Informacije wo stronje - techniske podrobnosće wo aktualnej stronje
Wersijowe informacije
- Wersijowy ID: 195868
- Wutworjeny:
- Awtor: milupo
- Komentar: translation update
- Přepruwowany: Haj
- Přepruwowany:
- Přepruwowany wot: milupo
- Je schwaleny? Haj
- Je to aktualna wersija? Ně
- Hotowy za přełožowanje: Ně
Žórłowy kod wersije
Wobsah wersije
Wokno Info wo stronje Firefox podawa wam techniske podrobnosće wo aktualnej stronje a dowoluje wam, wšelake prawa za te websydło změnił. Zo byšće wokno „Info wo stronje“ wočinił: Klikńće z prawej tastu myškiDźeržće tastu control stłóčenu a klikńće na pródzny wobłuk webstrony a wubjerće z kontekstoweho menija.
Slědujće tutym krokam, zo byšće wokno „Info wo stronje“ wočinił:
- KLikńće na tłóčatko nalěwo pódla adresy webstrony.
- Klikńće na prawy šipk we wuběranskim meniju kontrolneho centruma.
- KLikńće na tłóčatko
w přichdodnej namołwje.
- Klikńće na zamk nalěwo pódla adresy webstrony.
- Klikńće na prawy šipk we wuběranskim meniju sydłowych informacijow.
- Klikńće na tłóčatko
w přichodnej namołwje.
Wokno Info wo stronje je do rozdźělnych wotrězkow rozrjadowane. Kóždy wotrězk so deleka wopisa.
Zapis wobsaha
- 1 Powšitkowne
- 2 Medije
- 3 Kanale
- 4 Prawa
- 4.1 Přistup ke gratam wirtuelneje reality
- 4.2 Přistup na waše stejnišćo
- 4.3 Medije awtomatisce ze zynkom wothrać
- 4.4 Zynk awtomatisce wothrać
- 4.5 Awtomatisce wothrać
- 4.6 Přidatki instalować
- 4.7 Wobrazy začitać
- 4.8 Wuskakowace wokna wočinić
- 4.9 Tastowe skrótšenki přepisać
- 4.10 Zdźělenki přijeć
- 4.11 Adobe Flash wužiwać
- 4.12 Zdźělenki pósłać
- 4.13 Placki składować
- 4.14 Wobrazowku dźělić
- 4.15 Daty w trajnym składźe składować
- 4.16 K tutomu rajtarkej přeńć
- 4.17 Kameru wužiwać
- 4.18 Mikrofon wužiwać
- 5 Wěstota
Powšitkowne
Wotrězk Powšitkowne wobsahuje zakładne informacije wo stronje, na přikład titul, wobsahowy typ a wulkosć, kaž tež dalše techniske daty ze žórłoweho koda strony.
- Titul: Pokazuje titul strony, kotruž wopytujeće.
- Adresa: Pokazuje URL (Uniform Resource Locator) strony, kotryž runje wopytujeće.
- Typ: Pokazuje wobsahowy typ (MIME-typ) strony, kotruž runje wopytujeće. Tutón typ so přez webserwer postaja.
- Zwobraznjenski modus: Pokazuje, hač strona standardam webprogramowanja wotpowěduje (modus konformnosće ze standardami) abo hač Firefox dyrbi stronu na wašnje pokazać, kotrež je kompatibelne z njestandardnym kodom (modus Quirks).
- Tekstowe kodowanje: Pokazuje, kotre znamješkowe kodowanje strona wužiwa. To da so w meniju změnić.
- Wulkosć: Pokazuje wulkosć strony w kilobajtach (a bajtach).
- Změnjeny: pokazuje datum a čas, hdyž je so strona posledni raz změniła.
Meta
Polo „Meta“ pokazuje wšě metaelementy, kotrež su w žórłowym kodźe strony. To móža podaća wo datajowym typje, znamješkowym kodowanju, awtorje, klučowych słowach a wjace być.
