Profile - hdźe Thunderbird waše powěsće a druhe wužiwarske daty składuje

Thunderbird Thunderbird Posledni raz zaktualizowany:

Wšě waše daty kaž powěsće, hesła a wužiwarske nastajenja a změny, kotrež sće přewjedli, mjeztym zo Thunderbird wužiwachu, so we wosebitym rjadowaku z mjenim profil składuja. Waš profilowy rjadowak so na druhim městnje hač program Thunderbird składuje, zo bychu waše daty hišće tam byli, jeli so něšto z Thunderbird nimokula. To tež woznamjenja, zo móžeće Thunderbird wotinstalować a zaso instalować, bjeztoho zo bychu so waše nastajenja a daty zhubili. Ale składowanje profilowych datow separtanje zawěsćenje NJEje.

Poručamy huste zawěsćenja, zo byšće swoje daty škitał. Bjez zawěsćenja riskujeće, trajne zhubjenje datow z wjele móžnych přičinow. Slědowace móžnosće zawěsćenja NJEJsu: daty na e-mejlowych serwerach, waš profil Thunderbird an wašim lokalnym ličaku a profil Thunderbird na druhim ličaku a profile, kotrež su w składowaku mróčele.

Kak móžu swój profil namakać?

Klikńce na ≡ > Pomoc a wubjerće Informacije za rozrisowanje problemow. Rajtark Informacije za rozrisowanje problemow so wočini.

  • Klikńće we wotrězku Zakłady nałoženja, pytajće za linku Profilowy rjadowakProfilowy rjadowak a klikńće potom na Rjadowak wočinićWe Finderje pokazaćZapis wočinić. Wokno so wočini, kotrež waš profilowy rjadowak wobsahuje.Waš profilowy rjadowak so wočini.
Kedźbu: Jeli njemóžeće Thunderbird wočinić abo wužiwać, slědujće instrukcijam w Profil namakać, bjeztoho zo by so Thunderbird wočinił.

Profil namakać, bjeztoho zo by so Thunderbird wočinił

Thunderbird waš profilowy rjadowak po standardźe na tónle městno na wašim ličaku składuje:
"C:\Users\<your Windows login username>\AppData\Roaming\Thunderbird\Profiles\"
Windows rjadowak AppData po standardźe chowa, ale móžeće swój profilowy rjadowak takle namakać:

  1. Tłóčće Windows Key+R na tastaturje. Dialog Ausführen so wočini.
  2. Zapodajće:
    %APPDATA%\Thunderbird\Profiles\.
  3. Klikńće na OK. Wokno so wočini, kotrež profilowe rjadowaki wobsahuje.
  4. Klikńće dwójce na profilowy rjadowak, kotryž chceće wočinić. Jeli jenož jedyn profil maće, jeho rjadowak „default“ w mjenje ma.
  1. Klikńće na startowej wobrazowce na kachličku Desktop. Napohlad Desktop so wočini.
  2. Pohibujće na desktopje kursor do delnjeho praweho róžka, zo byšće přistup k Charms dóstał.
  3. Wubjerće charm Pytać. Pytanska bóčnica so wočini.
  4. Zapodajće do pytanskeho pola:
    %APPDATA%\Thunderbird\Profiles\
    bjeztoho zo byšće Enter tłóčił. Lisćina profilowych rjadowakow so zjewi.
  5. Klikńće na profilowy rjadowak, kotryž chceće wočinić (wočini so we woknje). Jeli jenož jedyn profil maće, jeho rjadowak "default" w mjenje ma.
  1. Klikńće na tłóčatko Windows Start. Startowy meni so wočini.
  2. Zapodajće w pytanskim polu deleka w startowym meniju:
    %APPDATA%\Thunderbird\Profiles\
    bjeztoho zo byšće Enter tłóčił. Lisćina profilow so horjeka w startowym meniju zjewi.
  3. Klikńće na profilowy rjadowak, kotryž chceće wočinić (wočini so we woknje). Jeli jenož jedyn profil maće, jeho rjadowak „default“ w mjenje ma.
  • Nimo toho móžeće swój profil namakać, hdyž tastu Windows Key tłóčiće a potom započinaće tole pisać: %APPDATA%\Thunderbird\Profiles\
Pokiw: Zo byšće Windows tak nastajił, zo by rjadowak AppData a druhe schowane dataje a rjadowaki pokazał, hlejće Versteckte Dateien anzeigen - Windows-Hilfe.
  1. Klikńće na tłóčatko Windows Start, a wubjerće Ausführen….

