktopowych nastajenjach nalistował. Hdyž wěste nałoženje jako standardne nałoženje za nadawk wuběraće, poprawom do druheho wotrězka z mjenom [Default Applications] pisaće. To da so z grafiskim wužiwarskim powjerchom činić, kotryž waš desktop k dispoziciji staja, přez manuelne wobdźěłanje dataje ~/.config/mimeapps.list, kaž my smy to činili abo na přikazowej lince. Wužiwanje přikazoweje linki so deleka wopisuje.

xdg-mime default thunderbird.desktop x-scheme-handler/mailto
xdg-mime default thunderbird.desktop application/x-xpinstall

Jeli typowe přirjadowanja přeskakujeće, kotrež smy manuelnje wotrězkej [Added Associations] přidali, budźe standardny nałoženski wuběr hišće fungować, ale móžnosć Thunderbird so zhubi, hdyž rozsudźeće, standardne nałoženje do něčeho druheho změnić. Hdyž tute kroki přewjedźeće, budźe so Thunderbird přeco jako kandidat za standardne nałoženje nalistować.

Symbol Thunderbird so jako powšitkowny symbol pokazuje

Jeli GNOME wužiwaće a symbol Thunderbird so jako powšitkowny symbol (na př. symbol zubateho koleska) pokazuje, je přidatna konfiguracija startowaka thunderbird.desktop trěbna. Slědowace zaruča, zo so korektny nałoženski symbol za Thunderbird pokaza.

Identifikujće wmclass za Thunderbird:

1. Tłóčće Alt+F2, mjeztym zo Thunderbird běži, zo byšće přikazowu konsolu startował.
2. Zapodajće lg a tłóčće Enter.
3. Klikńće we woknje, kotrež so zjewi, na Windows horjeka naprawo.
4. Pytajće wmclass Thunderbird w pokazanej lisćinje.

Změńće startowak thunderbird.desktop:

1. Wočińće dataju thunderbird.desktop w tekstowym editorje.
2. Přidajće abo aktualizujće kluč StartupWMClass we wotrězku [Desktop Entry], zo byšće hódnotu wmclass zapřijał, kotruž sće do toho namakał. Na přikład StartupWMClass=thunderbird-esr

Rozrisowanje problemow

Problemy z profilom Snap

Jeli w swojim zapisu home hižo eksistowacy profil Thunderbird NIMAĆE, budźe snap profil załožeć a wužiwać, kotryž je na městnje snap Thunderbird: ~/snap/thunderbird/common/.thunderbird.

Jeli w swojim zapisu home hižo eksistowacy profil Thunderbird MAĆE, budźe snap jón wužiwać.

Jeli sće měnjenja, zo so waš normalny profil (wšojedne, kotre profilowe městno wužiwaće) njewužiwa, su tu někotre kroki, kotrež móžeće přewjesć, zo byšće jón wupruwował a wobnowił:

1. Wotstrońće snap. Hdyž snapd snap z wašeho systema zhaša, budźe awtomatisce snap zawěsćeć a składuje jón w zapisu /var/lib/snapd/snapshots/. Jeli waš profilowy zapis je w snapje w ~/snap/thunderbird/common/.thunderbird był, móže zawěsćenje chwilku trać (dokelž profilowe zapisy móža chětro wulke być). Budźće sćerpliwy, mjeztym zo so zawěsćenje generuje. (Dźiwajće na to, zo to jenička móžnosć njeje, zo byšće zawěsćenje wutworił. Móžeće zawěsćenje z snap save thunderbird manuelnje iniciěrować)
2. Přeswědčće so, zo eksistowacy profilowy zapis ~/.thunderbird njeje:
   $ mv ~/.thunderbird ~/.thunderbird-backup
3. Instalujće snap Thunderbird znowa:
   $ sudo snap install thunderbird
4. Wobnowće ze swojeho snapšota. To profil Thunderbird w snapšoće na waš nowy snapowu instalaciju nałožuje. Hladajće do zapisa /var/lib/snapd/snapshots/, zo byšće najnowši snapšot pytał abo tón, kotryž chceće wužiwać. Načolne čisło čisłu snapšota wotpowěduje. Na přikład, jeli je /var/lib/snapd/snapshots/14_thunderbird_128.11.0esr-1_735.zip, by
   $ sudo snap restore 14 wobnowjenski přikaz był

Móžeće tu wjace wo snapšotach snap čitać.