Medije
Wotrězk „Medije“ pokazuje URL a typ pozadkow, wobrazow a zasadźeneho wobsaha (inkluziwnje awdio a widejo), kotrež so ze stronu začituja. Móžeće na kóždy element kliknyć, zo byšće wjace wo nich zhonił, na přikład:
- Adresa: URL elementa.
- Typ: Datajowy typ elementa.
- Wulkosć: Wulkośc elementa w kilobajtach (a bajtach).
- Wotměry: Wulkosć elementa na wobrazowce w pikselach.
- Přisłušny tekst: „Alternatiwny“ tekst (wobrazoweho atributa „alt“), kotryž so pokazuje, hdyž wobrazy njedadźa so začitować.
Móžeće kóždy element na swojej krutej tačeli składować, hdyž na tłóčatko
kliknjeće.Wobrazy domeny blokować
Hdyž tute nastajenjenastajenje zmóžnjeće, zadźěwaće, zo strony wěsteje domeny wobrazy awtomatisce začitować.
Kanale
Prawa
We wotrězku „Prawa“ móžeće nastajenjanastajenja za domenu změnić, kotraž so za zapiskom Prawa za: pokazuje. Wotstrońće hóčku w kašćiku pódla Standard wužiwać, zo byšće podał, hač so wěsta akcija stronje dowoluje abo zakazuje.
Přistup ke gratam wirtuelneje reality
Podawa, hač podata domena smě waše nahłowne słuchatko z mikrofonom wužiwać. To so na sydła nałožuje, kotrež wobšěrne dožiwjenja maja, kaž 360°-owe wideja a hry. Móžeće to na Přeco se prašeć, Dowolić abo Blokować stajić. Zo byšće wjace zhonił, hlejće WebXR Permission Info Page.
Přistup na waše stejnišćo
Podawa, hač Firefox smě datej domenje waše aktualne stejniščo z pomocu stejnišćoweho přehladowanja zdźělić.
Medije awtomatisce ze zynkom wothrać
Podawa, hač podata domena smě medije awtomatisce wothrać. Za dalše informacije hlejće Allow or block media autoplay in Firefox. Wobkedźbujće, zo awtomatiske wothraće medijow snano we wašej wersiji Firefox hišće zmóžnjene njeje.
Zynk awtomatisce wothrać
Podawa, hač podata domena smě medije awtomatisce wothrać. Za dalše informacije hlejće Allow or block media autoplay in Firefox.
Awtomatisce wothrać
Podawa, hač podata domena smě awdio a widejo awtomatisce wothrać. Za dalše informacije hlejće Allow or block media autoplay in Firefox.
Přidatki instalować
Podawa, hač podata domena smě dialogowe wokno za instalaciju rozšěrjenja abo drasty wočinić. Instalaciska dowolnosć za websydła da so we woknje „Priwatnosć a wěstota“ nastajenjow Firefoxnastajenjow Firefox pod Prawa přidać abo wotstronić.
Wobrazy začitać
Podawa, hač podata domena smě wobrazy awtomatisce začitować.
Wuskakowace wokna wočinić
Podawa, hač podata domena smě wuskakowce wokna wočinić. Hlejće Nastajenja wuskakowacych woknow, wuwzaća a rozrisowanje problemow za instrukcije wo tym, kak móžeće prawa wuskakowacych woknow za sydła přidać abo wotstronić.
Tastowe skrótšenki přepisać
Podawa, hač podata domena smě zatwarjene tastowe skrótšenki wuměnić; na přikład připokazowanje Strg + Bcmd ⌘ + B přikazej Tučny město bóčnicy zapołožkow. Kedźbu: Hdyž tute prawo na Blokować stajicé, njeda so tuchwilu tasta Zhašeć wužiwać, a wuskutkuje, zo tasta Wróćotasta kaž tłóčatko Wróćo funguje, samo we formularach a editorach.