    win-run.png
  2. Zapodajće:
    %APPDATA%\Thunderbird\Profiles\
    a klikńće potom na OK.
    Wokno so wočini, kotrež profilowe rjadowaki wobsahuje.
    win-rundialog.png
  3. Klikńće dwójce na profilowy rjadowak, kotryž chceće wočinić. Jeli jenož jedyn profil maće, jeho rjadowak „default“ w mjenje ma.
  1. Klikńće na symbol Finder w doku. Klikńće w menijowej lajsće na meni Gehe, dźeržće potom wuběransku tastu alt ⌥ abo Alt a wubjerće Library.
  2. Wočińće rjadowak Thunderbird a potom rjadowak Profiles.
  3. Waš profilowy rjadowak je w tutym rjadowaku. Jeli jenož jedyn profil maće, jeho rjadowak „default“ w mjenje ma.
  1. (Ubuntu) Klikńće na meni Orte horjeka naprawo na wobrazowce a wubjerće Persönlicher Ordner. Wokno datajoweho zrjadowaka so zjewi.
  2. Klikńće na meni Ansicht a wubjerće Verborgene Dateien anzeigen, jeli hišće zmóžnjeny njeje.
  3. Klikńće dwójce na rjadowak .thunderbird. Waš profilowy rjadowak je w tutym rjadowaku.

Jeli jenož jedyn aktiwny profil maće a Thunderbird ESR abo Thunderbird release (dwaj typaj aktualizowanskich kanalow) wužiwaće, potom budźe „default-release“ po standardźe w mjenje (chibazo sće jo změnił) – wobaj typaj instalacijow po standardźe samsne profilowe mjeno wužiwatej. Kedźbu: mjeno rjadowaka z jenož „default“ bjez „-release“ je zwjetša prózdny, njewužity pozdatny rjadowak a móžeće jón ignorować.

Jeli Beta abo Daily wužiwaće, wobsahuje profilowe mjeno po standardźe „default-beta“ resp. „default-daily“. Móžeće tež wjacore profile załožić.

Profil zawěsćić

Móžeće swoje daty z pomocu eksportoweho nastroja Thunderbird zawěsćić, abo přewjedźeće slědowace kroki.

Zo byšće swój profil zawěsćił, začińće najprjedy Thunderbird, jeli je wočinjeny, a kopěrujće potom profilowy rjadowak do druheho městna.

  1. Pytajće swój profilowy rjadowak, kaž je so horjeka wujasniło.
  2. Začińće Thunderbird.
  3. Dźiće do runiny nad swojim profilowym rjadowakom, t. r. do %APPDATA%\Thunderbird\Profiles\~/Library/Thunderbird/Profiles/~/.mozilla/Thunderbird/
  4. Klikńcé z prawej tastuDźeržće tastu cmd ⌘ stłóčenu, mjeztym zo na swój profilowy rjadowak klikaće (na př. xxxxxxxx.default), a wubjerće Kopieren.
  5. Klikńće z prawej tastuDźeržće tastu cmd ⌘, mjeztym zo na zawěsćenske městno klikaće (na př. USB-stick abo prózdny CD-RW), a wubjerće Element einfügenEinfügen.

Profilowe zawěsćenje wobnowić

Móžeće swoje daty z pomocu importoweho nastroja Thunderbird wobnowić abo přewjedźeće slědowace kroki.

  1. Začińće Thunderbird.
  2. Jeli waš eksistowacy profilowy rjadowak a rjadowak profiloweho zawěsćenja samsne mjeno matej, wuměńće prosće eksistowacy profilowy rjadowak z profilowym zawěsćenjom a startujće potom Thunderbird.
    Wažny: Mjena profilowych rjadowakow dyrbja eksaktnje jenake za to być, inkluziwnje připadny znamješkowy slěd z 8 znamješkami. Jeli mjena jenake njejsu, abo jeli zawěsćenje na druhim městnje wobnowjeće, přewjedźće slědowace kroki.

