Eksportowy nastroj Thunderbird wam zmóžnja, zawěsćenje wašeho profila Thunderbird wutworić, inkluziwnje konta, powěsće, adresniki a nastajenja. Wšón wobsah wašeho profiloweho rjadowaka Thunderbird so do zip-dataje składuje, kotryž móžeće pozdźišo z pomocu importoweho nastroja Thunderbird wobnowić, zwjetša na druhim ličaku.

Kak móžeće swój profil z eksportowym nastrojom zawěsćić

Je jara lochko, zawěsćensku kopiju wašeho aktualneho profila Thunderbird wutworić:

1. Dźiće k ≡ > Nastroje > Eksportować
2. Klikńće na tłóčatko Eksportować.
3. Wubjerće w dialogu Do ZIP-dataje eksportować cilowy rjadowak a datajowe mjeno, na př. Thunderbird_profile_backup_2022-06-28.zip.
4. Klikńće na Składować.

Hižo sčinjene! Maće zawěsćensku kopiju swojeho profila Thunderbird.

Zawěsćenje wulkich profilow wutworić

Jeli waš profilowy rjadowak je wjetši hač 2 GB, dyrbiće sam swój zrjadowak datajow wužiwać a zawěsćensku kopiju swojeho profiloweho rjadowaka wutworić.

1. Zo byšće swój profilowy rjadowak namakał, móžeće wotkaz Profilowy rjadowak wočinić w prěnim kroku eksportoweho nastroja wužiwać. Budźeće wobsah swojeho profiloweho rjadowak w swojim zrjadowaku datajow widźeć. Profilowy rjadowak ma mjeno kaž abc12defg.default-release.
2. Wubjerće a kopěrujće wšón wobsah swojeho profiloweho rjadowaka.
3. Wutworće prózdny rjadowak, hdźež chceće swoje zawěsćenje wobchować, na př. na USB-tykačku. Móžeće pomocliwe rjadowakowe mjeno kaž Thunderbird_profile_backup_2022-06-28 wubrać.
4. Zasadźće wobsah swojeho profiloweho rjadowaka do swojeho prózdneho ciloweho rjadowaka.