Zdźělenki přijeć
Podawa, hač podata domena smě eksterne zdźělenki (push-zdźělenki) pósłać.
Adobe Flash wužiwać
Podawa, hač domena ma přeco so prašeć, dowolić abo blokować, hdyž so tykač Adobe Flash startuje. Nastawk Čehodla dyrbju tykače přez kliknjenje aktiwizować? wujasnja, kak so tute prawa za wěste sydła nastajeja.
Zdźělenki pósłać
Podawa, hač podata domena smě eksterne zdźělenki pósłać.
Placki składować
Podawa, hač podata domena móže placki składować. Hlejće Websites say cookies are blocked - Unblock them a Block websites from storing cookies and site data in Firefox za instrukcije wo tym, kak móžeće plackowe prawa za sydła přidać abo wotstronić.
Wobrazowku dźělić
Websydła móže wo wašu dowolnosć prosyć, wašu ličakowu wobrazowku dźělić. Móžeće to na Přeco so prašeć abo Blokować stajić. Za dalše informacije hlejće Share browser windows or your screen with sites you trust.
Daty w trajnym składźe składować
Podawa, hač podata domena smě daty na wašim ličaku za pozdźiše wužiwanje składować. Firefox daty z websydłow z trajnym składom wobchowuje, doniž je njezhašeće. Za dalše informacije hlejće Manage local site storage settings.
K tutomu rajtarkej přeńć
Podawa, hač podata domena smě fokus na swój rajtark změnić. Móžeće to na Přeco se prašeć abo Dowolić stajić.
Kameru wužiwać
Podawa, hač data domena smě wašu kameru wužiwać. To płaći za sydła, kotrež maja móžnosće, wideja nahrawać abo fotografować, na přikład sydła z widejochatom. Móžeće tute nastajenje na Přeco so prašeć, Dowolić abo Blokować stajić.
Mikrofon wužiwać
Podawa, hač data domena smě waš mikrofon wužiwać. To płaći za sydła, kotrež maja awdiomóžnosće, t. r., kotrež móža zynki natočić, na přikład sydła, kotrež telefonowe konferency zmóžnjeja. Móžeće tute nastajenje na Přeco so prašeć, Dowolić abo Blokować stajić.
Wěstota
Identita websydła
- Websydło: Pokazuje domenu strony.
- Wobsedźer: Pokazuje wobsedźerja websydła, jeli identita strony da so přepruwować.
- Přepruwowany wot: Pokazuje certifikatowu awtoritu, kotraž je wěstotny certifikat wudała, kotryž sydło wužiwa, jeli certifikat je k dispoziciji. Klikńće na tłóčatko certifikat websydła wobhladał. , zo byšće sej
Priwatnosć a historija
- Sym tute websydło hižo prjedy wopytał?: Pokazuje, hač sće sydło hižo prjedy wopytał, a, jeli tomu tak je, kak husto.
- Składuje tute websydło informacije (placki) na mojim ličaku?: Pokazuje, hač sydło placki składuje. Klikńće na tłóčatko , zo byšće sej placki wobhladał abo składował, jeli tajke su.
- Składuje tute websydło informacije na wašim ličaku?: Pokazuje, hač sydło placki abo druhe sydłowe daty składuje. Klikńće na tłóčatko , zo byšće sej składowane daty wobhladał abo zhašał, jeli tajke su.
- Su so hesła za tute websydło składowali?: Pokazuje, hač sće přizjewjenske informacije za tute sydło składowali. Klikńće na , zo byšće sej hesła wobhladał, kotrež sće za sydło składował.
Techniske podrobnosće
Wotrězk „Techniske podrobnosće“ pokazuje, hač zwisk je z přičinow priwatnosće zaklučowany, a, jeli tomu tak je, kotry typ a sylnosć zaklučowanja stej so wužiłoj.
Tutón nastawk dźělić: https://mzl.la/2LfrxcY