Na druhim městnje wobnowić

Jeli mjena profilowych rjadowakow jenake njejsu abo chceće profil do druheho městna přesunyć abo na druhim městnje wobnowić, čińće tole:

  1. Začińće Thunderbird dospołnje, kaž horjeka wujasnjene.
  2. Wužiwajće zrjadowak profilow Thunderbird, zo byšće nowy profil na požadanym městnje wutworił a spušćće zrjadowak profilow.
    Pokiw: Jeli sće Thunderbird na nowym ličaku zainstalował, móžeće standardny profil wužiwać, kotryž so awtomatisce wutworja, hdyž Thunderbird prěni raz startujeće, město toho zo byšće nowy profil wužiwał.
  3. Pytajće zawěsćeny profilowy rjadowak na swojej krutej tačeli abo zawěsćenskim mědiju (na př. na wašim USB-stiku).
  4. Wočińće zawěsćenje profiloweho rjadowaka (na př. zawěsćenje xxxxxxxx.default).
  5. Kopěrujće wšón wobsah profiloweho rjadowaka zawěsćenja profiloweho rjadowaka, na přikład dataju mimeTypes.rdf, dataju prefs.js atd.
  6. Pytajće a wočińće nowy profilowy rjadowak kaž horjeka wujasnjene a začińće Thunderbird (jeli je wočinjeny).
  7. Zasadźće wobsah zawěsćeneho profiloweho rjadowaka do noweho profiloweho rjadowaka; eksistowace dataje ze samsnym mjenom so přepisuja.
  8. Startujće Thunderbird.

Profil přesunyć

Druhdy chceće snano profil přesunyć abo Thunderbird zdźělić, zo ma profil wužiwać, kotryž je na druhim městnje składowany.

  1. Začińće Thunderbird.
  2. Přesuńće profilowy rjadowak do požadaneho městna. Přesuńće na přikład na Windows XP profil C:\Documents and Settings\[username]\Application Data\Thunderbird\Profiles\xxxxxxxx.default do D:\Stuff\MyMailProfile. (Jeli so k zawěsćenemu profilej wróćeće, tutón krok trěbny njeje. Notěrujće prosće aktualne městno profila, kotryž chceće wobnowić.)
  3. Wočińće dataju profiles.ini w tekstowym editorje. Dataja je w rjadowaku nałoženskich datow za Thunderbird:
    • Šćežka je %AppData%\Thunderbird\ za Windows~/.thunderbird/ za Linux~/Library/Thunderbird/ za Mac OS X.
  4. Pytajće w dataji profiles.ini za zapiskom za profil, kotryž sće runje přesunył. Změńće linku Path= do noweho městna.
  5. Jeli relatiwnu šćežku do absolutneje šćežki přeměnjeće, dyrbiće snano směr nakósnych smužkow změnić. Windows na přikład w absolutnych šćežkach wróćosmužki wužiwa, mjeztym zo relatiwne šćežki nakósne smužki wužiwaja. Změńće IsRelative=1 do IsRelative=0.
  6. Składujće profiles.ini a startujće Thunderbird znowa.

Profilowe daty mjez ličakami dźělić

Runočasny přistup k někajkemu dźělej profiloweho rjadowaka Thunderbird, na přikład přez Fileshare, mróčelowy składowak abo druhu metodu so NJEpodpěruje. Hdyž to činiće, riskujeće wobškodźenje a trajne zhubjenje datow.

Mróčelowy składowak

Profile Thunderbird, kotrež so w mróčeli synchronizowanym datajowym składowaku składuja, měli w najwjaje padach funguja, ale runočasny přistup wot wjacorych instancow Thunderbird, wot wjacorych ličakow abo na jednotliwym ličaku so njepodpěruje. Waš profil Thunderbird w mróčelowym składowaku zawěsćenje njeje.

Hlejće tež

Slědowacy wulkotni ludźo su pomhali, tutón nastawk pisać:

milupo
Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije

Podobne nastawki

todo: title

Profile Manager - Create and remove Thunderbird profiles

Thunderbird saves your personal information such as messages, passwords and user preferences in a set of files called your profile, which is...

todo: title

Daty Thunderbird na nowy ličak přepołožić

Tutón nastawk němske zapřijeća dźěłoweho systema wobsahuje, dokelž serbski dźěłowy system njeeksistuje. Thunderbird waše daty na separatnym...